امتحان USMLE+اللغة في سنة واحدة!!!!

هل ممكن التقدم لامتحان USMLE في نفس السنة اللي فيها دراسة للغة يعني تدرس وتحضر محاضرات خاصة بالUSMLE بالاضافة لكورسات اللغة الانجليزية لاختصار الوقت؟

اخي مجدي قبل كل شئ انت قاعد في ليبيا ولا سافرت
يبدو من كلامك انك طبيب
شوف انا من المجربين لنفس الوضع وطرحنا نفس الاسئلة ولكن بعد فوات الاوان و بعد ماسافرنا
طبعا ماتقدرش تأخد لغة وUSMLEفي نفس الوقت لازم واحد منهم فقط
كم انك ماتقدرش اضيع سنوات الافاد بين اللغة وUSMLE
ولهذا ياريت تكون حاسم قرار وانت في ليبيا
خود اللغة في ليبيا وياريت حتي تحضر لبرنامج USMLE قبل ماتطلع لانك يمكن تحصل علي المحاضرات الي تلزمك من بعض الزملاء
بش لما تسافر متضيعش وقت فيهم وتخش علي الامتحان علي طول وهكي ماتضيعش فرصة الايفاد
انشاء الله فيدتك ببعض الشئ والله هذا احسن طريق تسلكه كان تبي تربح وانشاء الله ربي يربحك

بارك الله فيك اخت حلا:نعم انا طبيب معيد في جامعة العرب الطبية قسم pharmacologyوانا بصراحة نبي انغيير التخصص الى اي تخصص سريري لهذا السبب نسأل عالUSMLE ولان فرصة الشغل بالتخصص السريري افضل من تخصص الBASIC على حد معلوماتي.وانا مازلت موجود في ليبيا واسمي تبع قرار 469 الاخير.وشكرا عالتوضيح وربي يفتح عليك ويوفقك وانا حابب نعرف تجربتك اذا انتي طبيبة.

صراحة انا ايضا تخصصي pharmacologyومريت بنفس المشاكل ووصلت لنتيجة اني نحاول نغير تخصصي من لبيبيا اعتقد هكي اسهل
وربي يعين الجميع
بس حاول تتبع النصائح الي قتلك عليها

التغيير من ليبيا صعب جدا بل مستحيل انا حاولت وماصار شي.باهي ممكن انحصل شغل بشهادة ماجستير الفارما في امريكا؟ وبالنسبة لكي انتي كملتي والا مازلتي وانتي قاعدة في امريكا؟نبي نعرف مستقبل الفارما غادي شنو بالزبط!

مادام انت قاعد في ليبيا وناوي امريكا حاول تحصل قبول قبل السفر
وبالنسبة لشغل غادي يعتمد علي دراجاتك ومستواك خلال الدراسة
بالنسبة ليا انا حاليا في ليبيا ومجمدة قراري لظروف عائلية

السلام عليكم دكتور
أنا ايضا موفده في نفس القرار 469 وكنت ناوية الساحة الامريكية بس أسمع مني نصيحة لازم تاخذ الجزاين الأول والثاني قبل ل تطلع من ليبيا ويا ريت لو حصلت حتي ايلتس لانك ح تتعب غادي ويضيع فترة الأيفاد علي امتحانات المعادلة
أنت خوذ الجزأين هاذوم هنا ولما تمشي غادي دير الأمتحان الثالث العملي بس وبعدها علي طول ح تحصل قبول أكاديمي
وربي يوفق الجميغ أن شاء الله

السلام عليكم

لو حصلت الجزئين من ليبيا وأنا موفد في تخصص اكاديمي biochemistry هل ممكن ايغيرلي المكتب الشعبي بدل من إيفاد للماستر لإيفاد للدرجة التخصصية ؟ وهل مايفرقش السكور في حالة إنك بس تبي تقرا يعني ما تبيش تخدم غادي ؟
ياريت انلاقي عندكم إجابة وبارك الله فيكم .

السلام عليكم
بالنسبة للتغيير من تخصص لتخصص اعتقد أنه ما فيش مشكلة زي ما سمعت
بس بالنسبة للسكور أكيد مهم كيف ح تقرا بدون ما تشتغل وأنت دكتور يعني قرايتك نصها عملي
هو لغاية الان القرار يقال انه مده صلاحيته سنتان يعني توا ما زال لك 14 شهر استغل الوقت وابدا اقرا للجزء اول والثاني وفي نفس الوقت اجري علي قبول وكمل باقي اجراءاتك مابين نفذت القرار ح تكون انشاء الله واخذ الجزاين وربي يوفقك

بارك الله فيك د برنسس