السلام عليكم

السلام عليكم لوسمحتك لى يا اخواتى الموجودين فى السا حة الكندية انا لقد تحصلت على ابفاد دكتواره ولقد فكرت فى السا حة الكندية مع العلم بان تخصصى اقتصاد زراعى ولقد بحث فى عدة جامعات ولقد وجدت تخصصى موجود فى اغلب الجامعات ولكن بعضهم قال لى انا قال لى انا كندا لاتعترف بالماجستير المتحصل عليها من ليبيا فهل هذا الكلام صحيح اما خطا بارك الله فيكم وشكر

يا خوي انا جاوبتك على سؤال هذا ع الخاص و قلتلك و هذا الكلام اكيد مية في المية ان كندا تقبل في الماستر من ليبيا
اذا كانت كندا تقبل في البكالوريس و حتى في الدبلوم فكيف ما تقبلش ماستر !!!!!
بالتوفيق

كلام اخت حنان مية فى ميه اخت

ههههه الله يبارك فيك خوي سالم و نشوفوك هني في كندا

سلمنى على طه صغير

وسعت البال مطلوبة عموم شكر واسف جدا على الازعاج

يا خوي لا ازعاج و لا شي بس لما انجاوبك و تنزل موضوع بنفس السؤال معناها انك ما عندك ثقة في كلامي بس اني اندير في اللي عليا و متعاونة باللي نقدر
بالتوفيق

السلام عليكم يابلة انت مش مجبره للرد على جميع الاسئلة التى تطرح فى المنتدى على حد علمى هناك اعضاء اخرين فارجوا ان تترك لهم الفرصة للرد على بعض الاسئلة التى تطرح وبالتوفيق

تي غر وسعو بالكم خيركم قريب تضاربو هههههههههه
بسيطة ما صار شي والاخت حنان جاوبت لانها متاكدة ولو طلع كلامها مش اكيد حي عليها حي هههههههههه

ياخوي مافي داعي لهالأسلوب انا ما غلطت بش و الحق كيف مايعرفوني كل الاعضاء انا نحب نساعد بس حاضر ما عاد نجاوب على اسئلتك مع العلم احني مش في مسابقة من ابشارك ومن ما ايشاركش بس على راحتك بالتوفيق شكرا خوي هيثم و ايه سلمتلك على طه و زوجي يسلم عليك هلبه يا خوي سالم

شكرا يا خوي لكلامك الطيب و هذي شهادة نعتز بيها و ربي يوفقك و ايوفقنا لمساعدة كل الموفدين

الله يبارك فيك خوي المهندس بالتوفيق

الاخت حنان اجباتها واقعيه واكيده ومفيده وتقدر تبني عليها قرار وانت متريح وبالتوفيق للجميع

الله يخليك و يبارك فيك اختي أم ايمن و شهادتك تشرفني و ربي ايقدرني و نساعد الجميع
بالتوفيق

وعليكم السلام

من شهرين ونص حضرنا محاضرة بعنوان الدراسة بأمريكا الشمالية تم إلقاها من قبل دكاترة دارسين بكندا وأستاذ من المكتب الكندي الليبي بكندا وتم طرح سؤال للطلبة الموفدين لنيل درجة الدكتوراة بأمريكا الشمالية علما بأنهم متحصلين علي ماستر من ليبيا طبعا كانت الاجابة يستطيع الطالب الموفد لنيل درجة الدكتوراة لدراسة وهو متحصل علي ماستر من ليبيا وممكن يتميز وموجود عندنا أمثلة حية في المكتب ومن واقعنا وتحصلوا علي درجة الدكتوراة


وبالله التوفيق

طبعا الطالب بصفة عامة عندما يتجه إلي الدراسة دائما يكون إيجابي وينسي كل شئ سلبي ويبتعد عن الناس المحبطين ويدخلون لكم اليأس هذا ما تم ذكره في المحاضرة التي سبقت وإن ذكرتها آنفا, القبول الاكاديمي يحتاج إلي قوة إستعداد منا وبمشيئة الله سيوفقنا الله جميعا والناس الحلال موجودون ومنهم انتم من قسم الموفد سوف يدرجون ويوضحون كل شئ ونحن بدورنا سنأخذ بنصائحهم حتي نصل الي الهدف المبتغي وبارك الله في الجميع وسدد خطاكم وجعلها في ميزان حسناتكم


وبالله التوفيق