رسالة المكتب الكندي

السلام عليكم لمن يملك المعلومة الصحيحة والاكيدة هل من الممكن ان اتحصل علي التأشيرة بدون رسالة المكتب الكندي وشكراً

لا ...

السلام عليكم/ باهي ياخوي بالله عليك والله احترت ليا قريب الشهر وماجاني شي من المكتب الكندي مع العلم باني اخدت الدعم المالي للفيزة ومعاها برقية دعم التاشيرة ومعاش فهمت شي؟؟؟

جاوبتك على السؤال امتعك ..

السلام عليكم
حتي انا صار معاي زيك لكن طلع التقصير كله من ادارة البعتات بعد ممشيتلهم القيتهم مبعتوش اسمي للمكتب الكندي باش يبعتلي رسالة الدعم المالي و ين بعتوا اسمي في نفس اليوم المكتب الكندي بعثلي رسالة الدعم المالي.
بر راجع في البعثات قولهم نبي صورة من الفاكس اللي بعثوه للمكتب الكندي بخصوصي لان السفارة تطلب فيها كانا مش جايب رسالة الدعم المالي من المكتب الكندي

ادخل علي موقع المكتب الكندى وعبيء الطلب وهما يتاكدوا انك طالب موفد يبعثولك رسالة دعم اتاشيره من المكتب الكندي علي ايميلك وخوذها معاك مهمه لفيزا بلاها لان تاخذ الفيزا...من تجربيتي

سامحيني يا اختي بس اذا عبى نموذج المكتب الكندي هذا ما يعنيش انهم تأكدوا انه طالب موفد يعني المكتب الكندي مش راح يبعث الرسالة لحد ما ايجيه ايميل البعثات. يا خوي نصيحة قدم برسالة الدعم من البعثات و بالابراق اللي يتبث ان البعثات بعثوا للمكتب الكندي اسمك و بياناتك لان حسب ما قريت في المنتدى واحد من الاعضاء حصل التأشيرة بالابراق من دون ما يجيب الرسالة . هذا و الله اعلم

انا نحكي من واقع تجربتي مشيت لتونس ولم تصل بعد علي ايميل رساله دعم التاشيرة المكتب الكندي ودرت المقابلة قالولي في السفاره هاتي الرساله تعالي خوذي الفيزا رجعت لطرابلس نحب ونكره وانتظرت علي ايميلي الرساله اى ان جات بعد ثلاث اسابيع ...ملاحظه في البعثات يدوخوك قالولي بري برسالة دعم التاشيره وبعدين حصلت غادي ..ابعث علي موقع المكتب الكندى الرساله متعك الى مبعوثه لمكتب الكندي وعبي الطلب علي النت وابعث علي ايميل الحاجه vsejdiu@cbie.ca

توا تساعدك كيف ادير حتى ضمان ليك لما توصل لامريكا ....

السلام عليكم
بحكم تجربتي الان التأشيره طالعه ليها 20يوم وانراجي في التفويض المالي
المهم
قدمت على التأشيره يوم 2 اكتوبر الماضي وقالولي ناقصه رساله الدعم المالي
من المكتب الكندي والموظف قالي جيب حتى رسالة الابراق بس تكفيو وجبتلهم
صوره من رسالة الابراق وفي يوم 17 نوفمبر بعتولي للكشف الطبي ويوم 28
نوفمبر بعتولي وقالولي تعالللسفارة في طرابلس وجيب جواز السفر امعاك طبعا
كان يوم اربعاء واني ما فتحتش الايميل الا يوم الخميس العشيه المهم مشيت
الاحد 2 ديسمبر والحمد لله طلعت التأشيرة من غير رسالة الدعم المالي من
المكتب الكندي يعني برسالة الدعم المالي من ادارة البعثات ورسالة الابراق
فقط مع العلم انه الى الان وانا اراسل النمكتب الكندي بخصوص رسالة الدهعم
المالي ورقم CBIE الخاص بي وهما ايردوا ويقولولي الناماذج عبيهن بعد وصولك
الكندا
وتوا ما يبوا مني شي في المكتب الكندي الا رسالة القبول ورسالة بدايه الصرف
ملاحظه لو في اجراء اني ما درتاش يا ريت اتقولولي عليه
مع العلم اني طالع ايفاد في قرار الاوائل وتخصصي جيولوجيا ومعنديش قبول اكاديمي واخترت مركز لغه في مدينة فانكوفر
يعني من الاخير رسالة الدعم المالي من المكتب الكندي مزال الى الان لم تصلني ومع ذلك التأشيره طالعه ليها 20 يوم

الان رسالة الدعم المالي ماعندكش بيها حاجة ... لغاية ما توصل بعون الله الى كندا ... انصحك بالمعاهد التابعة الى الجامعات من اجل القبول الاكاديمي ... والقبول اللي حصلتة من فانكوفر ممكن اتغيرة اذا شئت ,,,هذي مجرد فكرة اقترحها

اي نعم تقدر تاخد التاشيرة من غيرها ....

بالنسبة لامريكا من تجربتي حصلت على التأشيرة من تونس بعدم التأشيرة من البعثات بدون المكتب الكندي ... وشكرا

ايها الاخوة الله يبارك فيكم لانريد اشاعات لا يوجد شيء اسمه رسالة من المكتب الكندي فقط التأشيرة تحتاج الى دعم التأشيرة من مكتب البعثات
تحتاج رسالة المكتب الكندي بعدما تسافر الى امريكا وتفتح ملف وتدرس ثم ترجع زيارة الى ليبيا قبل ما ترجع المكتب الكندي في تلك الساعة يعطيك رسالة الدعم لكن اول مرة لا تحتاج لها
ثم ارجع الى مشاركتي عن كيفية الحصول على التأشيرة الامريكية سوف تستفيد منها كثيراً إن شاء الله

عن تجربة الرسالتين مطلوبات وممكن فيه بعض الحلات قد تختلف لان هما مش قرأن .. وهذا هو السبب اللي خللى السيد معتز يتوقع انها اشاعات ...هذه تجارب وليست اشاعات مستحيل واحد يكتب حاجة مش عارفها ... للتوضيح يعني

كم الوقت للحصول علي التاشيرة الكندية