اياما كانت حلاوة الروض المطير

هههههههههههههه ابدوس توا نسأل جدتى عليها ونرد عليك لانى عمرى ماسمعت بيها بصراحة

مشكـــــور خوي الفاضل .. رجعتني لأيام ليتها تعود .. والله نسيتني كآبتي شوية ..
لكن للأسف .. توجد اغاني كتيرة .. ولكن هذه الذاكرة المعطوبة .. التي لا تحتفظ إلا بما تريد

ممكن تتذكر الأغنية (( فراشتين مصنوعتين من الشكولاتة )) كنت نحب نلعبها لكن نسيت كلماتها ..

في ايضا اغنية حلوة جدا كنت نرددها وانا صغير وهي اغنية هات الشنطة وتعالى وريني..ايش خديت اليوم ياحسين...عارفك شاطر وتهنيني..وديما تذاكر واجبك زين..هههههههههههههه..وحسين يرد: شوف ياباتي كراساتي ديما نذاكر واجباتي....

ابدوس اصريت انى نشارك حتى انا

اذكرت اغنية فيها بنات صغار يهزن في روسهن مسكينات قريب يصيرلهن ارتجاج

ويغنن بسم الله بسم الله احلى كلام تعلمناه

كرست كتب:

هههههههههههههه ابدوس توا نسأل جدتى عليها ونرد عليك لانى عمرى ماسمعت بيها بصراحة

انتم جيل الستلايت ما عشتو الطفولة بالمعنى الذى عشناه
خليكم على البكومنات وابطال التجتل
جيلنا نحنا صقع

هههههههههههه

صح والله ذكرتنى بالبوكيمانت

بلباسور وتشارمد وسيكويرل

لما مرض سيكويرل كنا نحسابوه حيموت وقعدنا نبكوا والله والله والله كنت ندعيلا في الصلاة

فعلا اروع ايام ايام الطفولة

rhma كتب:

مشكـــــور خوي الفاضل .. رجعتني لأيام ليتها تعود .. والله نسيتني كآبتي شوية ..
لكن للأسف .. توجد اغاني كتيرة .. ولكن هذه الذاكرة المعطوبة .. التي لا تحتفظ إلا بما تريد

ممكن تتذكر الأغنية (( فراشتين مصنوعتين من الشكولاتة )) كنت نحب نلعبها لكن نسيت كلماتها ..

شكرا على مرورك وربي يزهى ايامك في طاعته

عبد الناصر كتب:

في ايضا اغنية حلوة جدا كنت نرددها وانا صغير وهي اغنية هات الشنطة وتعالى وريني..ايش خديت اليوم ياحسين...عارفك شاطر وتهنيني..وديما تذاكر واجبك زين..هههههههههههههه..وحسين يرد: شوف ياباتي كراساتي ديما نذاكر واجباتي....

هههههه
شكرا على المرور
تو معاش في حسين ولا في بو حسين ,كان بتقرا لروحك وكان تفشل لروحك.

naema كتب:

باهي خوذي هادي



يا حجيل

يا مجيل

وين كنت امبارح

في جنين صالح

شن كليت من تفاح

ومن قليبات ملاح

من فتح ثلاجه

إنت يا سعاد ,,, لا

إنت يا مفتاح,,,لا

تبي حميصه

وإلا قريصه

وإلا عبيد حنه

هههههههههههههههههههههههههههه

akram huossian كتب:

باهي خوذي هادي



يا حجيل

يا مجيل

وين كنت امبارح

في جنين صالح

شن كليت من تفاح

ومن قليبات ملاح

من فتح ثلاجه

إنت يا سعاد ,,, لا

إنت يا مفتاح,,,لا

تبي حميصه

وإلا قريصه

وإلا عبيد حنه

هههههههههههههههههههههههههههه

بصراحة خطيرة هذه....لكن هذه تقريبا من الجبل الغربى ان لم تخنى الذاكرة وقديمة شوية لازم تكون من مواليد الستينيات او السبعينيات باش تعرف كلام زى هذا... و الا حكيتلك عليها امك ان كنت من الثمانينات فما فوق

abdos2020 كتب:

طبعا هو تغير جو شوية وعودة للوراء ولذكرايات الطفولة

طبعا يغنن فيهن البنات فى الغالب بس كنا نشاركو فيهن ما باب المجاملة

جيت ماشي ماشي ماشي

فى زنقة القذافي

لاقنى واحد جندى

اعطانى ثلاثة حدايد

وحدة طاحت منى

ووحدة انكسرت منى

ووحدة راحت منى

مشيت لامى نعيط

ضربتنى بالقبقاب

يا خسارة الدولاب

والاملاء والحساب

والخط والتعبير

ودجاجة فو ق البير

تدلع بالشخشير

وتنادى يا بشير

باشير في سانيته

جى الطير خنب طاقيته

..............................................

