رسالة دعم المالي للتأشيرة الصادرة من المكتب الكندي (CBIE)

السلام عليكم ورحمة الله وبركاته

أنا قدمت علي رسالة الدعم المالي للتأشيرة, و تحصلت علي رسالة أدراة البعثات إلي السفارة و صورة من إبراق إدراة البعثات إلي المكتب الكندي بشأن أستصدار رسالة دعم مالي إلي السفارة للمعني لغرض التأشيرة,
سؤالي: هل رسالة الدعم المالي الخاصة بالمكتب الكندي سوف يبعثها إلي السفارة مباشرة أو يبعثها ألي إدارة البعثات
وهل من الأفضل إن أقدم المستندات مع صورة من الإبراق و رسالة أدراة البعثات إلي السفارة أو أنتظر صدور رسالة الدعم المالي لغرض التأشيرة من المكتب الكندي

السلام عليكم
انا لما قدمت ع التأشيرة كان ملفي ناقص رسالة الدعم المالي و قدمت بالابراق و بعد يومين بالضبط جتني رسالة الدعم المالي ع الايميل و رفعتها للسفارة و الحق دخلوني على طول لما قلتلهم عندي ورقة بنضيفها يعني ماكانش موعد لان دخلوني خدوا من الورقة وطلعت طول انا ننصحك تستغل الوقت و تقدم و بالتوفيق و السداد

السلام عليكم ياخوي اني اليوم كان عندي موعد مقابلة في السفارة ورفعتلهم صورة من الابراق وقبلوه مني وعطوني موعد شهر لاجراء الفحص الطبي توكل علي الله وبره خود موعد ومعاش تسمع كثرة الاراء لاني زي ماقتلك كان عندي مقابلة اليوم11/12/2012

السلام عليكم..

بالنسبة للساحة الأمريكية أنا راسلت المكتب الكندي بخصوص رسالة دعم التأشيرة و قالولي رسالة الدعم المالي للتأشيرة ألي تستلمها من البعثات تكفي و للتأكيد أقروا الرسالة التالية التي أرسلها لي المكتب الكندي:

I would like to inform you that the American Embassy has started accepting the letters issued by the Ministry of Education in Libya. Therefore, I would kindly suggest that you contact the ministry, if you have not already done so, for further information and procedures that you might have to complete in order to receive the letter.

السلام عليكم اعضاء منتدى الكرام

عند الحصول على رسالة الدعم مالى للتاشيرة من البعثات ؟ هل نفتح ملف فى مكتب الكندى cbie ونقوم بتعبية النموذج ونرسلهم الاوراق ؟ للحصول على رسالة تاشيرة من مكتب ؟
وهل الابراق ياتى مع رسالة دعم من البعثات يعنى يجيبا لى مندوب ام نذهب شخصيا الى طرابلس ارجو التوضيح
او ان فتح ملف يكون عند الوصول للكندا ؟ فهمونا

وشكرا لكم

يا خوي سالم لما تحصل رسالة الدعم المالي لغرض التأشيرة من البعثات تفتح موقع المكتب الكندي و تعبي نموذج طالب جديد و تحمل الاوراق المطلوبة و مش شرط تحمل كل الاوراق اللي في النموذج لان في منها ماتخصكش زي شهادة الثانوية المهم بعد تعبيئة النموذج يراسلك المكتب الكندي و تقدر انت تطلب منهم يبعتولك رسالة الدعم المالي لغرض التأشيرة و هما بيراسلوا البعثات و المفروض البعثات يبعتولهم الابراق اللي فيه بياناتك و ايميلك وانك موفد و بمجرد ما يوصل الابراق للمكتب الكندي يبعتولك ع الايميل رسالة الدعم المالي لغرض التأشيرة و هذي كل القصة. . نصيحة لو عندك قبول لغة من توا عبي نموذج المكتب الكندي اونلاين
الابراق ممكن يجيبه المندوب و ممكن انت تمشي بس تأكد انه اسمك و ايميلك صحيح عند المندوب لان البعتاث ديما يغلطوا
بالتوفيق

الكلام اللي قاله المهندس زين العقل قدم برسالة البعثات ولما اتجيك رسالة المكتب الكندي ارفعها اني صاحبي رفعها بعد الكشف الطبي طلبوها لما الملف اوصل تونس يعني بعد اكثر من شهر استفيدو من الوقت بالله

