بخصوص الشرطة البريطانية بالمطارات

السلام عليكم ورحمة الله وبركاته........
اني لدي قبول يوم 26 /11 /2012 من معهد لغة...وتاشيرتي طالب زائر لمدة 11شهر.... لكن للاسف نتيجة التعطيل في الاجراءات فقد اجلت الدراسة الى يوم 7 /1 /2012 ..... واني حاليا حجزت نهائي على رحلة الاحد ... ولكن الى الان لم استلم القبول الجديد من المعهد ...
الاستفسار: هل في حالة عدم ارسال المعهد القبول استطيع السفر واستخدام القبول الاول في مطار مانشيستر ... ام اني ساتعرض لمشكلة او حتى لترجيعي الى ليبيا مرة احرى......
ارجو الافادة من اصحاب التجربة او الخبرة......

ياجماعة بريطانيا وينكم........

صباح الخير.....أجلته ليوم 1/7يعني المْعهد وافقلك ؟شن بعثلك المعهد ؟ولا ما زال ما ردوش عليك؟

صباح النور خوي البلعزي.. المعهد الى الان ماردش عليا بشئ...لكن وقت فات الوقت عرض عليا الدراسة يوم 5 /12او يوم 7 /1..... طبعا غذوة سبت عطلة فاعتقد فقدت الامل في رده عليا قبل السفر..

عشان اتفادى المشكلة هذه أنا ننصحك اتغير موعد رحلتك حتى تتحصل على القبول من المعهد..

________________________________________

ربنا آتنا في الدنيا حسنة و في الآخرة حسنة و قنا عذاب النار

مشكور خوي الزبير على المساعدة..... هل تعرف اي شخص حصلت معه نفس المشكلة.... وما الحل الي لجا ليه بخصوص ذلك

أخي الكريم ،،، نصيحة السيد الزبير في محلها ،،، الأفضل لك أنك تأجل الرحلة تفادياً للمشاكل ،،،

وهذه المشكلة حصلت مع أحد زملائي في الجامعة ، لما سافر كان عنده القبول لكن مازال على الكورس يوم وإلا اثنين بس ، والله تعبوه هلبة هلبة هلبة ، قالوله شن جاي توة أنت الكورس متعك بيبدأ بعد يوم أو اثنين ، واحتجزوه في المطار لمدة ثلاث ساعات لعند ما اتصلوا بالمعهد اللي عاطيه القبول في مدينة كنت وتأكدوا من صحة كلامه ومستنداته ، وجاب ربك أن ذلك اليوم مش عطلة والمعهد يشتغل ، ومش هكي وبس ، قالوله لازم تمشي تسجل وترجع تجيب ورقة التسجيل خلال أقل من أسبوع (لا أتذكر كم يوم) وإلا هددوه بإلغاء تأشيرته !!!

أنت أخي الكريم قبولك غير ساري المفعول ،،، وبتسافر في يوم عطلة ؟؟؟؟؟؟؟؟

نصيحة لا تستعجل ،،، ما زال في وقت كافي ،،، غير موعد رحلتك لعند ما تستلم القبول الجديد تفادياً للمشاكل ،،، وزيد راسل المعهد أكثر من مرة باش يبعثولك قبولك !!!

وبالتوفيق لك وللجميع غن شاء الله !!!

أشكركم جميعا اخوتي على كل اقتراحاتكم ومساعدتكم ليا.......... قبل دقائق بس بعثولي التاجيل....... لكن التاجيل كله انشاء ومش نفس الاول...... فهل نرفق معاه القبول الاول وخاصة انه مشار اليه في القبول الجديد..... منورين جميعا ياتريس

هكي أمورك تمام أن شاء الله خلي معاك القبول الأول و التأجيل وموفق أن شاء الله

بالتوفيق اخ محمد.... نستودعك الله الذي لاتضيع ودائعه.....

يا اخي انت تاشيرة طالب زائر مش تاير فور فهم مش هيبحتوا حتى في ورقة القبول لانك اصلا ما خذيت التاشيره إلا و عندك قبول ...زلكن لو عندك قبول وكاس نمبر فبالتالي هيكون مكتوب في التاشيره وهنا هيختلف الوضع المهم اكتب عبي نموذج امتاع الطياره قبل ما تنزل و عدي .....موضوعك ساهل

السلام عليكم ورحمة الله أخي أبو محمد وجميع الأعضاء ،،،

بالفعل أخي أبو محمد ،،، العبد لله واخذ تأشيرة تاير 4 ،،، و وصلت لية أربعة أيام إلى بريطانيا ونزلت في مطار أدنبرة ، وما طلبوش مني القبول في المطار ،،، ولا أعلم في المطارات الأخرى ...

الحقيقة مطار أدنبرة كانت معاملتهم راقية جداً ، التأشيرة كنت واخذها من شهر 9 الماضي وكنت متخوف يتعبوني في المطار بسبب تاخير السفر 4 أشهر من تاريخ الحصول على التأشيرة ولكن ،،، ولله الحمد مشت الأمور ، سألني على التأخير قتله بسبب تعفيد وتأخر الإجراءات في ليبيا ، تفهم الموقف وختم لي دخول وتمنوا لي إقامة طيبة في أدنبرة !!!

غالبا الاسكوتش اي اهل اسكتلندا احسن في التعامل من الانجليز وبالاخص في المطارات

حقيقة ليس لدي علم بمعاملة الإنجليز ،،، ولكن لاحظت المعاملة الرائعة والترحيب من قبل أهل أسكتلندا مع ضيوفهم ،،، بالأمس كنت في مركز الشرطة للتسجيل فكانوا يبتسموا في وجه الضيف ويرحبوا بيه !!!

كذلك لاحظتها في الشارع أو في بعض الأماكن الأخرى ،،، يفرحوا لم تسألهم سؤال ، يجاوبوا عليك ويساعدوك بكل رحابة صدر !!!

السلام عليكم

الانجليز ايسهلوا الاجراءات بشكل معقول الى حد كبيـــــــــــــــــــــــــــــــــــر .. بس كله كوم والهندية اللى فى القاتويك كوم...

الله لا تجيب فى طريق حد منكم قولوا امين..

...

آآآآآآآآآميييييييييييييييين ،،،

لكن شن قصتها الهندية هادي يا أختي !!!

قبول اللغه يبدأ من 25-2 ونبي انسافر لمانشستر يوم الثلاثاء 2-4 هل يمشى القبول القديم ولا لازم انقدم على قبول جديد ياريت اللى عنده معلومه يجاوبنى