تمديد الدرجة للطلبة الموفدين أوائل

الطلبة اللي موفدين لأنهم أوائل مش معيدين ولا أعضاء هيئة تدريس في الجامعة ايش يسير فيهم في تمديد الدرجة بعد ماكملو الماجستير وبتفوق وقدمو على تمديد الدرجة ليش مايمددلهمش. يعني مافيش قرار يشملهم؟

هوا يا اختي المفروض يمددولهم بدون شروط معقدة
ويكفيهم تميزهم في الجامعة فليش ما يخلوش الطالب يكمل للدكتوراه

وهذا الكلام حتى للبقية
ليش اصلا يرجع للبلاد ويقفل ملفقه بعدين ايفاد من جديد !!!
خليه يكمل على طول

هو سمعت ان الموضوع هذا مستقبلا ممكن يصير
بس حاليا اعتقد ماشي بالنظام السابق

كان يبو البلاد تمشي لازم التعليم يتطور
ويخلو الناس تكمل قراياتها

ويكون في ضبط في الجامعات حتى يكون الجامعات المعتمده عند الوزارة كويسه
ويطلع المستوى من المتخرجين كويس

وبالتوفيق

شكرا أخي على الرد وفعلا الليبيين هذوم معقدييييين.

توا صدر تفسير قـــانوني بــأن أحقيـــة الضم للجميع ،،، الأوائل ، المعيدين ، الموفدون من الجـامعـات ،،، بالتوفيق ،،، والتفسير موجود في منتدى الموفد

بارك الله فيك بس وين نلقى محتوى التفسير يالضبط

amany amany كتب:

بارك الله فيك بس وين نلقى محتوى التفسير يالضبط

تو نبعته ليك بعون الله أو مـا نلقـاه

بس فيه نقطة وهي إني أنا موفدة أصلا مش من طلبة الضم موفدة لدراسة الماجستير لاني اوائل بس مش معيدة في الجامعة يعني متعينة في التعليم .

amany amany كتب:

بس فيه نقطة وهي إني أنا موفدة أصلا مش من طلبة الضم موفدة لدراسة الماجستير لاني اوائل بس مش معيدة في الجامعة يعني متعينة في التعليم .

الأوائل تقريبـا كنت نحسـاب أنهم معينينهم في الجـامعـات ،، هوا المهم أي موفد يسري عليه هدا ،،
وهدا التفسير ليس خاص بطلبة الضم ،،، وانمـــا بجميع الطلبة فبـالأولى ان يكون من حق الأوائل ،،،

أســأل الله لك التوفيق ،،، بس قدمي ع التمديد ومـا تخافي ،، حتى لو الملحقيـة قالولك لا ،،، قوليلهم البعتات قالولي قدمي واعطيهم المسند هــدا ،،،