طريقة التسجيل في المعهد الامريكي ELS ماليزيا 18/12/2012

بارك الله فيك وكتر الله من امتالك وجزاك الله عنا خير الجزاء

ماهو قال مش قصة تاشيرة هي توزيعة مع انه فيه منه فروع هلبة في كوالالمبور

السلام عليكم خوي عاطف ايه تقدر المشكلة ليست التاشيرة و انما قصة التاشيرة توزيعة تقدر تقرأ في المعهد الامريكي بالتاشيرة السياحية بس مش في فرع KLCC فرع سبرنجاي و سنجاي حاجة زي هكي ماشديت الاسم هدا الكلام صار اليوم وقت اتصلت موظفة السفارة بالمعهد قالتلها بامكانه يسجل في الفرع الفلاني طبعاً صديقي هدا تاشيرته سياحية .. بس مازلت أنصح ان الواحد يجي بتاشيرة دراسية

عدل سابقا من قبل الانصارى في الثلاثاء 18 ديسمبر 2012, 4:32 pm عدل 1 مرات

الاخ الانصاري بارك الله فيك بالله نبيك تعطينا اسم كم فندق كويس وررخيص وقريب من المواصلات
وبالله نبي نعرف شنو جو المطار والتاكسيات وهكي لاني جاي انشالله يوم 25 وماعنديش حد غادي فحاب ناخد كلام شور وواضح
منك
وبارك الله فيك

اولا شكرا" على الرد
انا جاي بروحي وعدد الحقائب وحدة وممكن اتنين عالاكتر
المعهد اللي بنقرا فيه els

السلام عليكم

ياخوي الانصاري انقانك ابداع بكل مشاء الله عليك
نبي نسالك ياخوووووي , امتى انجي بالزبط مش نلقى معهد الامريكي فاضي وما ايوزعونيش توزيعة متع قصة التأشيرة

وشكرااااااااا

Jebril M. Neji كتب:

السلام عليكم

ياخوي الانصاري انقانك ابداع بكل مشاء الله عليك
نبي نسالك ياخوووووي , امتى انجي بالزبط مش نلقى معهد الامريكي فاضي وما ايوزعونيش توزيعة متع قصة التأشيرة

وشكرااااااااا

خوي المعهد الامريكي عنده عدة فروع الفرع اللي في وسط البلاد زاحم اما الضواحي فاضيات عموما ديما تعال مع بداية الشهر و وقت توصل للسفارة يخبروك اي المعاهد اللي فاضي .

يعني انا ياخوي لو انقدم على النت وبعدين انجي اموري طيبة ؟؟؟

لكن كم يبي تقديم النت مش يطلع ؟

sami2108 كتب:

بارك الله فيك ياخونا الانصاري .....وإن شـاء الله في ميزان حسناتك

بالنسبة للتسجيل في الفروع التانية للمعهد الامريكي أسئلتهم عليه و ردو عليا باني لو سجلت في klcc
من الصعب اتحول لفرع آخر وهذا شيء حسب مافهمت منهم فارضاته عليهم دائرة الهجرة الماليزية

شكرا اخي للايضاح

المعهد العالمي الأمريكي لتدريس اللغة الانجليزية
ELS
يقع المعهد في وسط العاصمة كوالالمبور وعلى مقربة من برجي بتروناس كما هناك عدة فروع للمعهد في خارج العاصمة وفي مدن أخرى
عدد المستويات المتوفرة في المركز 10 مستويات مختلفة ومدة كل دورة 4 أسابيع لمدة 5 أيام في الاسبوع (الاثنين – الجمعة) وتبدأ كل دورة في الساعة الثامنة والنصف صباحا وحتى الثالثة وعشر دقائق ظهراً. ويجب دخول امتحان كفاءة لتحديد المستوى قبل بدء الدورة ويجب اجتياز الامتحان النهائي للتتمكن من الصعود للمستوى الآخر
إذا كنت تدرس في نفس المعهد في بلدك فيمكنك الاستمرار في معهد ELS في ماليزيا بدون امتحان الكفاءة كما يمكنك اجتياز امتحان الكفاءة في بلدك والقدوم إلى ماليزيا للبدء بالدراسة
تبدأ الدورات الدراسية يوم الاثنين من بداية كل شهر وتستمر لمدة 4 أسابيع
للمعهد عدة فروع في ماليزيا بعض من هذه الفروع توفر سكن للطلاب في شقق مجاورة للمعهد

mossab libya كتب:

خوي الانصاري انا طالب نبي نقرا بكالوريوس ادارة اعمال في ماليزيا وقبلها لازم ناخد 6 شهور لغة انجلزية عموما اليوم قدمت على تاشيرة

سياحية في طرابلس وقالي ارجع بعد اسبوع نبي نعرف كم تكلف اللغة لمدة 6 شهور في معهد كويس ونستفيد منه

هل نقدر نغير التاشيرة من سياحية الي دراسية

كم اسعار السكن والمعيشة شهريا في المتوسط _ علما باني شاب اعزب

اهلا بيك اخي ان شاء الله ربي يسهلك ( من سلك طريقاً يبتغي فيه علماً سهل الله طريقه للجنة )

شوف هدا الرابط http://www.almofad.com/t14142-topic


و هدا الرابط http://www.almofad.com/t14142-topic


انت بالنسبة ليك موضوع السكن محلول انت تاخد غرفة من حوش حمام و مطبخ مشترك فيه ب 150 دولار الى 300 دولار هدا في العاصمة و الاكل عليك انت في وجبات من رز ودجاج ب2 دينار ليبي في مطاعم ماليزية و الهامبوجرا بي ب دولار واحد

