استفسار بخصوص صلاحية التاشيرة البريطانية

حسب ما يقولو أنها تصدر من تاريخ التقديم وليس من تاريخ بداية الكورس

تعطى في العاده بناءا على تاريخ بداية الكورس

انا قدمت يوم 2/10 وتحصلت عليها يوم 15/10 وتاريخ بداية الفيزا هو يوم 19/11
مع العلم مستند قبولي في معهد اللغة يبدا يوم 26/11
وانشاء الله بالتوفيق

انا اشاء الله ناوى انقدم على الفيزا بعد العيد وبعد ماتصلنى ورقة دعم الفيزا التى وعدنى به الاخ ((على دخيل)) وقاللى انشاء تقعد من اسبوع الى 10 ايام وبعدها تطلع وبعدها انقدم عليها انشاء الله ..يعنى انا متوقع انى انقدم على الفيزا يوم 10-11-2012 مع العلم بأن بدية الكورس امتاعى يوم 28-1-2013 ...ازعمه تمشى امعانا الامور تمام كيف خونا الكراخلى

انشاء الله يا اخت لوزا..بس بينى وبينك انفكر فى الاسره امتاعى مانشى عارف ناخذهم والله انصيبهم

السلام عليكم يااخ اسماعيل ربي يفتح عليك لان وضعي كيف وضعك انصحك انك تمشي بروحك بيش تضمن التأشيره وعدم الرفض بسبب وجود اطفال وخصوصاً لوكان في سن الدراسه واضغط علي نفسك واقراء اللغه ست شهور وامتحن ايلتس حتجيب 4.5 في كل جزء وقدم علي تأشيره تيرا4 وخوذهم امعاك وبلكي اتكمل اللغه وتخش عل الاكاديمي في شهر 9 وخصوصاً انك خلال الاقامه مع عائله حتكسب ممارسه اللغه بصوره اسرع هذا لوكنت متريح علي هلك وعندك من ايهنيك عليهم وغير ذلك ممكن اتقدملهم علي تأشيره سياحيه 6 شهور ويمشوا امعاك

شكراً اختى ام ايمن على النصيحه وربى يقدم اللى فى الخير انشاء الله

السلام عليكم انا عندي ايفاد قصير وقدمت على التاشيرة تيوم 11-12-2012 وحتى اليوم ماوصلنيش الرد والكورس يبدا 4-2-2013 ومازال اجراءات التفويض واكيد مش حنلحق قبل ما يبدا الكورس فهل مدة البقاء في بريطانيا تبدا من موعد الحصول على التاشيرة او من موعد الدخول الى بريطانيا
يعني بفرض حصلت التاشيرة تبدا من 4-2-2013 وتاجل الكورس حتى شهر 4 فهل نكمل 6 شهور الكورس يعني حتى شهر 10 او لازم انروح في شهر8

مدة البقاء في بريطانيا تبدأ من موعد الحصول على التأشيرة وتنهي بتاريخ انتهائها

عدل سابقا من قبل Abu Mohamed في الأحد 01 ديسمبر 2013, 2:54 am عدل 2 مرات

تقريبا يأخذ نفس الفترة والتقديم مش لازم من ليبيا إذ كانت تاشيرة سياحية أو طالب زائر لايمكن التقديم من داخل بريطانيا أو دول الاتحاد الأوربي وبالتالي يمكن التقديم من أي مكان آخر في العالم.
http://www.ukba.homeoffice.gov.uk/visas-immigration/visiting/student/requirements/


عدل سابقا من قبل Abu Mohamed في الأحد 01 ديسمبر 2013, 3:19 am عدل 1 مرات

تفائلي خير اخت اعتدال ،،، توكلي على الله وإن شاء الله ربي يسهل الأمور ويصير خير ...

بالتوفيق لك وللجميع إن شاء الله !!!

اعتدال كتب:

بارك الله فيك اخي
بس والله هذا موضوع انا اليوم بس ليا 24 يوم بالضبط مقدمة على التاشيرة وما زال ماحصلت الرد فاذا كان التجديد ياخذ نفس المدة يستر الله وخلاص
والله التاشيرة هذي كرهتنا في القراية كلها من الاساس

ان شاء الله تو ايجيك الخبر المفرح بالقبول
الحال من بعضه انا بروحي انراجي وقبولي اللغة قريب و المدة 6 شهور علشان المرافق
ان شاء الله ربي ايكون في عونا