السلام عليكم ورحمة الله جميعاً ...
هذه تجربة شخصية حدثت معي ،،،
العبد لله درت إجراءاتي على بريطانيا ،،، عندما قدمت نماذج التذاكر مع ملف التفويض كنت قد كتبت مسار الرحلة طرابلس - أدنبرة ( وهي تبعد على لندن ساعة وربع طيران ، وبالقطار أربع ساعات ونصف تقريباً) ، ولما صدرت التذاكر ومشيت بنستلمهم من الوكالة قالوا لي أنهم بعثوهم للبعثات لأني عطلت في استلامهم ، المهم لما مشيت للبعثات لقيت التذاكر صادرة طرابلس - لندن على الخطوط الأفريقية ، ولما مشيت للمدعو خليل في إدارة البعثات وهو المسئول عن التذاكر وقتله أن التذاكر صادرة إلى لندن وآني طلبت أدنبرة في النماذج ، طبعاً المدعو خليل بكل برودة دم قاللي وشن المشكلة ، قتله حسب اللائحة أن الوكالة تعطيني الخط اللي طلبته في النماذج ، قاللي أكيد أنك كتبت طرابلس لندن في النماذج ، وأصر على ذلك ، بل كان متأكد من ذلك ، ورفض بأن يطلع لي النماذج متعي ويتأكد منهم ، طبعا آني متأكد من أني كتبت خط طرابلس - أدنيرة ، لكنه لم يصدقني ، آخر حاجة قاللي بكل سذاجة (حاشاكم) الحل يا إما تقدم نماذج جديدة وانتظر (يعني شهرين على الأقل) ، وإما ترجع للوكالة وشوف كم يكلف التغيير وادفعه باش يغيرولك ، يعتي حاجة لا تصدق اسلوب هذا الإنسان ، شخص غير مبال نهائياً .
عموماً ،،، خذيت تذاكري وطلعت من البعثات ومشيت للوكالة ، جلست أمام الموظف وحكيت له نفس القصة أن خط السير في النماذج متعي هو طرابلس - أدنبرة ، وأن التذاكر صادرة طرابلس - لندن ، قاللي خوذ رحلة دخلية من لندن أو خوذ القطار ، وآني عندي عائلة وصغار ومش من السهل الوصول بهم أدنبرة مع المسافة البعيدة والشنط والوزن ، وقتله يفترض على الوكالة تحجز على الخط اللي موجود في نماذج الموفد ، قاللي تو نتأكد من نماذجك ، مشي دخل لمكتب داخل الوكالة وطلع النماذج الخاصة بتفويضنا ولقي النماذج متعي فعلاً مكتوب فيها خط السير طرابلس - أدنبرة ، المهم أصريت على التغيير ،،، مشي الموظف أبقى على رحلة الأفريقية طرابلس - لندن ، وحجز لي تذاكر أخرى رحلة داخلية لندن - أدنبرة على البريطانية، وقاللي آهو غيرت لك الحجز زي ما تبي ،،، قتله مازال مش زي ما نبي ، يعني هذا الحجز عبارة عن تذكرتين على شركتي طيران مختلفتين ، يعني لما نوصل لندن بنختم الجوازات وبناخذ الحقائب كلها وبنطلع للصالة الخارجية ، ولما يجي موعد الرحلة الثانية بنوقف في الطابور بالصغار وبندير check-in مرة ثانية ، وخوتك الآنجليز عاد مش هوينين في الوزن ، طبعاً الانتظار بين الرحلتين كان 10 ساعات . وآني عندي عائلة وأطفال وهذا متعب جدا جداً ، يعني مش زي ما تحط الشنط في مطار طرابلس وتستلمها في أدنبرة في حالة كونها تذكرة واحدة ،،، المهم بعد نقاش مع الموظف أصريت على إصدار التذاكر زي ما مكتوب في نماذج التفويض قاللي أعطيني رقم نقالك وتو نشوف الموضوع ونتصل بيك ،،، المهم خرجت وبعد أقل من عشر دقائق اتصل بي ذلك الموظف وقالي هل جوازك وجوازات عائلتك معاك ، وبالصدفة كانت الجوازات معي ، قتله نعم ، قاللي لو مازلت قريب أرجع للوكالة ، رجعت للوكالة ، طلب الموظف مني الجوازات ودخل إلى مكتب داخل الوكالة ، وبعد حوالي 20 دقيقة رجع لي الموظف وقد غير الحجز واصدر لي ولأسرتي تذاكر جديدة على الخطوط البريطانية خط طرابلس - أدنيرة عير لندن ترانزيت ساعتين ونصف نقريبا .
