الإقامة + تأشيرة

السلام عليكم

بنسال للشباب اللي سابقينا في الدراسة وعندهم فكرة ع الموضوع
انا بندير اقامة فقالوا لي ان جوازي قريب اطيح لازم اتجدده بعدها انديروا ليك اقامة

وهنا سؤالي ؟ هل لو روحت وانا بنروح تو في نهاية شهر واحد ان شا الله، لازم اندير تاشيرة لما نبي نرجع ؟
عندي اوراق تثبت اني طالب في مصر وعندي قبول، بس ما مزال ما درت كرنيه ولا اقامة
هل لازم من تاشيرة او لا

وبارك الله فيكم خوتي

السلام عليكم
اولا اهلا بيك اخى فى منتدى الموفد وفى قسم الساحه المصريه
ثانيا بالنسبه لسؤال تقدر تمشى تجدد جواز سفرك هنا فى القنصليه والمطلوب صوره شخصيه وجواز سفرك + 100 جنيه مصرى وتاخذ يوم فقط
وبعدها تمشى للكليه وتاخذ منهم ورقة انك طالب خلال عام 2012 \2013
ونموذج من الجواز 8 جنيه مصرى وصورة شخصيه وتسلمه للجوازت +83 جنيه مصرىوتراجعهم بعد اسبوع يختمولك التاشيره السنويه وتريح روحك من التاشيره لكل سفره
وبالنسبه لو ما درتش هضا كله لازم تدير تاشيره لانه لاتنفعك ورقة القبول يعنى لازم كرنيه من الكليه وانا شخصيه لم اجرب موضوع الكرنيه لكن حسب ما سمعت من بعض الطلبه انه يمكنك الدخول بكرنيه الجامعه

شكرا ويارك الله فيكم

بس انا امجدد مرة جوازي، وتقريبا لازم معناها جواز جديد، هل القنصلية تقدر ادير لي جواز سفر جديد ؟؟

لا اعتقد ذلك ليس من صلاحيات القنصليه
اقصى شى هو اخراج وثيقه تسمحلك السفر بها وفى ليبيا يمكنك استخراج جواز سفر جديد