نبي نتزوج كندية من الاخير

باهى شنو صار بعدها
وامتى الكلام هضا

abdos2020 كتب:

والله يا اختى حنان حتى الصادا ما حصلناها
قاعدين على الشاهى الاخضر
ربي يرزقنا بقهوة بالحبهان ان شاء الله

انت غير انوي و القهوة بالمكسرات توا تجي ان شاء الله شكلك حتى انت بتتزوج كندية ههههه

اهم سبب في رأيي هو عدم الاستعداد المادي.الشاب لو مستعد ماديا وعنده مسكن وسيارة ومرتب كويس....مش حيكون في اي مانع ....

فعلا خوى ناصر الناحية المادية هى العائق الاكبر والاول

وعاداتنا زايدة الطين بلة

وبصراحة حتى المرأة مساعدة على الوضع

يعنى خلينا واقعيين من الى توافق على واحد يقوللها نجوزوا في ايجار وفى نفس الوقت مش متعلم

ولا متعلم وعليه ديون ويقوللها لافيه عرس لامهر لاذهب لاحوش

يعنى الله يكون في عون الشباب

يحسبة بسيطة تبيلا شقة+فرح+ذهب+مهر+مصروف العروس

بس الملاحظ في الفترة الاخيرة حتى البنات قعدن يضحن يعنى المهم سكن+شهادة

وربى يسها الامور وكل حد يلقى شريك حياتا اللى قاعد ماجاش

هههههههههههههههههههه

نابيدى توا ندعيلكم

ههههههههههههههه

البنات الأن في ليبيا أكثر وعي وتفهم..ودخولهم للجامعات والدراسات العليا أتاح لهن تفكير أكثر عقلانية وتفهم ظروف الشباب.... وممكن الشاب يتجوز فقير وهي تكون فقيرة ولكن مع الأيام أوضاعهم تتحسن خاصة اذا كان الاثنين يعملوا...والقاعدة الدينية تقول "خذوهم فقراء يغنكم الله"..وشكرا....

العائق الكبير للزواج في ليبيا هو السكن هدا علاش هلبا شباب يختارو زواج من برا للتهرب من هده المشكلة ,يعيشو في ايجار يا هو يدفعه ياهو و هى تساعده,,, اما في ليبيا السكن ضرورة حتمية لكن الشقق والاراضى اسعارها مرتفعة جدا و كل يوم سعرها يزيد لانه الدول معاش وفرت شقق او خيارات جديدة والقاعدة تقول اذا قل العرض زاد الطلب وبالتالى تزيد الاسعار ,,, توا في طرابلس استوديو انجيلة ب80 الف, مع انه كان سعرهم قبل عشرة سنين 18 الف ,,,من وين الشاب الى في العشرينات يقدر يوفر هدا المبلغ الكبير كله, هدا غير المتطلبات الاخرى الى مجموعها كلها يجى في حق شقة تانية والرواتب يدوب على كد الحال , البلاد مساحات شاسعة وعندها مقدرات ممالية و الشعب عدد قليل فلو المسوؤلين يحطو هدفهم حل مشكلة السكن تنحل في تلات سنين بالكتير ومن خلالها تنحل مشكلات عديدة جدا لانه سلسلة مترابطة من العزوف على الزواج والعنوسة الى العلاقات المحرمة وارتكاب الكبائر

فعلا.زالخطوة الأكبر للزواج هو السكن..وانا نعرف ناس في المنطقة الشرقية ودرنة تجوزوا في الخمسينات بسبب السكن....وكل هذا يحدث في دولة مساحتها زي مصر أكثر من مرة ونصف!!!....

فعلا الأغلبيه الساحقه من الشباب عندهم الرغبه الكاملة في الزواج لانهم يعرفون مدى أهميته ولديهم مؤهلات علميه عالية و يشتغلون لكن بدوووووووووووووون سكن

وفعلا البنات في ليبيا تنازلن عن العديد من الأشياء وصلت بي أغلبهن إنها تتنازل حتى على المسكن الملك وتسكن بالإيجار

لكن تقولك أهم شئ يكون يخاف ربي ويصلي ويكون يشتغل, كل هذا بيش تحافظ على دينها أكثر وتسكر باب كبير للفتن