جزاك الله خيرا اخي الانصاري بس وين ممكن نقدر نحصله وهل فيه مكتب او شخص ممكن نتفاهم معاهم يقدر يوفرلي السكن هدا او مدابيا نحصل استديو لوحدي دار وحمام ومطبخ كم تجي تكلفته
وبالنسبة للقبول في المعهد نقدر نحصله وقت نجي غادي انا ناوي بنجي في الاسبوع الاخير من هدا الشهر

يعني نبيك تعطيني ملخص لو ممكن اخي الكريم لتكلفة 6 اشهر لغة انجلزية ونستفيد منهم يعني يكون كورس مكتف

ولو في مكتب في طرابلس تنصحني بيه ممكن نمشيله ونساله


وبالنسبة للجامعة لم ترد علي الرابط كان للمعاهد

السلام عليكم
صباح الخير جميعآ
يا شباب فيه في ماليزيا معاهد لغه كتيره وفيه معاهد افضل من ELS بالف مره في المعامله والاستقبال
واللي يبي يقري في ELS فرع جاهور بارو انا مستعد انسجله معاهم لان علاقتي بالمديره ممتازه
لاكن نصيحه يا اخواني
دراسه اللغه تعتمد اعتماد كبير علي الطالب 30% علي المعهد و 70% علي الطالب
وبالنسبه لي الطلبه اللي معاهم عائلاتهم يقدرو ايسجلو في معاهد اخري
فيه معهد ياخد تقريبآ 10 الاف رنقت ويعطي في الاقامه سنه مع دراسه 4 شهور
والمدرسين اغلبهم كانو في ELS
اتمني التوفيق للجميع
تحياتي
[b]

mossab libya كتب:

جزاك الله خيرا اخي الانصاري بس وين ممكن نقدر نحصله وهل فيه مكتب او شخص ممكن نتفاهم معاهم يقدر يوفرلي السكن هدا او مدابيا نحصل استديو لوحدي دار وحمام ومطبخ كم تجي تكلفته
وبالنسبة للقبول في المعهد نقدر نحصله وقت نجي غادي انا ناوي بنجي في الاسبوع الاخير من هدا الشهر

يعني نبيك تعطيني ملخص لو ممكن اخي الكريم لتكلفة 6 اشهر لغة انجلزية ونستفيد منهم يعني يكون كورس مكتف

ولو في مكتب في طرابلس تنصحني بيه ممكن نمشيله ونساله


وبالنسبة للجامعة لم ترد علي الرابط كان للمعاهد

السلام عليكم
صباح الخير
لو تبي تدرس في ELS ابعت اوراقك ومعاهم رسوم التسجيل او راجي لين تطلع الاقامه وبعدها تعال
ولو تبي تدرس في اي معهد اخر تقدر تحجز اليوم واتجي
علي فكره االسكن
تقدر بعد توصل هنا تحجز بنفسك يوم او اتنين في الفندق وبعدها تاخد سكن علي دوقك
موفق خوي
اي استفسار تفضل
سلام

abu najeeb كتب:

الاخ الانصاري بارك الله فيك بالله نبيك تعطينا اسم كم فندق كويس وررخيص وقريب من المواصلات
وبالله نبي نعرف شنو جو المطار والتاكسيات وهكي لاني جاي انشالله يوم 25 وماعنديش حد غادي فحاب ناخد كلام شور وواضح
منك
وبارك الله فيك

السلام عليكم
بالنسبه لي جو المطار عادي جدآ كان سئلوك قوللهم سائح وبالنسبه لي التاكسيات تقدر تاخدهم من مكتب خاص داخل المطار
وكان تبي انلاقيك في المطار ادلل انا قريب للمطار حوالي ربع ساعه عن المطار بس
ربي ايوصلك طيب

mossab libya كتب:

جزاك الله خيرا اخي الانصاري بس وين ممكن نقدر نحصله وهل فيه مكتب او شخص ممكن نتفاهم معاهم يقدر يوفرلي السكن هدا او مدابيا نحصل استديو لوحدي دار وحمام ومطبخ كم تجي تكلفته
وبالنسبة للقبول في المعهد نقدر نحصله وقت نجي غادي انا ناوي بنجي في الاسبوع الاخير من هدا الشهر
يعني نبيك تعطيني ملخص لو ممكن اخي الكريم لتكلفة 6 اشهر لغة انجلزية ونستفيد منهم يعني يكون كورس مكتف
ولو في مكتب في طرابلس تنصحني بيه ممكن نمشيله ونساله
وبالنسبة للجامعة لم ترد علي الرابط كان للمعاهد

أهلا و سهلا اخي مرة اخرى المعاهد أغلي واحد الستة شهور ب 5000 دولار في طرابلس في مكتب التحدي مقابل مكتب البعثات في الفرناح و في مكتب الموفد ... وقصة السكن هنا مش مشكلة انا نقدر نلقالك سكن و بالسنبة للقبول لو تبي من معهد EMS او معهد EMIC انا نقدر نجيب لك قبول و لو تبي معهد ELS امريكي خوي السد العالي يجيبه ليك وبالنسبة للجامعة خوي السد العالي بارك الله فيه مدام تخصصك ادراة اعمال ماتخممش باذن الله يجيب لك قبول و هدا شي شفته بعيني .