البازين على الطريقة الغريانية

الحسلوك كتب:

اولا كل عام وانتم بخير لجميع الاعضاء والزوار
ثانيا الله يبارك فيك اختي نور على هذا الايضاح واحب ان اضيف ليس في تجهيز الوجبة لاني لا اجيدها لكن في تقديمها .

ففي غريان بدات يتم تقديم البازين ليس في صونية وهذا يعتبر عندنا انقاص من حق الضيف وانما يتم تقديمة في ما نسمية ( بتبسي او القعد ) وهو اناء من الفخار الذى تشتهر به منظقة غريان والقواسم بتحديد ، ويغطا بغطاء يسمى (طبق) وهو يصنع من سعف النخيل والذى تشتهر به مناطق جنوب ليبيا .


كذلك عند تقديم الوجبة تتم على مراحل اي يقدم التبسي ويحتوي على الحم والبطاطة مع البازين وكامل مرفقاته من فلفل اخضر وليمون مع المشروبات الباردة وخاصة البتري وبدون الطبيخ والطبيخ يسمى (اليدام) ، وبعد الانتهاء من اكل الحم يتم اضافة اليدام .

كذلك وجبة البازين من اشهر الاكلات في غريان و تقدم في المناسبات وخاصة الاعراس بشكل كبير مع الوجبة الثانية وهو الكسكسي .

اما بازين المناطق الساحلية فيختلف من ناحيتين اساسيتين اولا ان العجين ليس متماسك ويكون اقرب للعصيدة اي انه رطب بعض الشي ، كذلك الطبيخ ليس ثقيل كما هو في غريان . أوفيه كلمة يقولوا فيها كبار السن (البازين ايدام) يعنى اهم شي في الوجبة مرقة اليدام.

اما بازين مصراتة معنديش عليه فكرة مع اني زرت مصراتة وخاصة مصيف شط الامان وفندق قوزالتيك ومقهى سمرقند لكن معزمنا حد الا البتول ربي يبارك فيها . وان شاء الله نحضروا يوم الفرح .
مادام وصلت لمصيف شاطي الأمان يعني وصلت لمنطقة زاوية المحجوب محل سكني عشان هكي لما تجي مصراته بلغني عشان يعزمك باتي وذوق بازين مصراته ووقتها حتكتشف إنك ماكليتش بازين من قبل مرحبتين بيك وبالجميع على قصعة بازين مصراتي باللحم الوطني .

wafia pasha كتب:

معليشي مع احترامي لبازين اهلنا في مصراته ...الا ان البازين عند منشأه الاصلي ورفله فبازين ورفلي نتحدا بيه اي بازين ...ومعزوميييين كلكم خاصة البتول ونورا (باش انتم اللي اطيبوا لاني ما نعرفش ندير بازين) ههههههه
وكل عام واعضاؤنا بخير واهلنا في كل مدننا الحبيبة