استفسارات بخصوص مكتب التقديم على التاشيرة الإنجليزية (وكيل السفارة الإنجليزية) في طرابلس

هل مقر السفاره مغلق في برج طرابلس ؟؟؟

عدل سابقا من قبل Abu Mohamed في الثلاثاء 04 مارس 2014, 4:36 am عدل 1 مرات (السبب : تحديث)

بالنسبة الفترة اللي قبل الثورة مكان السفارة في مجمع الواحة بطريق قرقارش
أما الآن ماعنديش علم شوفها في طريق قرقارش يمكن موجودة


والله أعلم...
هذا حسب علمي

مقر تقديم التأشيرة في مركز الواحات في حي الاندلس ..
اما السفارة نفسها في برج طرابلس

- السلام عليكم أن من مدينة بنغازي
- تحصلت على قبول لغة من بريطانيا
- ليس عندي ايلس
- موفد على حساب الدولة
- بعد تعبئة نموذج دعم التأشيرة
- نوع الفيزا طالب زائر مدتها 11 شهر اللي حنقدم عليها

السؤال في طرابلس وين مكان السفارة ؟

وبارك الله فيكم

المكتب الخاص بإصدار التأشيرة البريطانية
بلمركز الواحات  بحي الاندلس طرابلس

الدور الثاني علما بأن التقديم للتأشيرة وأخد الموعد لتسليم الاوراق المطلوبة يتم عبر الانترنيت

مع العلم بأن توجد عدة مكاتب خاصة تستطيع مساعدتك بالتقديم وتقوم بتعبئة النموذج لك مع حجز موعد وهي موجودة بالمركز نفسه اي مركز الواحات

تحياتي واحترامي

الله يرحم والديك

ممكن نعرف رسوم المكتب الخاص لكي يأخذ لي موعد

انا قدمت عن طريق مكتب قام بتعبئة النموذج الحاص بالتأسيرة لي وجزلي موعد يوم 11/11

معظم المكاتب تاخد 30 دينار للفرد

تحياتي واحترامي

وانت جاي من جزيرة سوق الثلاثاء باتجاه قاعة الشعب طريق قرقارش....تركب من الطريق هذي وتكون قاعة الشعب علي ايدك اليسار تمشي حوالي كيلو ونصف تجد مجموعة من المراكز التجارية على اليمين مثلا بوابة الاندلس وبعدها علي طول تلقى مركز الواحات وهو مبنى مركب ذو لون بني....ومكتب خدمات التاشيرات تلقاه رقمه 65 وباللون الاخضر الزاهي.... وتلقى في جنبه مكتبين مكتب دنيا المعرفة ومكتب السندباد...
بما انك من بنغازي ننصحك انك تتصل حتى بالتلفون لاي استشارة قبل لا تتعب روحك وتجي... تقوللهم اوراقك الداعمة للتاشيرة ويقولولك عليها اي ملاحظات فتقدر تجهز اوراقك براحتك في بنغازي وكان عقبت حاجة مش مشكلة .... بحيث لما تجي لحجز موعد يكونو اوراقيك كاملات....
ملاحظة تانية مهمة هلبا نبي نقولك عليها
انا المدة الماضية امشيت لمكتب دنيا المعرفة مرتين وكنت نستفسر علي اي ورقة ممكن تدعملي التاشيرة وكنت نسال فيهم امتى نقدر نحصل موعد؟؟ فكانت الاجابة بعد يوم على الاكثر.... لكن مشيت بوم 16-10 بنحجز موعد فلقيت كل المواعيد محجوزة ليوم 29-10....
يعني حتى هذي نقطة مهمة بالنسبة ليك لانك بعيد... ربي يعاونك
الاوراق المطلوبة حسب ماافادنا الاخوة في المنتدى كانت كافية جدا وزيادة
ارقام التلفونات دنيا المعرفة 0913744401-0925166710 مكتب رقم 58 الدور الثاني جنب مكتب التقديم على التأشيرة
مكتب السندباد 0917688326 -0217259346 مكتب رفم 57 في جنبهم
رسوم تعبئة نموذج الحجز 30 دينار لكل شخص