ملاحظة فقط ، أن الموظف اللي في الوكالة كان محترم جداً و أسلوب حواره وتعامله معي كان راقياً جداً ...
وجهة نظر فقط ،،، الأخوة المقيمين في المنطقة الشرقية ، لو أنهم غير مضطرين للسفر من مطار طرابلس يمكنهم اختيار وكتابة خط الرحلة في نماذج التذاكر اللي بيقدموه مع التفويض انطلاقاً من مطار بنغازي إلى الدولة اللي بيمشوا لها ، وزي ما قلت أن الوكالة ملزمة بالحجز على الخط الذي اختزته في نماذجك ، وأؤكد أن الوكالة تقدر تحجز أي رحلة انطلاقاً من بنغازي باعتبار أن الخطوط التركية والقطرية والتونسية والأردنية والمصرية تنزل في بنغازي ،،، وهذا الكلام ينطبق على الأخوة المقيمين في المنطقة الجنوبية ، يعني بإمكان الوكالة تحجز لهم لأي وجهة يختارونها في نماذجهم انطلاقاً من مطار سبها ، وخصوصا أن الخطوط التركية تنزل في مطار سبها وهي تطير لأكثر من 200 وجهة .
رحلة آمنة وموفقة للجميع !!!
هذه تجربة شخصية حدثت معي ،،،
العبد لله درت إجراءاتي على بريطانيا ،،، عندما قدمت نماذج التذاكر مع ملف التفويض كنت قد كتبت مسار الرحلة طرابلس - أدنبرة ( وهي تبعد على لندن ساعة وربع طيران ، وبالقطار أربع ساعات ونصف تقريباً) ، ولما صدرت التذاكر ومشيت بنستلمهم من الوكالة قالوا لي أنهم بعثوهم للبعثات لأني عطلت في استلامهم ، المهم لما مشيت للبعثات لقيت التذاكر صادرة طرابلس - لندن على الخطوط الأفريقية ، ولما مشيت للمدعو خليل في إدارة البعثات وهو المسئول عن التذاكر وقتله أن التذاكر صادرة إلى لندن وآني طلبت أدنبرة في النماذج ، طبعاً المدعو خليل بكل برودة دم قاللي وشن المشكلة ، قتله حسب اللائحة أن الوكالة تعطيني الخط اللي طلبته في النماذج ، قاللي أكيد أنك كتبت طرابلس لندن في النماذج ، وأصر على ذلك ، بل كان متأكد من ذلك ، ورفض بأن يطلع لي النماذج متعي ويتأكد منهم ، طبعا آني متأكد من أني كتبت خط طرابلس - أدنيرة ، لكنه لم يصدقني ، آخر حاجة قاللي بكل سذاجة (حاشاكم) الحل يا إما تقدم نماذج جديدة وانتظر (يعني شهرين على الأقل) ، وإما ترجع للوكالة وشوف كم يكلف التغيير وادفعه باش يغيرولك ، يعتي حاجة لا تصدق اسلوب هذا الإنسان ، شخص غير مبال نهائياً .
