معاملة الدكاترة المصريين للطلبة الليبيين

<P><STRONG>السلام عليكم .. موضوع معاملة الدكاترة المصريين للطلبة الليبيين شغل شاغل للعديد من الطلبة فمنهم من يقول كملت رسالتي والدكتور مازال يماطل في من غير سبب ...</STRONG></P>
<P><STRONG>ومنهم من يقول  المعلومة انحصلها من دكتوري بستين واسطة ...</STRONG></P>
<P><STRONG>ومنهم من يستغل الطالب حتى مادياً .0</STRONG></P>
<P><STRONG>ومنهم من يكون دكتوره في قمة الروعة معه في المعاملة ...</STRONG></P>
<P><STRONG>ياريت نتناقشو مع بعضنا وكل واحد ايقولنا تجربته الشخصية او تجربة احد معارفه ...</STRONG> </P>انا عن نفسي دكتوري قمة في الادب لكن نعرف ناس تعبانيين مع دكاترتهم..

شكرا لك على طرح الموضوع ..هام جدا...شوف ... المشرف له دور كبير جدا...والمفروض الطالب ميعتمدش على المشرف في الاساس ويخلي اعتماده على خالق المشرف الله. .ومبعتمدش على المشرف الا في حدود ضيقة جدا..لان الطالب هو الباحث وليس المشرف...والمشرف لما يشوف الطالب بيعتمد عليه بيستنتج ضعف مستواه ومش بيحترمه علميا..وهنا ممكن طبعا ينفر منه او يتعالى عليه....لازم دائما الطلب يثبت للمشرف انه متفوق ويحاول احراجه علميا "في حدود الادب طبعا"...وهذا رأيي باختصار...

بصراحه الدكتور المشرف مش هينفعك بحاجه فى الغالب يعنى 99% اجتهاد شخصى
يعنى هما يشوفو فيك موفد وتدفع بالاسترلينى يعنى المده يلى تقعده يعيد على الجاامعه بفائده ماديه
ونصيحه لكل طالب موفد لما تول لمرحله الرساله لا تنتظر من الدكتور المشرف اى مساعده اعتمد على نفسك

أنا قاعدة فى مرحلة المواد والدكاترة الحقيقة معاملتهم كويسة وبرمجت مع دكتور كمشرف لكن مش بشكل رسمي لغاية مانكمل المواد , ولكن اللي صدمني مرة كنت ماشية لرئيس القسم ومالقيتاش مشي السكرتيرة قالتلي نبي نوضحلك الامور باش ماتقعديش راقدة ومش عارفة شني يصير قالت لازم تهدي للدكتور باش يمشيلك امورك وكان تبي حتى استشارة ينفعك فأستغربت فقالت اصلا الطلبة هكي كلهم يديروا لازم يهدوا فقلتلها هدية زي شنى قالت جيبيله جنيه ذهب وقالتلي وهو يزعل يقول المفروض حتى هي يهدولها على اساس هي تاعبة معانا طبعا من يومها معاش مشيتلها بروحي بديت نمشي مع زميلاتي المصريات باش نتجنب تفتح معاي الموضوع تاني ,, وطبعا ماتستغربوش لأن فيه طلبة ليبين مستواهم ضعيف وهكي مشيين امورهم ,, وانا معاي بنت ليبية تتعامل بنفس الطريقة لدرجة انها فى الامتحان تغش قدام السكرتيرة وعادي طبعا والله حاجة تخجل كيف يقعدوا الطلبة المصريين يشوفولها طالبة دكتوراه وتغش

والله عندك الحق فعلا الدكاتره المصريين يلى حرررررررررام فيهم كلمة دكتور شحاتين ولو ما مشيتش امورك بالهدايه يعقدولك الامورلعنة الله عليهم يعنى المفروض يكون مكان علم وتعلم مش استغلال
عموما مهما يعطلوك بالاجتهاد لازم تمشى امورك وفعلا الطالب يلى مستواه ضعيف هو يلى يستخدم طرق الهدايه والتى تعتبر رشوة ويلى تقهر دايرين روحهم طلبه موفدين ولما بيرجعو هيكونو اعضاء هيئه تدريس ويعلمو ناس ثانيه
ربى يصلح الحال

السلام عليكم
اعانكم الله جميعا على هذه الامور
بصراحة امر مؤسف جداً

شكرا اخى الكريم حضرتك فى السويد اللهم لاحسد اكيد دكاتره راقيين وجامعه ارقى
ربى يوفقك