معنديش معلومه لكن الافضل اتكون مصدقة والتصديقات ما تاخدش وقت وخصوصا الخبرة القضائية والخارجية يعني يقدر الواحد ايتمهم في يوم واحد وبالنسبه للنسخة الانجليزية لازم اتكون مختومه من الخبرة القضائية قبل الخارجية وشخصيا صدقت من الجودة في الجامعة وقعدت يومين النسختين العربية والانجليزيه وبعدها مشيت صدقت عند الخبرة القضائية وهما جنب فندق الودان وهادو ساعة فقط واتكون الاوراق مختومه وبعدها مشيت للخارجية وتحديدا مكتب التصديقات وحتى هما ممكن اوقات اتكون زحمة لكن احسن شي انك تستلم اوراقك فورا وتوقيتهم من 8:30 الى 12:00
السلام عليكم يسرني ان اقدم شيئا من خبرتي نعم ..ختم القضائية والسفارة ضروري فقط للشهادات العربية المترجمة للانجليزية ولكن الجامعات التي تعطي ايفادات..بالانجليزية لا داعي للختم من القضائبية وانما من الخارجية فقط
_______________________________
ألا كل شيء ما خلا الله باطلٌ ...... وكل نعيمٍ سوى نعيمِ الجنةِ زائلٌ
If you think education is expensive ... try ignorance
بارك الله .. في كل من مد يـــــد العون .. وساهم بكلمــــــة .. لينير بها .. دروب غيـــــره ...
لا يسعني أن أقول سوى ما قاله من قبلي .. فختـــم الخارجية ضروري .. للمستندات المطلـــــوبة .. سواء كانت كشف درجات أو إفادة .. أما بالنسبة للقضائية فهي كما قالت الأخت الأصيلة .. فقط تصديقها يكون على الترجمـــــة .. وأتذكر إنها بدون مقابل مالي .. ولا تستغرق أكثر من يوم ... أما بالنسبة لمكتب التصديق .. للخارجية فمكانه في النوفليين بطرابلس بالقرب من مدرسة الحسن بن الهيثم .. وأتذكر إن الرسوم 5 دينار على كل مستند ... هذا على حسب علمي .. ولا أدري ربما الأمور تغيرت .. ولكن حاولت كتابة .. ماعندي ..
السلام عليكم اولا بالنسبة للخبرة القضائية وهما جنب فندق الودان وهو فندق معروف مقابل شركة الزوتينة للنفط وهادو ساعة فقط واتكون الاوراق مختومه وبدون مقابل وبالنسبة للخارجية وتحديدا مكتب التصديقات وهذا مكانه كان فعلا في النوفليين لكن الان تغير لان اني اليوم بس صدقت فيه يعني بتاريخ 5\2\2013\وهو في طريق الشط بجانب وزارة الخارجيه والي ما يعرفش المكان بالتحديد فيه زوز اعلام ضخمة في طرق الشط هما اضخم علمين المكان جمبهم بالزبط يعني الي وصل للاعلام وصل لمكتب التصديقات وحتى هما ممكن اوقات اتكون زحمة لكن احسن شي انك تستلم اوراقك فورا وتوقيتهم من 8:30 الى 12:00 لان الخزينة اتسكر الساعة 12:00 وكل ورقه ب 5 دينار يعني الافادة عربي وانجليزي تعتبر ورقه وحدة وكشف الدرجات كامل عربي وانجليزي يعتبر ورقه وحدة حتى ولو كان فيه 5 ورقات او اكتر
السلام عليكم خوي amro_mat التصديقات اللي نحكو عليها هي مهمة بعد السفر بعني تطلبها عليك الجامعة الي بتقرا فيها الماستر او الدكتوراة وبالنسبة للتاشيرة شخصيا طلعتلي التأشيرة وعطيتهم صورة من كشف الدرجات وافادة التخرج ومش مصدقة لا من الجودة ولا من الخارجية
ختم الخارجية
