بخصوص معهد cesc في كولشستير لدراسة اللغة

السلام عليكم  نصيحة منى اى شخص عنده قبول او يفكر يقدم لمعهد cesc سيسك يغير معهد سئ و من غير امكانيات و فقط الهدف يربحو المال من وراك مش حتستفيد نهائيا و يدخلوك للمستوي اللي هما يبو على حسب الزحمة وين عندهم ومن غير العنصرية الرهيبة ضد الاسلام وبالذات الحجاب و المسلمات والله نادمة عليه ونتحسبن علي الشخص اللي كذب علينا واعطانا قبول فيه  وربح من ورانا فلوس و قال كويس على العموم هو ليبي الشخص هذا رد بالكم المدرسين فاشلين جدا جدا والله المدرسين الكويسين ينعدو علي الاصابع و الادارة متاعهم كل شي اطلعلك فى الرز عظام بالليبي

lmoon كتب:

السلام عليكم نصيحة منى اى شخص عنده قبول او يفكر يقدم لمعهد cesc سيسك يغير معهد سئ و من غير امكانيات و فقط الهدف يربحو المال من وراك مش حتستفيد نهائيا و يدخلوك للمستوي اللي هما يبو على حسب الزحمة وين عندهم ومن غير العنصرية الرهيبة ضد الاسلام وبالذات الحجاب و المسلمات والله نادمة عليه ونتحسبن علي الشخص اللي كذب علينا واعطانا قبول فيه وربح من ورانا فلوس و قال كويس على العموم هو ليبي الشخص هذا رد بالكم المدرسين فاشلين جدا جدا والله المدرسين الكويسين ينعدو علي الاصابع و الادارة متاعهم كل شي اطلعلك فى الرز عظام بالليبي

بارك الله فيك عالنصيحة الطيبة
والحمد لله انا معنديش فيه قبول
وعلي حد علمي تقدري تغيري لمعهد أخر
أسأل الله لك ٍ التوفيق والسداد

بارك الله فيك اختي علي النصيحة بس قولين في اي مدينة المعهد

و

من خبرتي في هذا الامر اقول وكلي ثقة ان الكثير وليس القليل من مدارس اللغة والمعاهد وحتى تلك التابعة للجامعات هي مؤسسات تجارية لا اكثر ولا اقل

وقد كتبت مذكرة كاملة ايام القذافي وارسلتها لجماعة السفارة وكتبت ما معناه اننا قد نتفهم ان تختفي بعض اموال ليبيا في اشياء لا نعلمها ولكن من القهر ان نرى اموالنا تُنفق امام اعيننا ويضحك علينا الانجليز عيني عينك

وكانت المذكرة علمية وليست انشائية
حاولت توثيقعا باكبر قدر ممكن ووالله لو كانت تحت يدي الان لارفقتها لكم لتقرؤوها

ارسلتها لهم وقتها ولازلت انتظر الرد
^^


وختاما فانا لا اعلم عن هذا المعهد الكثير

وبارك الله في اختنا لمشاركتنا رأيها

واما عن بعض الليبيين ممن يتاجرون بالطلبة الليبيين فسيكون لي مشاركة عن هذا الامر ان احياني الله وان لم انسى
وهو امر محزن واكثر ايلاما بصدق ان يستغل حاجة الليبيين اخوة لهم ليبيون يقيمون هنا فقط من اجل نسبة او احيانا من اجل فلسفة واستعارض عضلات وتسكير راس

السلام عليكم
انا عندي قبول من معهد ces في ليدز... هل يعتبر فرع ليه وهل يمكن ان يكون بنفس السوء؟؟

