السلام عليكم بالله استفسار

بالله كيف بندير الكشف الطبي وبنكمل بيقولي علي صحتي كويسة بعدها والا من غير مانعرف وهل بيعطيني ايميل نتابع بيه التقرير وبكم الكشف الطبي هوا؟؟ وماهي الخطوط الافضل للسفر الي كندا تورنتو؟

السلام عليكم الكشف الطبي تمشي تاخذ الورقة اللي جاتك ع الايميل و تختمها من السفارة و بعدين تمشي لمركز السلام في جنزور و تقوللهم عندي كشف طبي للسفارة الكندية و هما يعرفوا شن ايديروا و بعد ادير الاشعة و التحاليل و يشوفك الدكتور يعطيك رقم الظرف اللي بيبعت بيه الكشف لفرنسا باش تقدر تعرف امتى وصل الورق لفرنسا عن طريق ادخال رقم الظرف في موقع شركة البريد aramex و لو فيك شي لا سمح الله مش كويس توا ايكلموك السفارة و قيمة الكشف تقريبا 180 دينار لو مش غالطة و بخصوص الخطوط من طرابلس لتورنتو التركية مش الافضل و لكن الارخص بس افضلها تقريبا البريطانية او klm
بالتوفيق

كلمت الدكتور عبدالسلام في جنزور قالي يوم السبت لكن مقاليش اختم النموذج في السفارة

اختي حنان ماأحوال الطقس في تورنتو شهر 2 وهل اشتري الملابس من كندا او ليبيا من الافضل وحسب ماسمعت ان الالمانية خطوطها ممتازة ..

اني امشيت بدون ان نختم الاوراق من السفارة ... طبعا بالنسبة لتورونتو بارد مهما تشري من ليبيا مش راح تدفأ ممن السراوي او الملابس الداخلية او سواري تشرتات ممكن بس الفتنيليات والجابوطيات اهني احسن

بالله ياخووي awity يوم السبت بندير الكشف يعني بعد مانكمل مش حنعرف حالتي الصحية ولا بيقولي وكم نسبة حصولي علي الفيزا بعد الكشف بالله جاوبني

بخصوص الطقس بارد بس الحقيقة انا نخالف الاخ عويتي لانك تقدر تجيب ملابس صوف زي الفالينيات او جاكيت سبور لو تحب و تشري بس الجابوطي من كندا و هكي توفر على روحك مصاريف ووقت. بخصوص امتى تطلع التأشيرة العلم عند الله و كل واحد حالته مختلفة بس طالما طلبوا الكشف خلاص ان شاء الله هانت و بخصوص ختم النموذج انا نذكر طلبوا منه نختموه و بالفعل مشينا للسفارة و قالولنا كويس اللي جبتوه للختم لان الختم ضروري بس ممكن تغيرت الاجراءات هذا و الله اعلم

بارك الله فيك يا أختي وماشاء الله عليه ولدك ربي يحفظه ويخليه وردي بالك عليه من العين هههههههه

هههه ربي يخليك و يبارك فيك و يوفقك ان شاء الله

خوي عويتي جاوبت على سؤالك في الخاص بالتوفيق

الدكتور لو لا قدر الله لا قدر الله القي حاجة راح ايقول لك ... ثم ان الكشف الطبي معناها التأشيرة جاهزة بنسبة 95% اذا الكشف الطبي تمام اتكون 100% وعادة تأخد في شهر بعد الكشف الطبي ... انت يا غزالدين على حسابك والله موفد هذي حاجة مهمة

غزالدين على حسابك والله موفد هذي حاجة مهمة. مافهمتاش ياخوي

قصدي انت موفد على حساب الدولة او جاي على حسابك الحاص

شن قصتك يا خوي عويتي مع نقط الحروف هههه غزالدين و حاص هههه

ماهو باش انخللو الاجابات مميزة لازم اندير فيها حاجة اتخليها متفردة واتشد الانتباه ... لالالالالا نمزح ... مجرد خطأ وعادة نكتب بسرعة ونرسل بدون مراجعة المهم ان الواحد يغهم القصد

هههه حتى اني نمزح لأن الحال من بعضه انا كل مشاركاتي اللي بالعربي من التلفون و ما نكتب المشاركة لين نهبل ربي يوفق الجميع

سلمك

اني ياخووي علي حسابي الخاص وغدا صباحا الساعة 10 بندير الكشف في مصحة السلام هل كان مشت الامور علي مايرام غدا يعني خلاص ناخد ملابس ونوتي روحي؟

بعون الله ... ويا ودي مادام على حسابك خزد حاجاتك اكثر ما تقدر من غادي وربي ايسهلها قدامك

ربي يسترها معك يا خوي عزالدين

بارك الله فيك ياولد عمي