بالله عليكم لا تبخلو بالمساعدة و ابداء النصيحة.........!!

السلام عليكم و رحمة الله...
شباب انا واقع في مشكلة و ارجو مساعدتي الا وهي انه عندي قرار ايفاد اوائل رقم 392 و انا حاليا موفد للخارج و لكن على حساب جهة خاصة و ليس الدوله وقراري مازال مانفذته و كنت مخطط اني ان شاء الله بعد انهاء دراستي نقوم بتنفيذ قراري للدكتوراه بعون الله و لكن القرار الاخير لطاهر بن طاهر بخصوص تنفيذ قرار الايفاد في زمن اقصاه سنة من صدوره لخبطلي جدولي نهائيا و سببلي مشكلة كبيرة حتى في الدراسة بالله شباب الانسان عنده طموح و معاش عرف شن يدير يوقف دراسته و يشتت روحة و يعاود لدوامة البعثات و تنفيذ قراره و يخرب على روحه الدراسه الحالية و الا شن يدير بالله ماتبخلوش بالنصيحة........كل الي نبيه المساعدة بالكلمه لانه و الله ظلم الانسان يضيع على روحه قرار ايفاد هوا من حقة و في نفس الوقت حرام بعد سافر و بدا الدراسة يوقفها....!!!...الخلاصة اني حاليا محتار مابين الاستمرار في دراستي الحالية على حساب الجهة الخاصة و ترك قراري مجمد على امل الا يتم الغائه حتى بعد مرور عام عليه..و مابين ان اقطع دراستي الحالية و ارجع الي ليبيا لتنفيذ قراري خوفا من ان احرم منه......اعود و اقول لكل من يشارك و لو بالكلمه الطيبة جعلها الله في ميزان حسناتك...

نصيحتي ياخوي لوكان قريب تكمل دراستك حرام توقف وتنقطع على الدراسة وبعدها ترجع لدوامة البعثات وما أدراك مالبعثات ونفخهم الى إذا كنت كيف بادي في الدراسه حرام تضيع فرصة الإفاد على حساب الدولة هذا رأي الخاص والله الموفق................

السلام عليكم اخي الكريم ممكن اتفعل قرارك بتفويض حد من ليبيا يقدملك علي دعم مالي لغرض القبول وكذلك دعم مالي لغرض التأشيره صلاحيتها 6 شهور وبذلك تحفظ حقك في الايفاد لفتره وهذا يعتمد علي دراستك الحاليه وبصراحه انت بادي الدراسه وقاعد في بلد الدراسه ورتبت امورك لكن القرار392 مازال على الورق توكل علي الله و خليك في المضمون ياخوي افضل

السلام عليكم
نصيحتي ليك
اذا كان قريب تكمل دراستك ننصحك ماتوقفهاش كملها
اما اذا كنت كيف بادي نصيحتي لك انك تفعال قرار الايفاد
او فيه اقتراح ثاني اذا كنت في منتصف المدة ان كان عندك حد تعبى عليه يكملك اجراءاتك في ليبيا الى ان يوصل بيك للتأشيره تقدم فيها انت وترجع لدراستك
قصدي تقدر تضرب عصفورين بحجر واحد
اسمع وفي الاخر بكل اي قرار تبي تأخذه استخير الله فيه وتوكل ومش راح تندم عليه بإذن الله واللي كاتبه ربي ليك ح تاخذه بإذن الله انت بس خوذ بالاسباب

يا أخي أنت كم ليك بادي الدراسة؟

الف شكر على روح المساعدة الي شفناها من الاعضاء و الرغبه في في اعطاء النصيحة....اولا انا كيف بادي دراسة اللغة مالياش شهرين....و الامر الي خلاني فعلا نحتار في اتخاذ القرار هوا انه ميزات ايفاد الدوله افضل من ناحية المدة و المنحة الدراسية رغم مشقة الاجراءات......حقا و الله احترت الواحد خايف يقدم على شي و بعدين لاقدر الله يلقى روحة لا جاء من هكي و لا هكي.....و في نفس الوقت نخاف نمشي في الدراسة بالميزات المحدودة الي عندي من منحة شحيحة و غيرها ...يضيع عليا الايفاد الي من حقي و الي هوا ايفاد الاوائل ...صح هوا كل شي بالاستخارة لربي ان شاء الله....بس قلت اكيد حنلقى ناس مارة بتجارب مشابهة او ناس عندها خبره مسبقة بهكذا مواضيع .....و ماخاب من استشار....بانتظار باقي الردود

يا أخي أنت قلت أنك كيف بادي لغة ... يعني مازال الدراسة الأكادميه؟

أخي لو أنا في مكانك ...أنحاول انوكل شخص أيفعلي قراري ويباشر أجرأت الأيفاد ...وفي نفس الوقت ان نستمر في دراتي عادب... لو لحقت وكملت الدراسة وبعدين بدأت الأيفاد .. اللهم ما بارك ... وكنهذا نصيحتي يا أخي لا أضيع ايفادك لأن والله هنا البعثات متسبلين يستنوا في غلطه ... رد بالك يا خوي قرار الأيفاد أهم.



وربي يوفقك ويسخرلك الي فيه الخير

بارك الله فيكم و لكن كيف اوكل شخص...هل يكون توكيل رسمي او عادي اي شخص ممكن ان يقوم بالاجراءات....و متى يكون القرار مفعل رسميا هل بمجرد الحصول على ورقة الدعم المالي او يجب الدخول في دوامة التفويض..؟؟؟

السلام عليكم خوي اعتقد ان الحل ساهل وواضح بالاعتماد علي الوضع والبيانات اللي انت قدمتها
تستمر في الدراسة وفي نفس الوقت تبدا في اجراءات الايفاد لانه عل الاقل بياخد اكتر من سبعة شهور ويكون لنفس البلد اللي انت فيه ولما يبدا التنفيد تقدر تبرمج امورك مع الجامعة اللي تقرا فيها وتلقا امورك سالكة ان شاء الله واللي قريته مايضيعش والايفاد مايريحش ... التفعيل قصدك الصرف ...يكون اول مايطلعلك التفويض وتجي امسافر للبلد اللي انت اخترته يعني الاجراءات اتطول شوية وبعدين مش محتاجة تكليف اعتقد هيا اوراق وتعبيها تلقاها في المكان اللي تشتغل فيه يعني يقدروا يبعتوهالك عل الايميل وبعدين حد من الاصدقاء او العائلة يتواصل معاك بس...
وان شاء الله موفق

السلام عليكم
اخي smart guy
القرار يعتبر متفعل لما توصل للتفويض وقبلها مايعتبرش متفعل
وانا من رايي انك تستمر في دراستك وفي نفس الوقت تبدا في اتمام اجراءات الايفاد بأن توكل حد من اهلك او اصدقائك يقدملك علي دعم مالي لغرض القبول وتجيب قبول وبعدها دعم مالي لغرض التأشيرة وتجي انت للتقديم للتأشيرة وبعدها اللي توكله هو اللي ايكملك الاجراءات لغاية الحصول عالتفويض المالي بعدها عندك احد خيارين اما تجمد القرار للمدة المسموح لك بها او تنفذه في حالة انك لقيت مزايا الايفاد افضل ليك ..
وجهة نظري الخاصة وبصراحة لو كنت في مكانك هكي نتصرف
وربي يوفقك وايانا