الهمة من اصحاب الخبرة

السلام عليكم
واخيرا وصلني قبول اللغة .. وحصلت موعد في السفارة يوم 6-1-2013
اريد المساعدة العاجلة في النماذج ولدى بعض الاسئلة:
هل نموذج معلومات العائلة يعبأ من كل فرد في الاسرة حتى الاطفال 12 سنة و 6 سنين
هل انا فقط اعبأ نموذج تأشيرة طالب والباقين كلهم زائر(اي ان الزوج والابناء نفس النماذج)
هل لابد من تقديم تعريف لطلبة المدارس (الاعدادي والثانوي)

ارجو المساعدة من اي شخص قدم على التأشيرة واموره تمام

شكراً جزيلا اخي.
ولكن النماذج يلخبطو بصراحة ومملات..هيا نفس العائلة علاش نموذج لكل فرد
عموما اني بادية نعبي فيهم ولو احتجت حاجة عارفتكم مش حاتقصرو

انصحك بمكتب التحدي لدكتور عبد السلام النويصري وهذا المكتي في الجزيرة الفرناج امام ادارة البعتاث

وسوف تجد الترحيب والاسلوب الراقي

و

هل عندك علم بتكلفة النموذج.. او الاستشارة مجانية

ام انس اعطاتك الرأي الاصح والاسرع ... الراجل ماهواش مادي بس على ما اعتقد ان على كل ابليكاشن ياخد 50 دينار

يا ساتر علاش على كل ابليكيشن ياخذ 50 دينار !!!! يا اختي ادللي و تفضلي انا انساعدك ان شاء الله وو نفيدك زي مكتب التحدي و احسن ان شاء الله و ما نبي منك غير دعوة طيبة لأن بنبدأ الماجستير يوم 7-1 ان شاء الله
صدقيني النماذج لما تشوفيهم اول مرة تحسيهم صعبات بس بعدين تتعودي عليهم و تمشي الامور على خير انا نذكر عبيتهم انا وزوجي و قدمتا و مشت الامور الحمدلله

بالتوفيق

شكرا خوي المهندس على كلامك الطيب و ربي يبارك فيك و في الجميع

صباح الخير من ليبيا وجمعة مباركة
المبلغ كبير شوية لو 50 دينار لكل نموذج وخصوصا انى عائلة
عموما هما النماذج مملات وليس صعبات.. واني واثاقة انكم مش حاتقصروا وخصوصاً الخبيرة حنان.
بس نبي نعرف الابناء في سن المداراس (ثانوي) لو عبو نموذج تأشيرة طالب 1294 هل الحقول الى لها علاقة بالقبول تبقى فاضية ولا كيف.
والنموذج schedule 1 هل للزوج فقط او حتى المرافقين الي فوق 18.
وهل ضروري من توفير قبول لغة للمرافقين الي فوق 18

معليشي طولت عليكم .. واتمنى لكم النجاح والتوفيق

بالعكس مكتب التحدي ﻻأسلوب راقي وﻻ مستوى خدمة وأسأل مجرب
وسحب فلوس من الطالب ومعاملة الموظفات بتكبر وكأنك جاي تشحد منهم
ويمكن يكون الدكتور أنسان راقي بس لﻷسف ماتلقاهش وتضطر تتعامل مع الموظفات اللي الوحدة منهم تكلمك من فوق خشمها وكأنها من كوكب ثاني
بس كلمة صدق زي أخت
hanan_canada
مافيش ربي يوفقها ويسعدها ويكتبلها أعلى درجات النجاح في دراستها وفي حياتها فكل كلمات الشكر صغيرة قدامها

hanan_canada كتب:

يا ساتر علاش على كل ابليكيشن ياخذ 50 دينار !!!! يا اختي ادللي و تفضلي انا انساعدك ان شاء الله وو نفيدك زي مكتب التحدي و احسن ان شاء الله و ما نبي منك غير دعوة طيبة لأن بنبدأ الماجستير يوم 7-1 ان شاء الله
صدقيني النماذج لما تشوفيهم اول مرة تحسيهم صعبات بس بعدين تتعودي عليهم و تمشي الامور على خير انا نذكر عبيتهم انا وزوجي و قدمتا و مشت الامور الحمدلله