عدل سابقا من قبل Abu Mohamed في الخميس 19 يونيو 2014, 9:34 pm عدل 1 مرات (السبب : تحديث معلومات)

بارك الله فيك الاخ polat

وبارك الله في الاخت Heba2008

وربي يوفقكم

أخت هبة أولا أشكرك على الوصف المستفيض لمكان التقديم على التأشيرة
بالنسبة للمواعيد أعتقد أن كلامهم صحيح نسبيا في أنك تحصلي موعد بعد يومين أو حتى بعد يوم واحد علما بأن هذا يعتمد على عدد الحجوزات في ذلك اليوم أو الأسبوع وأيضا على وجود أي إلغاء لمواعيد من أي أحد ولكن السبب أنه لايوجد مواعيد حتى يوم 29 أكتوبر هو أن مكتب الورلد بردج كان مقفلا في فترة العيد.

أخ alkory بما أنك من بنغازي فمن الصعب ومن المكلف عليك أن تذهب لطرابلس فقط لتعطي أوراقك لأحد المكاتب الخاصة وتدفع المبلغ الفولاني يعني الموضوع مش مستاهل فأقترح عليك إما أن تبحث عن مكتب في بنغازي مع أني لا أحبذ التقديم عن طريق المكاتب لأن معظمهم يرتكبوا في أخطاء فادحة وغير مواكبين للتطورات في موضوع التأشيرة وممكن أن تبدأ في تعبأة النموذج كما شرحنا بالصور في موضع آخر كيفية حجز موعد للتأشيرة وملأ استمارة التقديم (الأصلي) وتخلي حد عنده خبرة يراجعها لك.

عدل سابقا من قبل Abu Mohamed في الخميس 19 يونيو 2014, 9:38 pm عدل 2 مرات (السبب : تعديل وإضافة معلومات)

أشكر كل المشاركين في هذه الصفحة خصوصا الأخت Heba88

المعلومات كانت جدا قيمة

بارك الله فيكم

موفقين ان شاء الله

ِAbu Mohamed كتب:

أخت هبة أولا أشكرك على الوصف المستفيض لمكان التقديم على التأشيرة
بالنسبة للمواعيد أعتقد أن كلامهم صحيح نسبيا في أنك تحصلي موعد بعد يومين أو حتى بعد يوم واحد علما بأن هذا يعتمد على عدد الحجوزات في ذلك اليوم أو الأسبوع وأيضا على وجود أي إلغاء لمواعيد من أي أحد ولكن السبب أنه لايوجد مواعيد حتى يوم 29 أكتوبر هو أن مكتب الورلد بردج كان مقفلا في فترة العيد.

أخ alkory بما أنك من بنغازي فمن الصعب ومن المكلف عليك أن تذهب لطرابلس فقط لتعطي أوراقك لأحد المكاتب الخاصة وتدفع المبلغ الفولاني يعني الموضوع مش مستاهل فأقترح عليك إما أن تبحث عن مكتب في بنغازي أو ممكن أن تبدأ في تعبأة النموذج كما شرحنا بالصور في موضع آخر اضغط هنا وممكن نساعدوك أو يمكن تراسلني أو تراسل أحد الأعضاء في المنتدى على الخاص إذا كان عندك أي سؤال وممكن حتى تبعثلي أو لأي أحد آخر صورة من الأبليكشن (ورقة التقديم) بعد أن تكملها وإذا كان فيه أي شئ غير صحيح نصلحوه لك.

صح كلامك اخ ابومحمد انه عطلة العيد سببت في مشكلة لكن الي نبي انقوله انه فعلا فيه ضغط علي مكتب التاشيرة.....
عندي زملاء ليا بيقدمو امس قالولهم اقرب موعد يوم 20-11 الا في حال الغيت مواعيد من المنظومة....
انا يوم استلامي للتاشيرة كان العدد للموجودين يزيد عن 40 شخص لدرجة انه الموظفة في السكيوريتي دارت قائمة وقالت الي مايلحقش اليوم يستلم يوم الغد والرقم متعنا كان في الثمانين....
نبي انبهكم انه فعلا فيه زحمة وضغط كبير......
هو صح تعبئة الابليكيشن ليس بالامر الصعب جدا ولكن المشكلة انه اعصابنا تعبانة ودمنا محروق من الاجراءات.... يعني الواحد يشري في راحته .... واني راجعت الابليكيشن قبل لايسحبة ونبهته لمجموعة اشياء لان كل واحد ادرى ببياناته واوراقه.....

