الأوراق المطلوبة في السفارة الكندية:

1- إفادة تخرج وكشف درجات عربي وانجليزي أصل وصورة (الأصل للتأكد من الصورة ويبقى الأصل عندك).
2- شهادة من المجلس العسكري أو أي سرية بحسن السيرة والسلوك وعدم التحفظ.
3- صورة من جواز السفر عربي وانجليزي (والتجديدة إن وجدت).
4- رسالة دعم التأشيرة من إدارة البعثات.
5- رسالة الفاكس للمكتب الكندي أو رسالة دعم التأشيرة من المكتب الكندي.
6- تعبئة النماذج الموجودة في موقع السفارة وهي حسب الحالة الاجتماعية(تعبأ النماذج بالكمبيوتر ثم سسحبها ثم التوقيع) .
7- صور شخصية عدد 4 تقريبا.
8- رسالة من جهة العمل بعدم الممانعة من إخلاء طرف.
9- CV .
10- رسوم تقديم الطلب تقريبا 125 د.ل .

الوضع العائلي

السلام عليكم اخواتى الكرام
كم مقاس صور شخصية ؟ وخلفيتها

بالنسبة للصورة صور حجم صغير لاكن انت قول للمصور نبيها لغرض السفارة تة يعمل تقريب لصورتك شوي وبالتوفيق

lالسلام عليكم اخوتي ....
معليش شهادة الميلاد مترجمة هادي ماقالوش عليها هيا والسيرة الداتية ..؟؟؟
هل من الاهمية ان الواحد يقدمهم؟ بما ان الموظفة ماجابتش سيرتهم بكل في السفارة؟؟

للتصحيح اعلاه وهو ان المطلوب عدد 2 صور شخصية فقط

بالنسبة للصور ياخوي ...اسحب من الموقع امتاع السفارة مواصفاتهم الخلفية بيضاء و35 * 45 سم والافضل انك ترفع معاك ورقة المواصفات للمصور لان معضمهم حايقولولك زي الصورة عادية لان ماعندهمش فكرة ..... والله اعلم

zaynabbub كتب:

lالسلام عليكم اخوتي ....
معليش شهادة الميلاد مترجمة هادي ماقالوش عليها هيا والسيرة الداتية ..؟؟؟
هل من الاهمية ان الواحد يقدمهم؟ بما ان الموظفة ماجابتش سيرتهم بكل في السفارة؟؟

بالنسبة للسيرة الذاتية أنا شخصيا ما طلبوهاش مني ونعرف موفدين تانين ما طلبوهاش منهم
بالنسبة لشهادة الميلاد من خلال معلوماتي من الموفدين اللي قبلي أنها مطلوبة في السفارة بس للأطفال دوم سن الدراسة زيدي تأكدي منها
والله أعلم
بالتوفيق

تمام .......باهي عفوا سوال الله يبارك فيكم بعد كم يوم تطلع الفيزا ... وشكرا

قالولي 3 شهور جلطوني بيها امس لكن فيه شباب نعرفهم خدوها في شهرين وفيه اللي اقل من شهرين ان شاء الله ربي ييسر لنا ولكم ويسهل علينا وعليكم آممممييييييين