معادلة الشهادة للتقديم علي قبول اكاديمي

السلام عليكم
بالله يلي عنده معلومة لما بنعادل الشهادة متاعي من ليبيا اي موقع نستخدم
http://www.wes.org/ca/
او
https://www.ece.org/
مشكلة الموقع الاول انه يبعث النتيجة طول للجامعة يعني لو بتراسل اكثر من جامعة موضوع
مشكورين

وانت علاش تبي تعادلها انا حصلت قبول اكاديمي بدون ما نعادلهم!!! في كل الاحوال في موقع ثاني يستخدموا فيه هني بس مش مذكراته بالضبط توا ندوره في الورق اللي عندي ان شاء الله و نكتبهولك هني

هل المعادلة اتغير في التقدير او لا ... وما جدواها اساسا

يتغير التقدير هذا علاش في هلبه طلبه ايديروا فيها و طبعا مواقع المعادلة تستخدم لمعادلات الشهادات اللي من خارج كندا ويكون شكل المعادلة حسي حاجتك ليه يعني في اللي ايدير فيها لقبول اكاديمي جامعة او ماستر او دكتورا و في اللي محتاج يعادل شهادته باش يشتغل هني و غيرها.
بالتوفيق

شكرا اختي .. دور لي ع الرابط اللي احكيتي عليه وابعثيه لي ... ولو ممكن تفتحي الرسائل الخاصة ابعتث لك استفسار شوفيه وبارك الله فيك

ان شاء الله و الاستفسار جاوبت عليه برسالة
بالتوفيق

هل يسمح لطالب متحصل على ماجستير من بريطانيا واختار كندا للدكتوراه أن ينفد بقبول لغة؟ ولا لازم يبدأ بقبول أكاديمي دكتوراه ؟

تقريبا تقدر تاخذ لغة اذا قلت للمكتب الكندي انك محتاج ادير تحديث للغتك لان صارلك وقت و ما تكلمت انجليزي . هذا و الله أعلم

شكرًا يا أخت حنان وربي يوفقك أن شاء الله

شكرا حنان بارك الله فيك
ياس المعادلة تغير المعدل هلبة و اتوضحلك شني هما الجامعات يلي تقدر تقدم عليهم بالضبط خاصة يلي معدلهم مش قوي هلبة زي حالتي اني معدلي 71.26 % فقط ...

صديقي عادل و معدله 72% طلعله فوق 3 بمعدل كندا

شكرا خوي الاطيوش بس لو ممكن نبي الايميل اللي ممكن انعادل فيه والكلفة ... فيه موقع معين قال ادفع 500 دولار ... سيبت الموضوع وامعاش دورتة ... نستنى في الرابط لو ممكن اخي.

تقدر تعادل في الموقع هدا و هدا اكثر واحد موثوقية للجامعات
http://www.wes.org/ca/
الكلفة تلقاها في الطلب يلي بتعبيه و تقريبا 245 دولار

الله ايبارك فيك

السلام عليكم سامحوني هذا وين لقيت الموقع اللي قلتلكم عليه و سعره ارخص بهلبه
http://www.icascanada.ca/applicants/fees.aspx
يعني اذا تبي تعادل شهادتك تختار شي اسمه التقرير العام general report وتكلفته بس 90 دولار
بالتوفيق

السلام عليكم اخت حنان ... هل هذه الشركة معتمدة في كل الجامعات الكندية او .. اني اطلع على الرابط اللي كاتبه خوي الاطيوش يتهيأ لي انه تابع للدولة من الهيئة امتاعه

نختار general report في البداية او بعد انسجل .. ونعطيهم الشهائد المترجمة او العربية

نختار general report في البداية او بعد انسجل .. ونعطيهم الشهائد المترجمة او العربية

الموقع هذا خذيته من الكلية اللي يقرا فيها زوجي و هو معتمد ان شاء الله، تبعتلهم كشف الدرجات الاصلي اللي بالعربي و النسخة المترجمة و تدفع الرسوم و تبعتهم ع العنوان بالبريد العادي و ياخذ تقريبا 20 يوم و الرابط اللي تحت هو صفحة فيها أسئلة و أجوبة عن الموقع أقراها و ان شاء الله تلقى كل الاجابات اللي تهمك وعلى فكرة خوي عويتي كلمتها طالبة الدكتورا اللي قلتلك عليها و قالت انها ان شاء الله راح تبعتلك رسالة ع الخاص
بالتوفيق

مشكوووووووووووووووووووووووووووووووووووووووورة اخت حنان ربي يعطيك علي قيس نيتك الطيبة

السلام عليكم :- اخوتى الكرام
هل معادلة الشهادات ضرورية للحصول اكاديمى ؟ هل كل الجامعات تطلب شهادة معادلة ارجو التوضيح
علما بان معدلى العام اكاديمى 89.313%
هل نقوم بالمعادلة ارجو التوضيح

مش عارف الاخت حنان ممكن تفيدك اكثر ... بس علي حد علمي من اصدقائي في امريكا ان معادلة الشهادة افضل رغم انك تقدر تجيب قبول من غير معادلة لا شي

لا مش ضرورية خوي سالم انا و لله الحمد حصلت قبول في جامعة واترلوا بدون معادلة و انت نسبتك ما شاء الله و حسب اللي نعرفه كل جامعة عندها نظام معادلة خاص بيها هذا و الله أعلم
عفوا خوي latewish مافيش داعي للشكر و ربي يوفقك و يوفق الجميع

عندي استفسار طرحته زمان ومازلت انزيد نسأل فيه لو تسمحولي
هل الجامعات الكنديه تقبل حملة الدبلوم العالي لدراسة الماجستير فيها
مع العلم إن المُعدل عالي والتقدير ممتاز
ياريت لو في جامعه تقبل حتى ولو بعد معادلة الشهاده تذكرولي اسمها
وبارك الله فيكم