نداء عاجل لطلبة تورنتو وخصوصا الاخت noura23 والاخ awity

السلام عليكم خوتي
نداء لطلبة تورنتو .... في طالبة ليبية ليها 3 شهور جاية لكندا و بالتحديد مدينة واترلو و المرافق والدها المهم الطالبة عندها امتحان GRE يوم الجمعة هذا ان شاء الله الساعة 5 بعد المغرب في تورنتو و المشكلة هي ماتعرف تورنتو وبيمشي معاها والدها راجل كبير في السن و ما عنده وين يقعد لما تكون هي في الامتحان ...طلبي هو هل يقدر احد الطلبة المقيمين في تورنتو ان يستقبل الوالد حتى في مقهى عربي او غيره لحد ما تخلص الطالبة الامتحان و لو عنده سيارة يوصلهم محطة الباص ؟؟؟؟
بالله اللي عنده كيف يساعد يراسلني او يرد ع الموضوع لان الامتحان بعد يومين ان شاء الله و اجركم حاصل فهالبرد و الشتي ماعنده هالشيباني وين يقعد
اختكم حنان

ما عنداش اي مشكلة هذا لينا كلنا .. اني للاسف ما عنديش تلفون .. بس راح نعرف كيف نتصرف غدوة الصبح راح نبعث لك ع الخاص رقم تلفو باش ايكلموني هما الخميس في اللي ونتفاهم وين انلاقيهم ... اتهني عليهم وكأنك انتي تستقبليهم ... غدوة بعون الله تلقي الرقم في الخاص عندك ... ربي ايخليك ويحفظك ...

ربي يبارك فيك خوي و ايخليك و يفتح عليك ان شاء الله ماتقصرش

ماشاااااااااااااااااااااااااااااااااء الله ربي ايوفق الجميع لفعل الخير

وفيكم بارك الله الناس لبعضها وعلى فكرة الطالبة هذي تعرفت عليها عن طريق المنتدى وبعد وصلت واترلوا قابلتني و ربي يدوم الخير بين الناس

الله ايبارك في الجميع وفي النهاية احني دم واحد ... ومعروف علينا الليبيين الفزعة واتديرها وانت راضي على نفيك الله ايعين الجميع يارب

ل

بعد هاللي قريته والله ماعندي مانقول غير أني لو لم أكن ليبيه لتمنيت أن أكون ليبيه بارك الله في الجميع وأعانكم علي فعل الخير

سلام للجميع أنا. أسفة لعدم الرد لأني لم أتصفح المنتدي من أيام. بس حبيت نقول أنا جاهزة لأي مساعدة ورح ابعث لك يا أخت حنان رقمي عالخاص وبالتوفيق للجميع

شكرا اختي نورا على تواصلك و شكرا لكل من رد ع الموضوع

انا جدا سعيد بهذا التواصل وربي ايخلينا عون لبعضنا وللجميع

بجد بارك الله فيكم وفي ميزان حسناتكم

الله الله .. بجد بارك الله فيكم ، وبالله طمنونا عليها شن يصير في امتحانها ،، انا هكي ارتحت نوعا ما قبل ما نسافر لكندا وتحديدا تورنتو .. ماشاء الله عليكم .. ربي يبارك في الجميع ..

الله يحفظكم ...صنائع المعروف تقي مصارع السوء

الله يبارك فى كل من يسعى لفعل الخيرولو بكلمة

shada3bdoo كتب:

الله الله .. بجد بارك الله فيكم ، وبالله طمنونا عليها شن يصير في امتحانها ،، انا هكي ارتحت نوعا ما قبل ما نسافر لكندا وتحديدا تورنتو .. ماشاء الله عليكم .. ربي يبارك في الجميع ..

الله يبارك فيكم جميعا
الحمد لله عائلة سعودية اصحابنا اني و زوجي وصلوها هي و بوها و مشي معاهم زوجي علشان يقعدوا من الوالد وقت الامتحان بس ما عندي علم على نتيجتها لاني قليل ما نشوفها

ماشاءالله ماشاءالله،كثر الله من أمثالكم أنقنكم تبردوا ع القلب، صدقوني شي يثلج الصدر ويخلي الواحد يستنى يسافر بالدقيقة باش يلتقي بشباب زيكم، بارك الله فيكم الحمدلله على نعمة الاسلام أولا وإن الواحد جا ليبي

السلام عليكم

أنا الى كنت خايفه من الغربه ونحسبلها في ألف حساب قبل السفر لكن الحمد الله تعاونكم مع بعض نزع مني كل هذا الخوف

أعانكم الله على فعل الخير

السلام عليكم
بارك الله فيكم واعان الله الجميع لفعل الخير.....شكرا