تأشيرة المولود

السلام عليكم ورحمة الله
أخوتي الكرام
أنا عندي التأشيرة الكندية وتنتهي في شهر 8 وملف التفويض جهزته كله لكن المشكلة اني ننتظر في مولود الايام الجاية ونخاف نقدم ع التفويض ويتم وتطلع التذاكر ويحددولي الرحلة قبل ما تطلع تأشيرة المولود . بالله عليكم شن اندير :
- نقدم ع التفويض خوف من التأخير لان التأشيرة قريب تنتهي
- نستنى حتى يجي المولود ونقدمله ع التأشيرة الاول
و الله حاير دبروا علي
والي قدم على تأشيرة لمولود كم خدت وقت "حتى هي اطول " وشن الاجراءات نفسها متاع الكبار ؟

انا مريت بنفس الحالة...نماذج الكشف الطبي الخاصة بابنتي بعتوهلي بعد يومين من التقديم علي التاشيرة... بس مش عارف التاشيرة كم تاخد وقت...نصيحة ليك انك اتقدمي علي التفويض من توا وبعدين اضيفي الطفل حتي من كندا لان احتمال ان التفويض يتاخر وتسقط التاشيرة...

السلام عليكم
هنا عندى نفس الحالة
اول شى درته ضفت الولد فى الجواز وقدمت على ورقة دعم مالى جديدة فيه اسمه طبعا لان السفارة تطلب فى دعم مالى اسمه فيها وقالولى وين تجهز جيبه وما تاخدش تاشيرته وقت طويل . لكن للاسف ورقة العم المالى ليها ثلاث اسابيع ومازال ما جهزتش. طبعا خدمت ليبيين
تفويضى جاهز واضافة الولد سهلة المهم تاشيرته بش نتوكل على الله ونسافر
ننصحك قدم على التفويض
.

افظل شي امسكي المولود في بطنك لأن تمشي واضفيه في كندا
وبالتوفيق

شكرا أخي الزناد واخي سويسي ع الرد والنصيحة , وشكرا أيمن

السلام عليكم انا مع نصيحة الاخ ايمن لو في وقت علي الاقل شهر ونصف او شهرين قدمي توا علي التفويض وبعدها سافري قبل ما تطلع التذاكر لو عندك امكانيه لانه ممكن تاخذ وقت وجيبيه غادي منها ياخذ الجنسيه ويسهل اجرأته اضافته غادي

بس عندي سؤال ياريت كان اتجاوبيني عليه
هل قدمتي علي التاشيره وانتي حامل؟؟
هل درتي الكشف الطبي وصوره الاشعه بذات واتني حامل؟؟؟؟

لان واقعه في مشكله كبيره بسبب الحمل مادرتش صوره الاشعه والتاشيره امقدمه عليها من 3 شهر وما طلعتش .

وانشاءالله خير

السلام عليكم
أولا للتوضيح زوجتي الحامل مش انا.
ايه عملت زوجتي الكشف الطبي كامل و صورة الاشعة وهي في السابع في مركز السلام الطبي عندهم زي واقي تلبسيه عادي.

أنا قدمت على التأشيرة يوم 1-7-2013 ومن أسبوع فات بعتولي نماذج الكشف الطبي لي ولزوجتي ولم أعمل الكشف لأني أنتظر مولود ، والآن رزقت بمولود ، أرجوا منكم مساعدتي .. ماذا أفعل الآن ؟ وما هي النماذج المطلوبة للمولود الجديد ؟ وهل أذهب مباشرة إلى السفارة أو أتصل لأخذ موعد قبل ؟ أرجوا المساعدة وشكرا