اذا لم نطالب بحقوققنا فمن سوف يأخها؟

نعم اذا لم نطالب بحقوقنا فلن يأخذ لنا احد من الناس، لابد من الذهاب الى مكتب البعثات والسؤال عن القرارات التي سوف تصدر ومتى ولا يكون الانسان ينتظر الاحداث بل لابد أن يصنعها فلو كنت اعيش في طرابلس لكنت مثل ظل الدكتور طاهر بن طاهر لا اتركه حتى يقول لي بالحرف الواحد ان القرار سوف يصدر يوم كذا واراقب ذلك اليوم واذا لم يحدث مثل ما قال ارجع اليه واقول له انت قلت ولم يحدث
كونوا جديين وكونوا على قدر الحدث الوقت يضيع ونحن لازلنا معيدين في الجامعة والوقت يمر الى متى هذا الوضع لابد من تغيير جذري لابد من ذهابكم يوم الاثنين غداّ وسؤال الدكتور طاهر بن طاهر عن القرار...

المعيد من حقه يطلع يدرس طبعا..ولا يمكث في الجامعة سوى سنة واحدة فقط لأنه ليس موظف..وأزمة وتنفرج ان شاء الله

معتز خطاب كتب:

فلو كنت اعيش في طرابلس لكنت

انا دائماً اقول نفس الكلام بحكم اني من بنغازي

لكن بصراحة معتز الأخوة و الأخوات في طرابلس و ما حولها مش حاسين باضهاد المركزية للشرق و الجنوب (و الله يكون في عون الجنوب حتى همّا) و اللي يده في المية مش زي اللي يده في النار

و الله شي يضحك و يبكي في نفس الوقت 
يا اخي العبد لله لما مشيت لطرابلس و و الله ما كانت مشيتي للبعثات اصلاً لكني درت اعلان في "الموفد" قبلها بكم يوم و قلت اني ماشي للبعثات و اللي عنده استفسار يتفضل

انا لا أمّن و الله لكني احببت اعطي مثال يدعم كلامي اللي فوق فانا عرضت المساعدة لاني حاسس بمعاناة المناطق البعيدة و المركزية (الا لعنة الله عليها)

حسبنا الله سيؤتينا الله من فضله 

Inception كتب:

معتز خطاب كتب:

فلو كنت اعيش في طرابلس لكنت

انا دائماً اقول نفس الكلام بحكم اني من بنغازي

لكن بصراحة معتز الأخوة و الأخوات في طرابلس و ما حولها مش حاسين باضهاد المركزية للشرق و الجنوب (و الله يكون في عون الجنوب حتى همّا) و اللي يده في المية مش زي اللي يده في النار

و الله شي يضحك و يبكي في نفس الوقت 
يا اخي العبد لله لما مشيت لطرابلس و و الله ما كانت مشيتي للبعثات اصلاً لكني درت اعلان في "الموفد" قبلها بكم يوم و قلت اني ماشي للبعثات و اللي عنده استفسار يتفضل

انا لا أمّن و الله لكني احببت اعطي مثال يدعم كلامي اللي فوق فانا عرضت المساعدة لاني حاسس بمعاناة المناطق البعيدة و المركزية (الا لعنة الله عليها)

حسبنا الله سيؤتينا الله من فضله 

يعني لو البعتات عندك في بنغازي كنت وقعت القرار ولا شنو

كلنا ننتظر في هالقرار علي احر من الجمر كل الليبيين مش انتم بس

والكل عارفين ان البعتات كل يوم يعطوا في معلومة بشكل مختلف عن اليوم اللي قبله وديما وهما في هالاسبوعين

بالله فكونا من قصة التهميش والمركزية

السلام عليكم
اخوتي في شرق ليبيا العظيم يا من تعانون من التهميش والاقصاء وعدم الحصول على حقوقكم فنحن اهل الغرب كل شاب يفكر ان يدرس في الخارج يدهب اليوم للبعتات وغدا يتحصل على التذاكر والتفويض وكل شئ ويسافر فورا والاعداد بالاف ........... بالله عليكم ياسر من قصة التهميش نحن نعاني منها اكثر منكم وحتي لو كانت البعثات في الشرق فلن تستطيعوا فعل شئ مادام على هرمهم شخص يعد الف وعد ولا يفي .... اريد ان اضيف كلنا يعاني فانا انتظر قرار الايفاد من 2005 وعندما يئست اكملت الماجستير على حسابي ويعلم حجم الالتزامات المالية التي تحملتها والديون التي كبلتني فترة من الزمن والان ها انا عضو هيئة تدريس وانتظر في القرار من 2010 وفي القرار السابق قالوا سقط سهوا علما ان شروط الايفاد جميعها تنطبق عليا وها انا انتظر ونصيبك بتاخدا ولكن ان استمر الكلام عن التهميش والاقصاء فنحن اهل بعض المناطق الغربية سنطالب بحقوقنا وسندعوا الي الفدرالية ايضا فهل تعلم اني اعيش في مدينة لايوجد فيها اقل مقومات المدينة لا بنية تحتية ولا مياه ولا ولا وسكان هذه المدينة تجاوزا 150 الف ابعد هذا التهميش شئ ...... ادعوا لليبيا بالامن والامان ووحدة الصف واتركوا شماعة التهميش فنحن في الهوا سوا واسف على الاطالة