والشباب متخوف من السكن بالإيجار لأنهم هم المسؤولون في كل ما يخص الحياة الزوجيه

و أنا من وجهت نظري ملف الشباب هو من أهم و أبرز الملفات المطروحه على الطاوله وعلى لجهات المسؤوليه تداركه و إيجاد الحلول السريعه في أسرع وقت ممكن ووضع خطه إستراتيجيه تنفيديه زمنيه محكمه لمساعدة الشباب لا سيما أنهم العمود الفقري للدوله وأن العديد من الأخطار تهدد مصيرهم وخاصة خطر العزوبه والعنوسه

والله الموفق

عدل سابقا من قبل akram huossian في الخميس 20 ديسمبر 2012, 2:38 pm عدل 1 مرات

ربى يعاون الكل
والله فعلا مشكله كبيرة السكن
ولا انصح اى شاب بالايجار عليه بالصبر

في راي انا لو فيه تقوا الله عزوجل من الشباب والبنات راح تنحل المشكله بادن الله اما ما
دام الحال هكدا بنات تركن الحياء والخوف من الله والشباب كدالك الركوض ورؤاء الدنيا بحلالها وحرامها فاكيد الحياة تتضيق عليهم والفتن ترزيد والمعاصي تحرم المسلم والمسلمه الحياة الطيبه السهله فيا شباب ويا بنات سواء متعلمين او غير دالك التقوا هي السعادة وهي القناعه و بسببا تتيسر حياة الانسان والله ييسر للشاب والفتاة الزواج اما ما نراه اليوم فالعرض امامكم ونسئل الله السداد والرشاد

بالله عليكم أستمعوا جيدا لهذه القصه والله لهي من النوادر

حاولت نحملها على الممنتدى لم أستطع فعلى من لديه قدره وهي تكمن في سرعة النت وقوته يحمل القصه على المنتدي مشكورين

This is link of the story

Here

قال الله تعالى( ما عندكم ينفذ وما عند الله باق) وقال صلى الله عليه وسلم : أقلهن مهرا أكثرهن بركه , أو كما قال صلوات ربي وسلامه عليه

كرست كتب:

فعلا خوى ناصر الناحية المادية هى العائق الاكبر والاول

وعاداتنا زايدة الطين بلة

وبصراحة حتى المرأة مساعدة على الوضع

يعنى خلينا واقعيين من الى توافق على واحد يقوللها نجوزوا في ايجار وفى نفس الوقت مش متعلم

ولا متعلم وعليه ديون ويقوللها لافيه عرس لامهر لاذهب لاحوش

يعنى الله يكون في عون الشباب

يحسبة بسيطة تبيلا شقة+فرح+ذهب+مهر+مصروف العروس

بس الملاحظ في الفترة الاخيرة حتى البنات قعدن يضحن يعنى المهم سكن+شهادة

وربى يسها الامور وكل حد يلقى شريك حياتا اللى قاعد ماجاش

هههههههههههههههههههه

نابيدى توا ندعيلكم

معناها قاعدة ما جتش
ههههههههههههههه

عبدُ الله كتب:

قبل بنقول لك حصلتلك لكن ما دمت تبصر  معناها ما عندكش نصيب
ومبارك عليك الطيبة
خلى انقولو عليها لغيرك

فكرة واردة ما تندريش ع النصيب ^_*

الزواج من غير الليبية وسواء كان من أجنبية أو عربية هو زواج 97% منه فاشل لا تأكلوا عليها لا تشربوا وإلا كلوا عليها وأشربوا , أني معرفتش أما الجملة الصح , وعلي قولت النساويين خليني ساكتة خير .. موضوع طويل لكن جيتكم من الاخير

باهي شن رايك في ليبيه كنديه يا حديفه 2 في 1 ( واحد خاش علي طمع ) ^^ . طبعا انبصر لكن حقيقة مانقدرش ندلي بدلوي في الموضوع نين انجرب الزواج من وحده من بنات الفرنجه ^^ تي انبصر خيركم ... للنقاش بقيه .