مشكورين كل اللى ردو على تساؤلات الغير والعفو هدا واجبى انى نحذركم تانيا اكبر مشكلة نواجهو فيها ان مستويات بي ١ و بي ٢ و بصراحة كل المستويات بطيئين هلبااااااا بشكل والله لا يوصل عادى ساعتين يمشو في لعبة game او speaking مع اللي بجنبك على اساس عشان تقوى speaking متاعك كيق بنقويه وانا نتكلم مع واحد هو بروحه طالب زينى ويعانى من مشاكل وما فيش من يصحح ربي يسامح الليبيين اللى يبزنسو في خوتهم الليبيين

اولا شكرا اختى على الحذير لكن انا عندى قبول كم كولشستر ومن نفس المعهد اللى قلتى عليه يوم 3.18 وتوا نراجى فى التأشيره وكان هما عطونى التاشيره عادى ننسحب من المعهد واللهكلامك خوفنى اختى يعنى عادى نغير لما نمشى غادى هذا كان عطونى التأشيره

شكرا على النصيحة بارك الله فيك وجزاك الله كل خير

على حسب التاشيرة لو التاشيرة تير فور وواخد منهم اكيد الكاس نمبر معناها ماتقدر تغير المعهد لو تاشيرتك طالب زائر تقدر تغير و ان شاءالله يكون رايك انت مختلف عن راي بعد ماتجرب المعهد بس انى اللى نشوف فيه من كلامى وكلام اغلب الليبيين اللى هنى و حتى العرب السعوديين مش عاجبهم الوضع ضعيفين هلبا والاساتذة تعبانين والله معهد النفط فى طرابلس روعة و ممتاز افضل من هلباااااااا معاهد هنى فى بريطانيا والله مش مبالغة من تجربتى وتجربة غيرى ننصح اى حد ياخد فيه كورسات قبل مايجى وربي يوفق الجميع

عدل سابقا من قبل Abu Mohamed في الثلاثاء 26 فبراير 2013, 1:17 am عدل 1 مرات (السبب : كتابة إنجليزية بحروف عربية)

ايهما افضل معهد كولشستر ام شفلد ف دارسه اللغه اللي يعرف يرد عليا

من فترة بالصدفة أحد زملائي من الليبيين في الجامعة كان يحكيلي عن معهد مشكور جدا في كولشستر لدرجة أنه أصبح يجيب في قبولات منه للطلبة الجدد ولما سألته عن اسم المعهد طلع نفس المعهد اللي تحكي عليه الخت وهو CESC مع العلم أن أكثر من طالب آخر شكره وأيضا لو تشوف الصنيف هذا مع أنه ممكن يكون قديم شوية تجده ترتيبه يتفوق عن الكثير من المعاهد المعروفة
http://www.almofad.com/t9322-topic#59297

soad كتب:

ايهما افضل معهد كولشستر ام شفلد ف دارسه اللغه اللي يعرف يرد عليا

حسب علمي مافي معاهد كويسة في شيفلد
بالنسبة لكولشستر  مش عارف شنو اسم المعهد اللي تسألي عليه لأن فيه طالبة كاتبة على معهد في كولشستر وماتشكر فيه
http://www.almofad.com/t15077-topic

وفي أكثر من واحد يشكر في كولشستر  فيه طالبة واحدة فقط ماشكراته

وشوفي ردي في هذا الموضوع
http://www.almofad.com/t15077-topic#191661

شكرا على النصيحة

عبدالقادر البدري كتب:

شكرا على النصيحة

اخي عبدالقادر انت مقدم ع معهد كولشستر ولاه لا

Abu Mohamed كتب:

[color=#cc0000][b]من فترة بالصدفة أحد زملائي من الليبيين في الجامعة كان يحكيلي عن معهد مشكور جدا في كولشستر لدرجة أنه أصبح يجيب في قبولات منه للطلبة الجدد ولما سألته عن اسم المعهد طلع نفس المعهد اللي تحكي عليه الخت وهو CESC مع العلم أن أكثر من طالب آخر شكره وأيضا لو تشوف الصنيف هذا م
#59297

بارك الله فيك خويا ايو محمد كفيت وفيت ف موضوع كولشستر