مساعدة بالله عليكم "قبول أكاديمي جنوب أفريقيا"

موفد وتخصصي تقنية طبية....اكثر من تسع اشهر وانا الهث وراء قبول اكاديمى ولكن بدون فائدة....لذلك قررت نمشي بروحى لجنوب افريقيا ونقدم بروحى ....بالله عليكم من يتكرم منك ويقدر يقدملى فى اى جامعة معتمدة ...او يستقبلنى فى المطار ونمشي انقدم بروحى....لانى والله فديت وانا مستعد الاى شي تبوا فلوس نبعتلكم لاى تكاليف انا مستعد....بس فهمونى لان المكاتب هنا تاخد فى فلوس وخلاص وما فيش اى قبول ....وكيف قصة التقديم تاخد فى وقت هلبة باش نحصل قبول والا نقدر نمشي بروحى ونقدم وناخد قبولى في نفس الشهر...فهمونا الاجراءات كيف بس....ولكم منى جزيل الشكر والعرفان

السلام عليكم

اخي الكريم ان شاء الله ربي فرج عليك وتحصل قبول باذن الله انا ننصحك بالطريقة التالية:
اكتب رسالة اشرح فيها تخصص بالضبط واذكر فيها انك مدعوم من الدولة بحيث تكون الرسالة عامة وابحث عن الجامعة المناسبة لتخصصك من خلال الموقع التالي
http://univ.cc/search.php?dom=za&key=&start=1
وابعث لهم الرسالة باذن الله تحصل قبول ويردوا عليك
ابعث لجميع الجامعات التي تتوافق مع تخصصك ولو كل الجامعات
بالتوفيق

السلام عليكم
اخي سالم اعتقد انك ماتقدرش تمشي من هنا الا لما تشوف البعثات رسالة القبول المبدئ والتاكيدي لاتستطيع السفر دون قبول وذلك لاستخراج تاشيرة وفيزا طالب
والله ولي التوفيق بس انت تاكد من الامر

عدل سابقا من قبل ساجدة87 في الثلاثاء 13 يوليو 2010, 12:44 am عدل 1 مرات

انا شخصيا ماننصحكش تطلع من البلاد بدون قبول
فيه مكاتب فعلا يقدرو يوفرولك القبول او تدخل علي مواقع الجامعات عن طريق النت

بارك الله فيكم على الردود...بس انا جربت المواقع هدوم وانا انجليزيتى مش مية المية وما فهمت شي....من يقدر يقدملى ونبعتله اوراقي على الايميل.انا عارفكم تقروا ومش فاضين بس لو بعتلكم الاوراق وتكاليف التقديم يبقي على طريقك وانت ماشي لجامعتك تعطيهلم فى قسم التسجيل...انا نبي قبول باش نكمل اوراقيا بس في البعتات...قبول عادى فى اى تخصص في التقنية الطبية لانى عارف روحى نبي سنة لغة قبل الاكاديمي فى تلك السنة نقدر نقدم بروحى فى التخصص اللى نبيه....

حسب علمي التقديم يبي رسالة الدعم المالى والشهايد وعدد اتنين توصيات وصور شخصية وشهادة خبرة بس مع نمودج التقديم اللى حيعطوهلك هما...والا في شي تانى انا مش عارفة

اخينا العزيز سالم
كان الله في عونك...لنا طبيب من نفس المركز الذي اشتغل به يدرس في جنوب افريقيا وعلاقتي به جيدة انه انسان جدا خدوم وخلوق لذا سأحاول ان اوصلك به عن طريق الايميل او التليفون وكلي ثقة انشاء الله في انه سيساعدك لكن اصبر علي يومين كي اجد لك ايميله الخاص

السلام عليكم ورحمة الله وبركاته انا طالب عندي درجة دبلوم عالي هندسة الاتصالات ارغب في دراسة الماجستير لكن ابحث عن قبول ها من مساعد لي وبارك الله فيكم مع العلم اني موفد لدراسة الماجستير من البعثات الليبية .