الله أكبر

الحمد لله بعد 26 يوم وصلوني نمادج الكشف الطبي
بس يا ترا وين احسن واسرع مكان تنصحوني ندير فيه الكشف ؟
وتحياتي لكل الاعضاء اللي منورين المنتدى

عدل سابقا من قبل Haitham.Elhur في الأحد 13 يناير 2013, 10:58 pm عدل 2 مرات (السبب : العنوان غير معبر عن المحتوى)

ألف مبروك .... رد بالك تمشي للدكتور شايب عين في دات العماد ......راح يطلع عينك...هههههههه
بالتوفيق....

مبارك ياخوووووي عقبال السفر . ننصحك بالدكتور عبدالسلام في جنزور الشرقية الف مبرووووك مرة اخري

بارك الله فيكم ومنورييييييييييييييين
خوي عز الدين وين مكانه الدكتور عبد السلام ؟ وهل نقدر نمشيله غدوا الصبح ولالا ؟

بارك الله فيكم جميعا وان شاء الله العاقبة للمنتظرين يارب

السلام عليكم
اني درت الكشف الطبي امس الاحد في مركز السلام الطبي في جنزور
والصراحة معاماة جيدة بارك الله فيهم
المهم صورة اشعة للاهمار فوق 10 سنوات قيمتها 50 دينار
وتحاليل دم للكبار بقيمة 100 دينار
وتحاليل البول لما فوق 6 سنوات بقيمة 10 دينار
وفي العشية الساعة 5 الدكتور احمودة بارك الله فيه يتأكد من النماذج ويسألك بعض الاسئلة عن التاريخ المرضي
وبعدين تدفع مصاريف الكشف وهي 40 دينار للفرد الواحد ورسوم HDL وهي 65 دينار
يعني تقدر تسميه يوم الدفع
المهم لو الواحد يمشي الصبح أقضل بيش يعمل التحاليل والصورة وباقي الكشف زي الوزن والطول وقياس الضغط
وتعبئة النماذج

وبالتوفيق للجميع

مبروك أخي هيثم وعقبال تكمل بقية الإجراءات وتسافر !!!

ما عليشي أخي الكريم ملاحظة ... التكبير ما فيشي حرف الواو زي ما موجود في عنوان هذا الموضوع !!!

(الله أكبر) تكتب بدون الواو ، فقط ضمة على الهاء في لفظ الجلالة الله !!!

بارك الله فيك أخي المتوكل وجازاك الله كل خير علي هذه الملاحظة الطيبة ,, الله أكبر

وفيك بارك الله أخي هيثم ،،،

الله أكبر الله أكبر الله أكبر ولله الحمد ،،،

فعلا خوي قصدي السبت غير من التشحويرة من الصبح الى الليل وزحمة طرابلس زي ما انت عارف لخبطة فب الايام