مالفرق بين خريج الماجستير بالبحث فقط وبين خريج الماجستير بالكورسات والبحث معا

السلام عليكم ورحمة الله وبركاته
إخوتي الليبيين أريد الإستفسار عن معلومة هل صحيح أن دراسة الماجستير بالبحث فقط غير مقبولة في ليبيا ؟
ومالفرق بين خريج الماجستير بنظام البحث فقط وخريج الماجستير بنظام الكورسات والبحث معا .
أرجوا أن تفيدوني

أرجوكم اخوتي الليبيين من لديه معلومة أرجوا أن يبلغني

السلام عليكم ورحمة الله وبركاته

اهلا بيكم اخوتي بالمنتذى

بالنسبة لسؤالك اختى العزيرة

الفرق بينهم هو بالنسبة للماجستير بحث ففي هذا النظام لا توجد هناك مواد ولكن عليك ان تخططي نظام الدراسه ... اذا موضوعك فى علم الحيوان و يحتاج عملي في المختبر... فعليك ان تخططي متى وكيف تبدئى وكم مدة العملي وكم مدة الكتابه بالعملي كل شي على راسك مع مساعده من المشرف الاكاديمي.. وفي النهايه عليك ان تسلمي ديسرتيشن لا يقل عن 60000 كلمه... والمناقشه تكون كالدكتوراه يعني يجيك ثلاث مختصين في تخصصك ويسالوك اسئله ...
اما بالنسبه نظام الماجستير مع الكورسات
فهو محاضرات وامتحانات والديسرتيشن عليه كريدت معين الكلمات لا تتعدى 20000 كلمه... هنا عادة لا توجد اي مناقشه يعني يصححو الديسرتيشن كاي بحث واحيانا تتم مناقشة بسيطة لبعض التخصصات او لو النتائج طلعت فى الحدود الغير متوقعة

ونظام الماجستير بحث لا يعتد به فى ليبيا والسبب هو انه التزوير محتمل فى هذا النظام حيث يستطيع الطالب ان يستعين بشخص يقوم يكتب له البحث على مراحل ويفهمه النقاط المهمة والنتائج ويقوم هو بطرح المراحل على المشرف وفى النهاية يقوم بمناقشته البحث اما نظام الماجستير مع مواد فهو نظام دراسة عادية وحضور محاضرات وعمل امتحانات منتظمة والغش صعب في هذا النظام

والله المستعان

على حسب علمي والله اعلم..... انه معترف بها ولكن المتحصل على درجة الماجستير بالبحث لايمكنه ان يشغل وظيفة اكاديمية....
يعني يقدر يشتغل باحث او شئ اخر ولكن لايستطيع ان يكون محاضر في الجامعة مثلا....

في ماليزيا الجامعات تختلف فيه منها بنظام الستركشير الف وهوا جست فل ريسيرش يعني بحت زي بحت الدكتوراه اقل بشويه منه
وفيه ستركشير ب وهوا 3 مواد وريسيرش يعني بحث لاباس بيه قوي وفيه نشر ورقات بحثيه
وفيه ستركشير سي وهوا زي متع الاكاديميه اللي في ليبيا نوعا ما يعني بروجيكت صغيرون زي متع الباك ومعاها من 9-10 مواد وتقرا وتتخرج وتمت
توا نجو للابليكيشن
جماعه الشركات والبزينس يحبو الناس متع الابحاث يعني بي والف ؟ علاش لانهم هما خادمين عملي ومدايرين تجارب وابحاث ع شغل معين واريا معينه
بينما الاكاديمك بارت يعني الاساتده متع الجامعات والكليات والمعاهد يرغبو في الناس اللي متخرجه بستركششير سي يعني مش شرط يعني 100% الكلام هوا قانون بس كونهم قاريين مواد هلبه يعني عندهم اكثر من خبره في مجالات متعدده... المهم اهوا الموجود
الفرق مش كبير بالعكس كل نوعيه من المساتر ليها ابلايكشن وليها اهداف وتطبيقات وكل واحد ورغبته وكل واحد والكارييير متع المستقبل اللي يبيه يعني...



ع فكره اني قريت ستركشير بي يعني 3 مواد وبحث في الماستر وبعدين قدمت ع عضو هيئه تدريس في الجامعه وبعديتن حصلت قرار ايفاد دكتوراه وتوا ندير في بحثي ومساعدني هلبه الماستر اللي درتها بالبحث لاني الحق يا ربي ما لقيتش صعوبه في الريسييرش....
موفقين يا رب
واني كتبت بالعاميه لانها الاقرب وتوصل ساهله وحفيفه لكل واحد خير من (سندهب وقلنا وسوف نعمل) والامور اهيا المعقده



منورين وبالتوووفيق للجميع
ع فكره فيه دول زي ايران مثلا تمنع طلبتها منعا باتا من الماستر بالريسيرش يبوهم يقرو موووااد يعني كل دوله وخصوصيتها وكل دوله وتوجييها في شني يعني ...

سلاااااااااااااااام

أشكر إخوتى الذين أفادوني بهذه المعلومات القيمة وإن شاء الله ربي يجعله في ميزان حسناتكم يارب واتمنى لكم التوفيق ان شاء الله . ومشكور يا أخي sayra أنا مقدمة في جامعة upm بس مازلت ماحصلت قبول وتخصصي فيها بنظام البحث لهذا أنا نسأل .

ممكن أسألك أخي sayra سؤال ؟
لما قريت ماجستير بالبحث ورديت لليبيا وقدمت على عضو هيئة تدريس هل درست أو لا .
فيه من يقول ان اللي يدرس بنظام البحث ماينقبلش كعضو هيئة تدريس هل هذا صحيح أخي

مرحبا يا اختي ايه درست مش قلتلك انا طلعت ايفاد ؟ وتوا نقرا في دكتوراه ...مالا كيف طلعت ايفاد .. انا عضو هيئه تدريس.. درست في ليبيا 6 سنوات وما يكدبوش عليك يقبلوك عادي شني اللي ما يخليهمش يقبلوك ... اني ع فكره ايضا ف جامعه اليو بي ام .. واو تبي اي سؤال تفضلي باللي نقدر عليه نساعدك ... وان شاء الله تحصلي قبولك وتبدي مسيرتك العلميه وديما شوفي قداام وحاولي انك تفكري كيف بتطوري في دراستك وتنظمي امورك .