عموماً ،،، خذيت تذاكري وطلعت من البعثات ومشيت للوكالة ، جلست أمام الموظف وحكيت له نفس القصة أن خط السير في النماذج متعي هو طرابلس - أدنبرة ، وأن التذاكر صادرة طرابلس - لندن ، قاللي خوذ رحلة دخلية من لندن أو خوذ القطار ، وآني عندي عائلة وصغار ومش من السهل الوصول بهم أدنبرة مع المسافة البعيدة والشنط والوزن ، وقتله يفترض على الوكالة تحجز على الخط اللي موجود في نماذج الموفد ، قاللي تو نتأكد من نماذجك ، مشي دخل لمكتب داخل الوكالة وطلع النماذج الخاصة بتفويضنا ولقي النماذج متعي فعلاً مكتوب فيها خط السير طرابلس - أدنبرة ، المهم أصريت على التغيير ،،، مشي الموظف أبقى على رحلة الأفريقية طرابلس - لندن ، وحجز لي تذاكر أخرى رحلة داخلية لندن - أدنبرة على البريطانية، وقاللي آهو غيرت لك الحجز زي ما تبي ،،، قتله مازال مش زي ما نبي ، يعني هذا الحجز عبارة عن تذكرتين على شركتي طيران مختلفتين ، يعني لما نوصل لندن بنختم الجوازات وبناخذ الحقائب كلها وبنطلع للصالة الخارجية ، ولما يجي موعد الرحلة الثانية بنوقف في الطابور بالصغار وبندير check-in مرة ثانية ، وخوتك الآنجليز عاد مش هوينين في الوزن ، طبعاً الانتظار بين الرحلتين كان 10 ساعات . وآني عندي عائلة وأطفال وهذا متعب جدا جداً ، يعني مش زي ما تحط الشنط في مطار طرابلس وتستلمها في أدنبرة في حالة كونها تذكرة واحدة ،،، المهم بعد نقاش مع الموظف أصريت على إصدار التذاكر زي ما مكتوب في نماذج التفويض قاللي أعطيني رقم نقالك وتو نشوف الموضوع ونتصل بيك ،،، المهم خرجت وبعد أقل من عشر دقائق اتصل بي ذلك الموظف وقالي هل جوازك وجوازات عائلتك معاك ، وبالصدفة كانت الجوازات معي ، قتله نعم ، قاللي لو مازلت قريب أرجع للوكالة ، رجعت للوكالة ، طلب الموظف مني الجوازات ودخل إلى مكتب داخل الوكالة ، وبعد حوالي 20 دقيقة رجع لي الموظف وقد غير الحجز واصدر لي ولأسرتي تذاكر جديدة على الخطوط البريطانية خط طرابلس - أدنيرة عير لندن ترانزيت ساعتين ونصف نقريبا .
ملاحظة فقط ، أن الموظف اللي في الوكالة كان محترم جداً و أسلوب حواره وتعامله معي كان راقياً جداً ...
وجهة نظر فقط ،،، الأخوة المقيمين في المنطقة الشرقية ، لو أنهم غير مضطرين للسفر من مطار طرابلس يمكنهم اختيار وكتابة خط الرحلة في نماذج التذاكر اللي بيقدموه مع التفويض انطلاقاً من مطار بنغازي إلى الدولة اللي بيمشوا لها ، وزي ما قلت أن الوكالة ملزمة بالحجز على الخط الذي اختزته في نماذجك ، وأؤكد أن الوكالة تقدر تحجز أي رحلة انطلاقاً من بنغازي باعتبار أن الخطوط التركية والقطرية والتونسية والأردنية والمصرية تنزل في بنغازي ،،، وهذا الكلام ينطبق على الأخوة المقيمين في المنطقة الجنوبية ، يعني بإمكان الوكالة تحجز لهم لأي وجهة يختارونها في نماذجهم انطلاقاً من مطار سبها ، وخصوصا أن الخطوط التركية تنزل في مطار سبها وهي تطير لأكثر من 200 وجهة .
رحلة آمنة وموفقة للجميع !!!
حتى انا من بنغازي الى كولالمور بس مازلت مارجعت على التذاكر اخشى ان تكون الرحله من طرابلس وانا معي اطفال هل ممكن انغير وكيف الواحد يختار الخطوط المناسبه والافضل ام الوكاله هي من تحدد ذلك
حتى انا من بنغازي الى كولالمور بس مازلت مارجعت على التذاكر اخشى ان تكون الرحله من طرابلس وانا معي اطفال هل ممكن انغير وكيف الواحد يختار الخطوط المناسبه والافضل ام الوكاله هي من تحدد ذلك
موضوع مهم .. ومشكور وربي يوفقنا نغيروا اخطاءنا