بالتوفيق

مبروووووك ان شاء الله بداية موفقة... وشدي حيلك ... وربي يعاونك عزيزتي

السلام عليكم يمكنك ان تقوم بذلك عن طريق مكتب موجود في برج طرابلس في نفس مكان وجود السفارة مكتب بالدور الارضي رقم"21" المهم المعاملة الراقية من الجميع المهم كل النمادج مع الموعد الخاص بالتقديم الي السفارة بي 150 دينار فقط وهذا من واقع تجربه

ام احمد تقولي ان عندك موعد يوم 6-1 وحسب علمي ان هذا التاريخ يصادف يوم الاحد وحسب علمي يوم الاحد السفارة الكندية عطله الرجاء التأكد .

السلام عليكم/ الاخت om ahmed بالنسبة للتعبئة النمادج سهلة وماتحتاجش لا مكتب ولا حاجة
* بالنسبة للطالب الموفد يتم تعبئة النمودج 1-IMM 1294) Application for study permit)
2-(Family informaion (IMM5645.
3-IMM5257)scedule-application for temporary ).
*بالنسبة للمرافقين/ الزوج مثلا يتم تعبئة النمودج 1- (Application for temporary resident visa (IMM 5257.
والنمادج الباقية يتم تعبيتهم نفس 2 و3 المدكورين اعلاه.
* وبالنسبة للاطفال الاقل من 18 سنة يتم تعبية النمودج 1 و2 الخاص بالرافق وليس الطالب الموفد.
ونحب نطمن كل طالب يبي يعبي الابلكيشن راهو والله ساهل وانا تحت الخدمة في وقت والله مايحتاج لا مكتب ولا حاجة
والله ولي التوفيق

nona light كتب:

hanan_canada كتب:

يا ساتر علاش على كل ابليكيشن ياخذ 50 دينار !!!! يا اختي ادللي و تفضلي انا انساعدك ان شاء الله وو نفيدك زي مكتب التحدي و احسن ان شاء الله و ما نبي منك غير دعوة طيبة لأن بنبدأ الماجستير يوم 7-1 ان شاء الله
صدقيني النماذج لما تشوفيهم اول مرة تحسيهم صعبات بس بعدين تتعودي عليهم و تمشي الامور على خير انا نذكر عبيتهم انا وزوجي و قدمتا و مشت الامور الحمدلله

بالتوفيق

مبروووووك ان شاء الله بداية موفقة... وشدي حيلك ... وربي يعاونك عزيزتي

الله يبارك فيك يا اختي و يرزقك بقبول اكاديمي انتي و سائر الموفدين و يسهل عليكم كل الاجراءات و شكرا على كلامك الطيب وان شاء الله ربي يعاونك و ايعاوني
تحياتي

شكرا يا خوي وربي يوفق الجميع

السلام عليكم ورحمة الله.
هل النموذج (IMM5549E) لابد منه للموفد والمرافقين او الموفد فقط او لايعتبر ضرروري.
وهل الابناء في سن الدراسة (اعدادي مثلا) تعبأ لهم نفس نماذج الموفد:
-5645-5549-1294

وفي هذه الحالة شن حايكون في الحقول الخاصة بالكورس والمدة الدراسية والقيمة المالية ووووو

النموذج imm5549 فقط للموفد و بخصوص الاطفال ما عنديش فكرة لان لما سافرت ما كانش عندي اطفال و الولد اللي عندي الان كندي و لله الحمد

راجعي شنو جاوبتك واجابتي واضحة؟

awity كتب:

ام انس اعطاتك الرأي الاصح والاسرع ... الراجل ماهواش مادي بس على ما اعتقد ان على كل ابليكاشن ياخد 50 دينار

عن نفسي أنا وأسرتي كاملة مجمل كله كان 60 دينار

يا خوتي حاولوا تعبوا النماذج بروحكم لأنكم وقت تجوا كندا ان شاء الله اكيد بتحتاجوا تجديد تأشيرة او تغيير من زائر لطالب او غيره على الاقل تكون عندكم خبرة لأن هني اذا بتستخدموا مساعدة بتكون غالية و مكلفة