التاشيره الدراسيه في مصر

بالنسبه للطلبه الدارسين في مصر هل مطلوب منهم تاشيره دراسه او ان التاشيره العاديه هي اللي تمشي يعني كل 6 اشهر انجدد

التأشيرة العادية شهر فقط لاكن لو نزلت مصر معاد يدورك حد بس لو خذيت تعريف طالب من الكلية تقدر تخش بيه من الحدود

شكرا علي المعلومه لاكن هل يخذوا بيها بطاقه التعريف في المطار اذا انا مشيت باطياره

نعم ياخذو بيها سألت ناس موثوق فيها قالولى مشت امورها في المطار و في جيتي الاخيرة لمصر كانت معاي تأشيرة ولاكن سألت المسؤول الى يتأكد من التأشيرات في مطار طرابلس قتله الكرنيه (تعريف الطالب متع الجامعة ) ينفع بدل التأشيرة قاللى ينفع .
وفي حالة تبي تدير اقامة لمدة سنة تطلب تعريف طالب من الكلية مع الكرنيه تمشي للتحرير تقريبا للخارجية المصرية مش متأكد المهم يديرولك اقامة لمدة سنة بأذن الله

دير اقامه اريحلك لمده سنه

تجيب ورقه من الكليه انك طالب ومازل قدامك سنه تدرس على الاقل
وتشيل معاك جواز سفرك وتصوره معا تاشيرة الدخول وصوره شخصيه ورسوم 83 جنيه
مع نموذج منهم 8 جنيه وبعد اسبوع يقولك راجعنا يختمولك تاشيرة الدخول هضا فى حال انك مالكش مده طويله فى مصر بدون تاشيره اما اذا لكى مده واصل لمصر تدفع غرامه اعتقد 150 جنيه قبل ما تبدا فى اجراءات التاشيره
ومكان التقديم على التاشيرات هاالجوازات وانصحك بالذهاب باكر 9 على الاكثر لى انها زحمه والاسكندريه الجوزات فى المنشيه
بالتوفيق

احسن شي ادير اقامة و ترتاح و تجددها كل سنة زي ما قال خونا الحالم