وحاولت نبحث في غربتي وسفري ولاكن لم اجد ...بشرط حتا هي تغيرلي جوي في الغربه وترفع من معنوياتي وتكون متعلمه وعقلها كبير وطيبه مش خبيثه ومش كدابه ومش مهم مطلقه او عازبه..ومش مهم العائله..   وسافرت  وبصراحه احصلت وحاولت حتا نتجوز عربيه....بس  مفيش نصيب..لان ظروف الدراسه  ما خلتني نختلط  ونشوف بنت الحلال....نصيحه الي اي حد  يتجوز قبل ما يسافر.....وراء كل رجل عظيم امرأه....وجاري البحث حتا هذه اللحظه  عن هذه المرأه  ...وربي يوفقني نلقاها..........وربي يهنيكم .....والنصيحه بجمل

وحاولت نبحث في غربتي وسفري ولاكن لم اجد ...بشرط حتا هي تغيرلي جوي في الغربه وترفع من معنوياتي وتكون متعلمه وعقلها كبير وطيبه مش خبيثه ومش كدابه ومش مهم مطلقه او عازبه..ومش مهم العائله..   وسافرت  وبصراحه احصلت وحاولت حتا نتجوز عربيه....بس  مفيش نصيب..لان ظروف الدراسه  ما خلتني نختلط  ونشوف بنت الحلال....نصيحه الي اي حد  يتجوز قبل ما يسافر.....وراء كل رجل عظيم امرأه....وجاري البحث حتا هذه اللحظه  عن هذه المرأه  ...وربي يوفقني نلقاها..........وربي يهنيكم .....والنصيحه بجمل

الزواج نصيب من عند المولي ... خوي الديب مقرر ...كان مثالح مشتؤكة ربي يتمم علي خير ^^...لكن صعبة راهي اختلاف البيئة والعادات والاجتماعيات والنكد والعياط والريق اليابس ونسبة الغباء الموجودة مرة مرة ما تتلقاش الا من نفس الجنسية.... وهذا مايمعنش انه الزواج من اجنبية ربما ينجح لانه عقلاني اكتر من اي شيء اخر ... وشبه روتيني جاف الا بعض الحلات...والله فيه بنات علم واخلاق ناقصهم الستر البرة  وكان لي خوي مش مازوج راني وراه لين يربح اجر ويكمل نص دينه في نفس الوقت... موضوع طويييييييل ونقاشه مايتمش....ليا عودة ان شاءالرحمن

ربي يهني اللي مش متهني..ويزيد الهنا عالمتهني...ويحبب القلوب ويقربها ويجمع النفوس اللي خالقها لبعضها...
{ وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ} (21) سورة الروم
 ما تاخذ الا اللي كاتبلك  يا خوي وما تاخذي الا اللي كاتبلك يا اختي..

لا مش مقرر يا سراب الليبيه لا يعلي عليها ^^ لكن اني موضوعي شويتين وحاجه ماعنديش عليها خلفيه حقيقه مانقدرش نحكم عليها .. وبعدين خللي اناقشو الموضوع من جانب تاني .. قصدي فيما يخص الليبيات الكنديات مسكينات ظروف السياسه والظلم اللي كان خلاهم لاجئين مع اماليهم وكبروا في الغربه وحتي بعد الثوره معاش عرفوا يرجعوا ويستقروا في ليبيا .. فعلا هادوا حيكون قدامهم خيارين يا الزواج من اي مسلم او البقاء في ظل العزوبيه واني شخصيا نعرف واحد زوج بنته من يمني ..طبعا مع احترامنا لخوتنا في اليمن ... لكل ماسبق شن يمنع ان الليبين اللي ماشيين عزابه لو جمعتهم الاقدار مع من يرضون دينها ان يستروا عليها ... وللحديث تتمه .

على الدين الديب كتب:

لا مش مقرر يا سراب الليبيه لا يعلي عليها ^^ لكن اني موضوعي شويتين وحاجه ماعنديش عليها خلفيه حقيقه مانقدرش نحكم عليها .. وبعدين خللي اناقشو الموضوع من جانب تاني .. قصدي فيما يخص الليبيات الكنديات مسكينات ظروف السياسه والظلم اللي كان خلاهم لاجئين مع اماليهم وكبروا في الغربه وحتي بعد الثوره معاش عرفوا يرجعوا ويستقروا في ليبيا .. فعلا هادوا حيكون قدامهم خيارين يا الزواج من اي مسلم او البقاء في ظل العزوبيه واني شخصيا نعرف واحد زوج بنته من يمني ..طبعا مع احترامنا لخوتنا في اليمن ... لكل ماسبق شن يمنع ان الليبين اللي ماشيين عزابه لو جمعتهم الاقدار مع من يرضون دينها ان يستروا عليها ... وللحديث تتمه .

مبروك عليك مقدماً يا علي 2 في 1 غر راك تنسانة في العزومة راهو نعجبوك في الغربة............................شكلك ناوي بجديات