امكانية التاشيرة الكندية من تونس؟؟؟

السلام عليكم اخوتي:
انا مقدمة علي التاشيرة الكندية واعطوني موعد يوم 13-2-2013 وبعدين التاشيرة تاخد اكتر من شهرين ونص...يعني بعد اربعة شهور ممكن ناخد التاشيرة وممكن لا ...المدة طويلة هلبا بصراحة ...سؤالي هو ( هل استطيع تقديم التاشيرة الكندية من تونس وكم تستغرق؟ افيدونا جزاكم الله كل خير

نفس الشئ الستادي لرمت تأخد شهرين ونص ياخوووي خليك علي الصبر وخلاص
موفق ان شاء الله

السلام عيكم والله يا خوى الله اعلم لكن سمعت ان الا يقدم على التاشيرة من خلال السفارة الكندية فى تونس مباشرة تطلع بسرعة هدا والله اعلم

والله ياخووي ماسمعتش هكي بكل قالولي نفس الشئ وان شاء الله يفيدوك خوتي

نفس إللي حصل معاي قدمت على موعد وجاني في شهر 2 وانا ملفي واتي الحق
هل من الممكن طلب الحصول على موعد أقرب أم لا؟

هل ضرورى اخد الموعد حضور شخصى اللسفارة

مشكورين .....يعني الواحد يستني وخلاص.... فيها خيرة...الموعد مستحيل تقدمهولك الا ادا كان حد انسحب قبلك انتي والحظ....والحضور الشخصي لازم...التاشيرة الكندية من السعودية تستغرق اسبوعين بس لكن الكلام هادا يمشي حتي عل الليبين والا لا؟ الله اعلم

اني ياخوي كيف مشيت للسفارة بناخد موعد خديته في نفس اليوم مشيت الصبح بكري قالي تعالا الساعة 11 وقدمت اوراقي وتوا بيا شهرين و3 ايام علي التقديم بالزبط