الاوراق الرسمية المطلوبة للتاشيرة الكندية

عفوا اخوتي امس قدمت ع التاشيرة الكندية وبالنسبة لشهادة الميلاد والوضع العائلي والسيرة الداتية وشهادة الاجازة للمرافق وشهادة المرتب للموفد هادوا كلهم .....مش مطلوبات ....وبالنسبة للصور عددهم اتنين ...
وبالنسبة للرسوم اي حد طالب تاشيرة دراسة حتي الصغار اللي يقروا يدفع 155 د وبالنسبة للفيزا المؤقتة زي الصغار اللي مايقروش يدفعوا 95 د ...
بالنسبة للنمودج study permit اللي هوا 1294 هادا يعبيه الموفد والمرافق كان يبي يقرا والصغار اللي بيقروا
بالنسبة للنمودج temporary visa هادا يعبيه الشخص اللي مايبيش يقرا بس ...يعني المرافق كان مايبيش يقرا او الصغار اللي مايقروش واللي عبا النمودج امتاع الدراسة مايعبيش النمودج هادا
بالنسبة لنمودج family information هادا يعبيه كل افراد العائلة حتي اللي عمره سنة...
بالنسبة لنمودج schedule 1 هادا ردهولي الموظف وقالي انه مش مهم...
بالنسبة لنمودج 5594 هادا يعبيه الموفد والمرافق واي حد فوق سن الثامنة عشر..
كل الاوراق لازم تكون اصلية ماعدا الشهادات صورة...الاوراق زي شهادة البراءة _ افادة من مكان العمل للموفد والمرافق _ ورسالة دعم التاشيرة من البعثات وهادي من غيرها مايصير شئ كان جبتوا الصورة لااازم الاصلية_ وصور من جوازات السفر للكل _ اخلاء طرف للموفد _ افادة دراسية للصغار اللي يقروا_ وشهادات التخرج للموفد وللمرافق كان مقدم ع تاشيرة الدراسة ...وطبعا كل الاوراق تكون مترجمة ومش شرط الخارجية تكون مصدقة عليهم .....هادا كل شئ وان شاء الله مانسيت شئ .... ان شاء الله انكون وضحت بعض النقاط اللي في نظري مهمة واللي في نظر البعض عادية ...لاني والله كنت دايخة ومتلخبطة قبل مانقدم وكل مرة نسمع بورقة جديدة....اللهم اني بلغت

بارك الله اختى كريمة وجزاك الله خيرا
كيف احصل على اخلاء طرف هل مترجم ؟
هل رسالة دعم من مكتب الكندى مطلوب

خوي امساعد بالنسبة لاخلاء الطرف من المكان اللي تخدم فيه تمشي للشئون الادارية وتطلبها منهم ويعطوهالك في نفس الوقت والترجمة هادي كل الاوراق اللي بتقدمهم يكونوا امترجمات لازم وياخد الا في النسخة الاصلية مش صورة ....وبالنسبة للرسالة من المكتب الكندي ماكانش عندي فكرة عليها في الاول طلبها مني قتله مانعرفهاش ....قالي جيبيها معاك لما تكملي بعدين الكشف الطبي وبعدين استادنا شوية دخل وطلع قالي مش لازم اتجيبيها لان المكتب الكندي لقيتهم باعتين اسمك عل الايميل امتاعنا ..وقالي ان لازم نسعي انحصلها عن طريق تعبئة نمودج باعتينهولي عل الايميل امتاعي...المهم انها مطلوبة بعدين لما اتسافر ...وتوا بادية انعبي في النمادج اللي باعتينهالي عل الايميل هادا كل شئ للامانة واي سؤال خوي اتفضل

شنو النماذج لى بعثوها لك قصدك نموذج الابليكشن موجود فى موقع مكتب الكندى ؟
شنو مقاس صور الشخصية

بعتولي اولا يباركولي وبعدين مجموعة من الاسئلة نجاوبها وبعدين ابليكشن بعنوان nominated student وبالنسبة لمقاسات الصور مقاس للصورة لابد ان يكون عرض 35 مم وطول 45 مم على ان يكون الوجه في منتصف الصورة مع تضمين أعلى الكتفين.
•مقاس الرأس من الذقن الى أعلى الراس لأبد ان يكون من 31 مم الى 36 مم.

انت ياخوي لما قدمت عل رسالة الدعم المالي للتاشيرة يعطولك نسخة ونسخة تقعد عنهم يراسلوا المكتب الكندي ....المكتب الكندي تلقاه باعتلك رسالة يباركلك عل الايفاد ويطلب منك اللي قتلك عليه

http://www.vfs-canada.co.in/photospecifications.html
هادا رابط الصور من الافضل انك تسحبه وترفعه معاك للمصور زي مادرت اني.....
بالتوفيق

جازاك الله خيراَ أختي الفاضلة علي هذا الإضاح.. أنا بنقدم علي التأشيرة الأسبوع القادم وإستفدت كثيراً من شرحك.. بس عندي سؤال إذا سمحتي.. حضرتك قلتي (بالنسبة لنمودج 5594 هادا يعبيه الموفد والمرافق واي حد فوق سن الثامنة عشر..) .. النموذج اللي نعرفه رقمه 5549 ويعبيه الموفد بس .. أما المرافق اللي مايبيش يقرا يعبي نموذج( IMM5257B_schedule 1 ).. فهل هذا صحيح؟؟

مرحبا خوي بالنسبة للنمودج 5549 سامحني كان خطأ في الترتيب هادا عبيته اني وزوجي اللي قدم حتي هوا عل تاشيرة دراسة .....بالنسبة للمرافق اللي مايبيش يقرا يقدم عل نمودج temporary visa وبالنسبة ليا اني عبيت اني وزوجي schedule 1 ...والموظف رجعهملي وقالي مش مهمات ....انت عبيهم للاحتياط وارفعهم معاك ماخاسر شئ لكن خوي هادا اللي صارلي..

ولزيادة التوضيح كاتبين في الشرح ...ان ال schedule 1 يعبيه الشخص اللي جاوب الاسئلة من 3 الي 7 في النمودج 5257 ....والاسئلة هادي تقول ادا كنت مقدم عل التاشيرة قبل او رفضولك التاشيرة قبل لو جاوبت بنعم تمشي تعبي 5257 schedule 1 وان شاء الله خوي انكون ساعدتك شوية وتفضل اي سؤال

بارك الله فيك وجزاك الله خيرا موفقة ان شاء الله تعالى وجميع

بالله سؤال

شنو تقصدي باخلاء الطرف؟

هل رسالة من العمل تفيد انك موظفة لديهم

بالله سؤال بخصوص 5549 السؤال الخامس , جاوبت نو ؟ باهي فسرت علاش.

اخلاء طرف وتفرغ للدراسة خلال مدة الايفاد انتي غير قوليلهم اخلاء طرف وهما يعرفوا لانه من حقك ....ولا مافسرتش علاش خليتها فاضية

يا أخ Joy Libya .. بالنسبة ليا أنا فسرت بأن كتبت( الحكومة الليبية السابقة لم تدعني للخدمة العسكرية .. وأنا لم أتطوع).

انا قدمت على التاشيرة و نفس الكلام صارلي زي السيدة زينب .... بس ما فيش اخلاء طرف فقط رسالة من العمل

السلام عليكم اختى Joy Libya انا نبى نقدم ع الدراسه فى كندا ممكن نحكى معاك ع الخاص كان ما فيش مشكله حابه نسفسر منك على الأجراءات وكان عندك اى مانع عادى مش مشكله نحكو هنا فى ردود الموضوع