متى يفتح مكتب التقديم على التأشيرة فى الصباح الساعه كم؟
السلام عليكم اخوانى واخواتى انى عندى مقابله يوم التلاتاء 27- 11 ساعه 8 و عشره مش عارف نمشى 7 وعشره ولا 8 وعشره فياريت الى عنده اجابه يساعدنى وجزاكم الله كل خير

عدل سابقا من قبل Abu Mohamed في الخميس 19 يونيو 2014, 9:39 pm عدل 1 مرات (السبب : تحديث)

اقصد بتغير توقيت الى توقيت الشتوى هل باقى كيف زمان ولا تغير

لو كان قصدك موعد في السفارة البريطانية فمستحسن تمشي قبل الموعد بنصف ساعة على الأقل لأنك لو تأخرت حتى عشرة دقائق عن الموعد يضيع عليك الموعد امتاعك وانت شنو خاسر امشى بكري حتى لو كانوا مازال مافتحوش استناهم وربي يوفقك ونسمعوا عنك اخبار طيبة وعلى فكرة انا مشيت للسفارة قبل الموعد بساعة كاملة

بالنسبة للوقت اتصل بيهم لو ماعندكش الرقم ممكن نشوفلك تقريبا عندي ويردوا عليك ليبيين

ياناس تغير الساعة مالهاش علاقة بتغيير أي موعد في البلاد وخاصة مواعيد الإنجليز بعني الوحيد اللي يتغير هو موعد الصلاة ومافيش داع للاتصال بيهم على شان هذا الموضوع لأن الأجابة معروفة زي ماقلت لك.

عدل سابقا من قبل ِAbu Mohamed في الخميس 27 ديسمبر 2012, 9:47 pm عدل 1 مرات

توكل على ربي وبرا الساعة 8:10 بالتوقيت الجديد ............نصيحة ليك مني وبإدن الله ربي حيفتحها قدامك نوض صلي الصبح حاضر في المسجد مع الجماعة معناها تم الصلاة الساعة 6 بالتوقيت الجديد وكانك من سكان طرابلس افطر على راحتك معناها اتم فطورك الساعة 6:30 بعدها توكل على ربي وبرا لموعدك وبإدن الله توصل قبل الموعد موفق بإدن الله

السلام عليكم

-----

ياشباب مافيش داعي للقلق بخصوص الوقت

هما يمشوا حاليا بالوقت الجديد يعني توقيت الحجز هو بالتوقيت الجديد

فلوا الايميل جاك 11:00 معناها برا عالتوقيت الجديد

ونطمنكم الشباب في الاستعلامات الحق بارك الله فيكم متفاهمين لابعد حد

فيه هلبة تأخروا علي وقتهم ودخلوهم اهم شي تجي جاهز بأوراقك الكاملة والمصورة والصور الشخصية بيش متعطلش روحك

واصلا انت لو موعدك 10:00 حتدخل للصالة ال10:00

وتاخد رقم وحتستنى اقل شي ساعة او ساعة الا ربع

بيش يوصل دورك

وان شاء الله موفقين

الرسالة معناها أوراقك جاهزة للاستلام سواء شخصيا منك أو من شركة البريد الوسيطة لو طلبت منهم ذلك ولا أاحد يستطيع أن يخبرك بحصولك على التأشيرة من عدمه إلا بعد أن تفتح الظرف الذي به جواز سفرك وتنظر بنفسك.
بالتوفيق

عدل سابقا من قبل ِAbu Mohamed في السبت 22 ديسمبر 2012, 3:16 am عدل 1 مرات (السبب : خطأ مطبعي)

ِAbu Mohamed كتب:

الرسالة معناها أوراقك جاهزة للاستلام سواء شخصيا منك أو من شركة البريد الوسيطة لو طلبت منهم ذلك ولا أاحد يستطيع أن يخبرك بحصولك على التأشيرة من عدمه إلا بعد أن تفتح الظرف الذي به جواز سفرك وتنظر بنفسك.
بالتوفيق