مشيت اليوم للبعثات وما فيش نتيجة زي العادة وزي ما هو متوقع ....بعد ما قالولنا من أكثر من أسبوع ان القرار جاهز وبيتحول للوزارة اليوم نرجعوا خطوتين للوراء وقال لي موظف القرار (شبه جاهز) ولو ماصدرش في شهر 2 ما يفوتش نص شهر 3 ... هذا اللي صار معاي اليوم
ملاحظة: فيه موظف في قسم التنفيذ قالي حولناه للوزارة والموضوع عند الوزير
وتوا اللي فهم شن صائر فالقرار يفهمني لان البعثات تمشي كل يوم وما تفهم شئ .

اتقوا الله..
أستغفروا الله

السلام عليكم و رحمة الله و بركاته
أخوتي كل في كلامه شيء من الصحة و فهم غيره فهما خاطيئا
فلا يعني أن ليبيا جسد واحد تبقى المصالح الحكومية متمركزة في طرابلس و من يريد ورقة يضطر لقطع 700 كيلو أو 1000 فلو استعملت التقنية الحديثة و ربطت جميع مدن ليبيا بمنظومة تيسر لكل من يريد شيء يجده في مكان سكناه أو تكون هناك فروغ تقدم خدمات للمواطنين فهنا تتحقق العدالة و لا يطالب أحد بالفدرالية لأن حقوقه ظمنت له
و لا يدعوا دعاة الفدرالية محبة لها بل هم مكرهون و لو ذللت لهم الصعاب لما نادوا بها
هذه وجهة و اختلاف الرأي لا يفسد للود قضية

Inception كتب:

للاسف (green card holder) و (محمود عامر) انتو زي ما يقول المثل الليبي "خاش ع القصعة بلا كشيك"

يا احبابي انا نحكي في موضوع و انتو في موضوع ثاني تماماً

انا نتكلم على الذهاب الى البعثات للاستفسار نيابة عن الاعضاء من المناطق البعيدة و توفيراً للجهد و الوقت و المال بحكم انهم من طرابلس
شنو كلامي غامض صعب انه ينفهم؟!!

و اقول نعم لو لم تكن مركزية و كل مواطن يتم اجراءاته في مكانه لما كان هضا حالنا

و على كل حال اذا كان طاري التهميش مضايقكم (مع انه مش موضوعي اساسا) فشوفوا موضوع ثاني و فشوا غلكم فيه انا اللي في مكفيني

شكرا لحسن اسلوبك اولكن تاكدي ياعزيزي اننا نفهم ولو جزء بسيط من علمك الواسع

شكرا لك مجددا

المطالبه بلامركزيه ليست شماعه بالله عليك
وسئلتك بالله لما اتكون من سكان طرابلس او ضواحيها كم اتكلفك وقت ومال الذهاب للبعثات لااستفسار عن معامله اواستلام ورقه
وكم تكلف موفد من درنه ولاطبرق او البيضاء او بنغازي او سبها او اباري
نحنى وهلنا جربنا قهر 42 سنه ومرات المعامله والاجراءات نتنازل عنها رغم حقنا فيها واننا كفؤ لها بسبب عدم تمكنا من متابعتها لانها متمركزه في طرابلس وزيد علي ذلك سنتين بعد التحرير متغير شئ بالعكس اللامركزيه ثمارها يجنيها الجميع
فياريت تقدير مشاعر الموفدين من بعيد وعدم الاستهزاء بمعناتهم ..............
فالعيب معروف ليس في اهلنا في الغرب ولا في العاصمه ولكن العيب في النظام الااداري الركيك الضالم السقيم

ان شاء الله ربي يعطي كل واحد علي قصاد نيته

مرحباً بنظام المحفاظات وتسسسسسسسسسسسسسسسسسقط المركزيه

Green_ Card_Holder كتب:

ان شاء الله ربي يعطي كل واحد علي قصاد نيته

امين