استفسار ؟؟

السلام عليكم ورحمة الله وبركاته

كيف حال الجميع

اريد اسال بالنسبه للطلبه اللي يسافروا بري من الحدود المصريه لو جايين بسياره ماهي اجراءات دخول السياره وكم مدة تواجدها في مصر وكم يدفعوا التربتك وهل اي نوع من السيارات يدخل ولا انواع معينه لو حد عنده فكره

وهل يوجد سيارات تابعه للمرابحه الاسلاميه في المصارف حاليا ؟ وماهي اسعار القسط لو حد يعرف وبارك الله فيكم
وشكرا للجميع

اجراءات دخول السيارة يكلفك حوالى 1500 جنيه مصرى لمدة ست شهور وهى اقصى مدة يعطوهالك
التامين بروحه يكلفك 970 جنيه مصرى و متنساش تجيب معاك طفاية حريق وتكون السيارة باسمك والتامين الليبى صالح والا يدفعوك يدفعوك

بس فيه وحدين شالوا السيارة معاهم كل مدة الدراسة بالله شن دايرين هضوما من اجراء

اي بارك الله فيك طيب وبعد الست شهور لازم ترجع بيها ولا تدخل الجمرك وترجع تاني ولا ماذا تفعل ؟

وفين تخلص الاجراءات والتامين وهذا كله ؟

وصح زي ما قالت الاخت كرست في ناس تضل معهم طول مدة دراستهم في مصر كيف يعملو ؟

وجزاكم الله خيرا

بالنسبة لاجراءات السيارة تكلف كما قال الاخ السابق 1500 جنيه مصري اول اجراء تقوم به في امساعد وهو التربتك تد فع عليه 5دينار ليبي ثم تختم الخروج من ليبيا ثم تختم الدخول لمصر بعدين تقوم بااجراءات السيارة يتم الكشف علي الطفاية الحريق وياحذوا البصمة تبع السيارة رقم الهيكل والمحرك ثم تدفع في الخزينة وبعدها تذهب الي التامن المصرى وتدفع 970 جنيه تامين 6اشهر من ضمن 1500جنه السابقة ولكن انا وجهتني مشكلة في التاشيرة كانت الصلاحية 4اشهر عطوني الملصق التصريح4 اشهر ولكن عادي انا ذهبت للقنصلية وقلولي لو تبي اتجدد اجراتك من هنا عادي تجينا قبل انتهاء المدة ونعطوك ورقة وتمشي بيها الي الميناء في الاسكندرية وتقوم بتجديد التصريح دون الرجوع الي ليبيا

السلام عليكم يا اخي الكريم

فيه ملاحظات نبي نزيدها لان الشباب كفو ووفو فوق

لما تجيب السيارة من ليبيا لازم تجيب معاك طفاية حريق و علبة اسعاف و مثلث الوقوف. اهمهم طبعا الطفاية لكن ساعات يدوروا علي حتي التانيات كان يبو يرزنوا دمهم

بالنسبة للتجديد كله في مصر اديره ماتخافش. اهم حاجة تبدا عندك اقامة في مصر و كل مرة تجدده في مطار القاهرة.

في الحدود المصرية حا يخيروك بين التريب تيك او لوحات للسيارة...اني نفضل انك ادير تريب تيك لانه حايدفعوك تأمين علي اللوحات و نفخ زايد

اني ننصح انك تجي بسيارتك يا اخي الكريم لانه فرقت معاي الحق لاني عشت سنتين من غير السيارة و تبهدلت في المواصلات لكن بالسيارة انت ملك نفسك

فعلا السيارة مهمة جدا في مصر...وتملك بها حرية الحركة وتبتعد عن المواصلات ومشاكلها....والمواصلات هنا في الاسكندرية ساعة الذروة"من 12 الى 2"..صعبة جدااااااااااااا

بالنسبه للاقامه هل لو لم تفعلها تدفع غرامه لما تروح فى المطار

اخي الكريم الاقامة مهمة في تجديد اوراق و ترخيص السيارة لانهم يجددوا فيها حسب مدة اقامتك
لو مازال في اقامتك شهر يجددوا الاوراق لشهر و لو كان مازال عليها 6 شهور يجددوها ل6 شهور

انا بدون سياره
يعنى هل لما نسافر بالمطار لو مش داير اقامه يغرموك

لا اعتقد انك تدفع اي مخالفة
زمان و قبل ما نجيب السيارة و قبل موضوع التأشيرات كنت قاعد من غير اقامة و نروح لليبيا و نجي لمصر من غير اي مشاكل

عبد الناصر كتب:

فعلا السيارة مهمة جدا في مصر...وتملك بها حرية الحركة وتبتعد عن المواصلات ومشاكلها....والمواصلات هنا في الاسكندرية ساعة الذروة"من 12 الى 2"..صعبة جدااااااااااااا

بس سؤال ماتخافو انها تنسرق
وهل فى كل مجموعات عمارات فيه باركن ممكن الواحد يأجر فيه
واى افضل واوفر يجى الواحد بسيارتا ولا بدونها

الافضل انك تجى بدون سيارة لمصر

الحالم كتب:

الافضل انك تجى بدون سيارة لمصر

لماذا

لى انه السياره معرضه للسرقه وبعدين السواقه فى مصر متعبه مع الزحمه

والله كرهتهم التاكسيات شن الحل

اشرى بشكليطه

الحالم كتب:

اشرى بشكليطه

لا قاعدة ندير فى اجراءات التوك توك
يشكروا فيه

ماهو التوك توك مشكله فى مصر ممنوع فى الطريق الرئيسى

اخواني بارك الله فيكم على اجاباتكم المفيده

وبالنسبه للي جاي بسياره يشوف جراج حسب السكن اللي هو فيه ويوجد ناس ياجرون محلاتهم جراجات ورخيصه بالشهر وها امن لك للحفاظ على سيارتك

ولكن هل يوجد سيارات نظام المرابحه الاسلاميه في المصارف مثل مصرف الجمهورية مثلا ؟

وماهو نظام القسط وتكلفته للي عنده فكره وجزاكم الله خيرا



تمنياتي للجميع بالتوفيق

حسب علمى فى مصرف الجمهوريه يوجد

كرست كتب:

الحالم كتب:

الافضل انك تجى بدون سيارة لمصر

لماذا

مع احترامي لوجهة نظرك اناانقول بالسيارة افضل صح لماالسيارة قبل انسرقت مني كنت ثاني
يوم نبي انصلحها ونذهب بيها الي ليبيا ولكن والله لقيت روحي مانقدرش نستغني عنهاتفكك من الزحمه يلي عندهم ولكن الواحد مرا مرا يركب في المواصلات العامةبالذات لما تقعد ماشي لمكان مش عارفه

كل واحد والطريقه يلى تعجبها فيه يلى تمشى معاه بدون سياره وفيه لا

والله الحق بالنسبة جيبة السيارة لمصر فادتني و ننصح بها و خاصة في القاهرة

افتكيت من التاكسيات و تكاليفهم
اول وقت مانبي نطلع نتدهور مع العلية نمشي في اي وقت و لي اي مكان. نمشي لدريم بارك او الاهرامات و اي مكان من غير ما نكلف روحي تاكسيات
نمشي نبضع بضاعة نص شهر من سبينيز و نملأ السيارة سبيزا و الشئ هذا صعب اديره من غير السيارة
الدراسة نمشيلها بالسيارة
حتي الواحد يمرض في نص الليل تمشي تولع السيارة و تطلع
الحق فرقت معاي