طلب مساعدة تخصص علم الأحياء في مايزيا

طلب مساعدة من الإخوة الليبيين
أرجوا من اخوتي الليبيين مساعدتي أنا طالبة ليبية موفدة في ماليزيا وأنا أبحث عن تخصصي لكن بنظام الكورس والبحث فقط ولا أريد بنظام البحث فأين أجده تخصصي هو ( علم الحيوان ) أنا خريجة كلية العلوم فأرجوا أن تدلوني وليس بالشرط علم الحيوان فأنا ممكن أتخصص في علم الطفيليات أو علم الأحياء الدقيقة أو علم الأنسجة أو علم التقنية الحيوية أو علم الأجنة أو علم الدم أو علم وظائف الحيوان أو فسيولوجي أو علم الأحياء فأرجوكم يا أخوتي ساعدوني وأخبروني أي الجامعات التي يوجد بها هذا التخصص ولا تنسوا بنظام الكورس والبحث. جزاكم الله خيرا

السلام عليكم

اختي الكريمه تخصصك موجود في جامعة
UPM

بارك الله فيك اختي على المعلومة ان شاء الله ربي يجعله في ميزان حسناتك

اسف أخي لقد أخطأت أريد كتابة أخي كتبت أختي أسفة مرة أخري بارك الله فيك

للعلم هناك فرع للمعهد الامريكي
ELS
في جامعة اليوبي ام لوتحصلتي علي قبول من الجامعه تقري في المعهد وهذا يفيد العائلات لان فيزتهم علي الجامعه ويقرو اللغه في المعهد

بارك الله فيك اخي الكريم ان شاء الله ربي يوفقك وين ماكنت

تخصصك في اليو بي ام 100% . موجود
مووفقه ان شاء الله

بارك الله فيك أخي SAYRA على هذه المعلومة موفق ان شاء الله

انا تخصصي علم الدم وقالولي انه موجود في usmوانا مانبيش نقرا في معهد اللغة مشي حالك نصحوني بالامريكي او البريطاني ومافهمتش شن قصة انك تقرا في المعهد اللي في الجامعة باش يعطوك الفيزا

السلام عليكم ورحمة الله وبركاته
خوي محمد ماعنديش خلفية على تخصصك في usm لكن نبي نوضحلك قصة دراسة اللغة في الجامعة هذا لو إنك حصلت قبول في الجامعة وانت مازال ماكملت لغة فيه اللي يمشي يدوام في الجامعة لأن بعض الجامعات تقدر تقريك لغة وفيه جامعات ماعندهاش لغة تقولك نبي الأيلس وعلى علمي انه جامعة usm طالبة اأيلس وبما انك مش متزوج فالمعهد الأمريكي أحسن ليك .

انا متزوج لكن توا فيه اشكالية انه المعاهد الكويسة ماتعطيكش الاقاممةلو انك جاي بتاشيرة سياحية حسب ماسمعت من المنتدي

هذا صحيح اخي الكريم افضل المعاهد المعهد الأمريكي وهو للأسف مايعطيش الإقامة للعائلة وفيه معهد اخر يعطي الإقامة ليك وللعائلة وهو الكستوري بس مستواه ضعيف لأعداد الطالب في اللغة

وادا كان المرافق بيقرا عنهم

لالا يا أخي مايجيش بما انك انت صاحب الإيفاد فانت فقط مسموحلك تقرا عندهم اما إذا كان المرافق يبي يقرا عندهم فحيكون على حاسبه الخاص ولكن لو عندكم صغار فالمعهد مش حيعطيك فيزا ليهم وهذى تبقى مشكلة لكن لو حصلت قبول في جامعة upm فهي عندها كورس لغة وهو فرع من المعهد الأمريكي

ويعطي فيزا للعائلة كلها

جودي 2012 كتب:

لالا يا أخي مايجيش بما انك انت صاحب الإيفاد فانت فقط مسموحلك تقرا عندهم اما إذا كان المرافق يبي يقرا عندهم فحيكون على حاسبه الخاص ولكن لو عندكم صغار فالمعهد مش حيعطيك فيزا ليهم وهذى تبقى مشكلة لكن لو حصلت قبول في جامعة upm فهي عندها كورس لغة وهو فرع من المعهد الأمريكي

ممكن تزيدي توضحيلي كلامك لو سمحتي لاني موفدة ومعاي خوي وولدي وعند بالي باش نقرا شوية في الكاستوري وبعدين نحول لواحد من المعاهد الكويسة طبعا بعد ما نحصل الاقامة وطبعا اني وخوي على حساب الدولة بس هل نفهم من كلامك ان لو حولنا للمعهد الامريكي مثلا او غيره فالدولة مش رح تخلص علينا ولا حتى مش رح تخلص على خوي

ان شاء الله نكون وضحتلك قصدي وشكرا مقدما

السلام عليكم ورحمة الله وبركاته
أختي الغالية لو انك درستي في الكستوري وحصلتي الإقامة ومشيتي لمعهد اخر فالدولة مش حتصرف عليك لأنها قاعدة تصرفلك في منحة الكورس في معهد الكجستوري ولو إنك حصلتي الإقامة من معهد الكستوري وتبي تحولي لمعهد اخر فهذا يعني انك حتقري في المعهد الأخر على حساب نفسك مش على حساب الدولة .
إن شاء الله اختي نكون وضحتلك الصورة .