جيت نحلب في بقيرتي

صكتنى عجيلتى

دبحتها وكليتها

قلت ما احلى زيتها

زيتها غريانى

من برا سودانى

فتحت باب

صكرت باب

طلعولى فرخ الكذاب

قالولى خيرك يا ليله

قلتلهم فترك فترك

زى حبيبة المستك

القذافى تمتلها هو و زنقتها الى الابد و لله الحمد..
و لكن هذا سمعته فى غرب ليبيا هل هو موجود فى شرقها الحبيب؟

ما أحلاك ياليبيا... غربتى طالت ولم تنتهى... اشتقت الى اغانى اطفالك...اشتقت الى التراب الى البحر..اشتقت الى الاهل الى الجيرات...الى اللمة و الكسكسى...الى الفسرى و الهذرزه الفاضية...الى رؤية الفراشية و الحولى... الطاقية الحمراء والمعرقة...زنقة الخروبة و جنة العريف..اشتقت الى"باش تتفضلوا عندنا ياولاد عندنا عزومة".... اشتقت الى اعراسك و الفضانية... و السبوع و الثالث....والقفة و الزفة... اشتقت الى كل شئ رايته غير مهم لما كنت اعيش فى ربوعك يابلدى...

عدل سابقا من قبل Hassan Saleh في الأربعاء 30 يناير 2013, 4:01 am عدل 1 مرات

ربى يردك لبلادك سالم غانم بشهادتك

عما قريب باذن الله

ياصه خويا بوليس...... ياصا ميحبسنيش ياصا عندا مرى .........ياصا حمرا بيضا ........... ياصا اتكسر في اللوز ..........ياصا بيديها الزوز
ياصا جابت ابنيه .........ياصا سمتها ارقيه.
زمان تقعد ترجى في الرسوم المتحركه وترجى فيها وتحلم بيها وترجى بكره وتمناه ايجي بسرعه بيش اتشوف شنو صار في هايدي ولا فلونه ولابشار...........عليك ايام .
نطلعوا في الشارع مجموعه تلعب في العشيه واحد من الخوت ايقعمز قدام التلفزيون يرجى الرسوم ولما اتجي يطلع ايضبح في الشارع اينبه الي يلعبوا .......رسوم تحركاااااااااااااااااة بدت هييييييييييييييا

مشكـــــورة أختي أم أيمن .. بالرغم من إني ما نعرفش الأغنية .. لكن والله خلتني نبتسم ونموت من الضحــــك ..

وبالنسبة للرسوم المتحركة .. فعلا كنا هكــــي إنديروا .. فكرتيني في سبانك .. وسنان .. ومغامرات الفضاء .. وساسوكي والله قداش هبلنا بيهم .. وتعرفي .. بعدين اني واخواتي نمثلوا فيهم .. كنت أنا الصغيرة .. كانوا خواتي متحكمات فيا .. يأخذو في أدوار الشخصيات المهمة .. وأنا يخلو فيا نبكــــي ..

خذو كل الشخصيات المهمة في مغامرات الفضاء .. وبالنسبة ليا قالولي إختاري ..
( قورو او دامبي ) وأنا كنت نبكي ..

والله أيامات

بالنسبــــة .. لأخي حسان .. نتمنــــى عودتك .. للوطن والأهـــــل ... وكل الأشياء الذي اشتقت لها .. سالما غانما ..

ام ايمن كتب:

ياصه خويا بوليس...... ياصا ميحبسنيش ياصا عندا مرى .........ياصا حمرا بيضا ........... ياصا اتكسر في اللوز ..........ياصا بيديها الزوز
ياصا جابت ابنيه .........ياصا سمتها ارقيه.
زمان تقعد ترجى في الرسوم المتحركه وترجى فيها وتحلم بيها وترجى بكره وتمناه ايجي بسرعه بيش اتشوف شنو صار في هايدي ولا فلونه ولابشار...........عليك ايام .
نطلعوا في الشارع مجموعه تلعب في العشيه واحد من الخوت ايقعمز قدام التلفزيون يرجى الرسوم ولما اتجي يطلع ايضبح في الشارع اينبه الي يلعبوا .......رسوم تحركاااااااااااااااااة بدت هييييييييييييييا

ومرات الرسوم المتحركة والا السندباد مايصيرش منها ايجيبوا فى مكانها مؤتمر شعبى و إلا خطاب... والله مرات نبدأ نبكى .هى كلها نصف ساعة فى اليوم رسوم متحركة و حاسدينا فيها

rhma كتب:

مشكـــــورة أختي أم أيمن .. بالرغم من إني ما نعرفش الأغنية .. لكن والله خلتني نبتسم ونموت من الضحــــك ..

وبالنسبة للرسوم المتحركة .. فعلا كنا هكــــي إنديروا .. فكرتيني في سبانك .. وسنان .. ومغامرات الفضاء .. وساسوكي والله قداش هبلنا بيهم .. وتعرفي .. بعدين اني واخواتي نمثلوا فيهم .. كنت أنا الصغيرة .. كانوا خواتي متحكمات فيا .. يأخذو في أدوار الشخصيات المهمة .. وأنا يخلو فيا نبكــــي ..

خذو كل الشخصيات المهمة في مغامرات الفضاء .. وبالنسبة ليا قالولي إختاري ..
( قورو او دامبي ) وأنا كنت نبكي ..

والله أيامات

والله ضحكتينى يا أختى رحمة.... ايام الطفولة و لا احلى... وشكرا لتمنياتك لنا بالخير

شكراً لااخي حسان ورحمه والجميع سبحان الله العنوان الجميل للموضوع شدنا وكأنه موجود في الذاكره وجاء من يبحث عنه فوجده محفوظ بنفس احلام وامال ومتعه الطفوله