أول ماتوصلو لكندا، في مكان لازم تمشوله باش تتحصلو على بطاقة تعريف كندية (حتى لو انت مش كندي لازم تكون عندك) و من نفس المكان تاخد رخصة القيادة (في حالتنا حني الليبيين، الرخصة الليبية مش مسجلة من ضمن قائمة البلدان اللي تقدر تبدل رخصة قيادتك برخصة كندية) فلو عندك رخصة قيادة ليبية، تشري كتاب اللي حتقراه باش ادير الامتحان الكتابي ولو نجحت ادير بعدها امتحان القيادة، فمش حتضر انك تاخد حصص. المهم بطاقة التعريف الكندية هذه تسهل عليك انك تحصل اشتراك انترنت وكابل تلفزيون من غير ما تدفع عربون ضمان مرتفع السعر.. اكيد فيها فوائد اخرى بس هذه السبب اللي خلانا انديروها .. المفروض كل واحد منا اول ما ينزل لكندا اديرها .. تحتاج لجواز السفر وورقة اللي عطوهالك قسم الهجرة اول ماوصلتي و50 دولار، ممكن السعر يختلف من مكان لآخر.. احني مشينا لمكان اسمه Service NB ممكن عندكم نفس الاسم بس اسم المقاطعة يختلف.(( منقول للامانة))
انا مازال قاعد في ليبيا و إن شـاء الله ماشي فانكوفر نهاية يناير بأذن الله. 
