من يستطيع مساعدتي في جامعه الاسكندريه

السلام عليكم انا طالب موفد حصلت علي قبول في فصل الربيع 2013 في كليه العلوم وعلي هذا الاساس تميت اجرائتي في اداره البعثات وحصلت علي البرقيات وفتحت ملف في الملحق وخذيت خطاب الجامعه لاكن لبعد هذا الجامعه قالولي ماتقدرش تدرس في 2 لان انت ماقدمتش علي الموافقه الامنيه والموافقه يتم التقديم عليها في6 يعني انت حتدرس في 9 وانا قدمت طلب للعميد شرحت فيه وضعي وهم قالولي نحن حندز ملفك للجامعه وهم ايردوا عليا الاسبوع هذا وقلولي تدخل في 2 او لا يريت لو في حد يقدر ايساعدني ايقولي شن اندير

المفروض انك تدرس لحد ما توصلك الموافقة الامنية عادي متعطلش روحك..... يعني قصدي..انت تدرس وتستفيد من المحاضرات على اساس ان حضرتك متوقع دخولك للتيرم...ولما تأتي موافقتك الأمنية تكمل اجراءاتك..وتكون ضربت عصفورين بحجر....نفس موقفك انا مريت بيه واصعب ايضا وتغلبت عليه بفضل الله بالصبر والكفاح...

اخى عبد الناصر .. بالنسبة لموضوع الموافقة الامنية حتى النساء مطلوب منهم الموافقة الامنية؟
وكذلك نفس القصة اللى ذكرها الشخص تنطبق على بس انا مازلت ما سافرت لمصر بحكم الى الان لم تصدر برقية الصرف وانشالله ناويين الدراسة هذا الفصل فى كلية الزراعة .. يعنى من الممكن ان تبدأ زوجتى الدراسة هذا الفصل مع العلم انها دراسة دكتوراة

طبعا الموافقة الامنية مطلوبة من النساء....هو اجراء موحد. والموافقة الامنية لاتأخذ فترة كبيرة....شهور قليلة فقط....

يعنى عادى لو سافرت الاسبوع الجاى وتميت اجرائتى فالجامعة نبدا الدراسة فى 15 /2
كذلك اود سؤالك هل من الممكن البدء فى الدراسة لو تأخرت عندى رسالة اذن الصرف ؟

انت تبدأ اجراءاتك وتحضر المحاضرات..... عادي جدا.... ومشي امورك بسرعة ولا تعطل نفسك طالما عندك اذن صرف...وهم حيساعدوك في جامعة اسكندرية طالما تدرس على حساب دولة...

السلام عليكم

أخي كلنا بدينا الدراسة قبل ماتجي الموافقة الامنية

لأنهم هما عارفين الروتين

أنا شخصيا جتني الموافقة قبل الامتحانات بشهر

واصلا ماحدش سألني عليها مشت الامور عادي جدا

السلام عليكم هنا الوضع يختلف انتم تحكوا علي اساس انكم اتقدموا اوراق الموافقه الي الجامعه والجامعه تستلم اوراقكم وتبدوا في الدراسه نيين اتجي الموافقه لاكن انا قالولي ما تقدرش اتقدم علي الموافقه حاليا الي شهر 6 اتقدم علي الموافقه وبعدها الموافقه اتجيك بعد 3 اشهر علي الاقل يعني الجامعه مابوش يستلموا مني اوراق الموافقه وهذا يعني انا لو درست من دون التقديم اوارق الموافقه حندرس من نهايه شهر 2 الي شهر 6 ويكمل التريم وانا مازلت ماقدمت علي الموافقه اساس وبالنسبه للي يسال علي زوجته وهي تبي تدرس دكتورا الدكتورا عادي يمكن الجامعه يستلموا منا اوراق الموافقه لكن المجستير لا الي شهر 6