السلام عليكم / قريت تعليق الاخت حنان بشان تعبيئة النمودج الخاص بالمكتب الكندي طبعا اني خديت الدعم المالي من البعثات ومرفق معاها صورة من الابراق للمكتب الكندي بشان دعم التاشيرة قريب 3 اسابيع توة وكل يوم انخش علي ايميلي ومالقيت شي وصلني من المكتبب الكندي ؟ بالله انصحوني شن اندير بالزبط مع العلم باني مشيت للسفارة الكندية وقدمت اوراقي ومعاها صورة من الابراق

المكتب عليه ضغط ايميلات لان الطلبة يرسلوا في ايميلاتهم اكثر من مرة و من ضمنهم اني ههههه لذلك ما عاد ايردوا بسرعة حتى علينا احني اللي في كندا ربي يسخرلك

انت ابعث الهم ايميل وقول الهم انك قدمت على التأشيرة والافضل ترسل صورة من ايصال التقديم نقصد المكتب الكندي.. ولوان التأشيرة صارت جاهزة في تونس راح يبعثو لك ايميل ما اتقلقش روحك هلبة عندك من اهني لغاية اسبوع بعد الكشف الطبي ما اتقلقش روحك هلبة هلبة

بارك الله فيكم بس ياريت تعطوني ايميلي المكتب وجزاكم الله كل خير

SScarrow@cbie.ca ... هذا ايميل وحدة من الموظفات اسمها Shanna

لو اتصلت بيها احسن لأنهم يردوا ع الهاتف اسرع من الايميل
شوف موقعهم اونلاين باش تاخذ ارقام التلفونات
بالتوفيق

هذا رقم المكتب في اوتاوا 0016132374820

فيه وحدة اسمها انان تتكلم بالعربي ممكن لما تتصل تطلبها بشكل شخصي .. بس للعلم راهو المكتب فاهم شغله 100% ....

السلام عليكم اخوتي و اخواتي في موقع كندا. بعد ماطلعت علي كل الاستفسارات الواردة في هذة الصفحة استطيع ان ادلوا بدلوي بماقد يكون مفبد للجميع.

كان هناك تاخير في استلام رسالة ال CBIE الي و لم يبعثوا الي ايميلا حتي بعم مرور قرابة الشهر و نصف من استلامي لرسالة الدعم المالي لغرض التاشيرة و رسالة الابراق من مكتب البعثات.

سبب التاخير عرفته بعد مراجعة مندوب الجامعة للبعتات"وجد ان الرسالة لم تبرق الي كندا" للاسف و لله الحمد. و للامانه المكتي الكندي ارسل الي ايميل بعد يوم واحد من ابراق البعثات للرسالة بعد اكتشاف الخطا الفادح. و المفاجاة ان الايميل يحتوي جميع ايميلاتي السابقة في الشهر و النصف دليلا علي استلامهم لكل شئ و لكن لايردو الا في الوقت المناسبز

موعد المقابلة في السفارة الكندية الاثنين القادم و سوف احمل ملفي ناقصا لرسالة ال CBIE معتمدا علي الله و الايميلات التي استلمتها نت ال CBIE بخصوص اتلامهم لكل المطلوبان و سوف يبعثوا الي بالرسالة بداية الاسبوع القادم و الذي يبدا بعد موعد المقابة........ و سوف ابلغكم بما سيحدث معي في المقابلة.

علية احب ان ابلغ الجميع ان المكتب الكندي ورغم ضغط العمل يستجيبون للجميع و لكن ياخذ من يومين الي اربعة كما قال البعض.

اخيرا اتمني للجميع التوفيق

الف مرة نقول برى لهاجر في الساحة الكندية في البعثاث وتأكد هل رسالتك تم ابراقها او لا ؟؟؟ حتى رسالة الاذن بالصرف ايقولو لك ابعثناها ولما اتسافر تكتشف انهم ما بعثوهاش وهذي اضافة جديدة لازم الطالب يتأكد ان رسالة بداية الصرف بالفعل وصلت الى مكتب cbie اني قعدت شهر نستنى في المرتب لما كلمت خوي في ليبيا امشي للبعثاث القاها املوحة الرسالة على طاولة .. الله غالب

اكتبولنا ايميلات المكتب الكندي اللي تراسلهم عشان  يبعتولك  رسالة دعم التأشيرة من المكتب الكندي

بالله عليكم نبي رقم هاتف المكتب الكندي لاني راسلتهم على الايميل من 06/08/2013 والى اليوم مافيش رد جعل الله هذا العمل في ميزان حسناتكم

awity كتب:

هذا رقم المكتب في اوتاوا 0016132374820