الاشياء التي نحتاجها في كندا من ليبيا

ان شاء الله قريب نمشي لكندا ومحتاج لمساعدتكم بخصوص ايش الاشياء الي حانحتاجها هناك ومش حانلقاها في كندا..مثلا مستندات,ادوات مطبخ ,ملابس الزي الاسلامي الخاصة بالنساء مثل العبايات مع العلم بان عندي طقلة ..الخ

حسب علمي ملابس الحجاب غير متوفرة بكمية كبيرة مثل العبايات و القونات الطويلة و الاوشحة

اما ادوات المطبخ المتمثلة في ادوتنا التقليدية لا علم عندي : ارفعي طنجرة و كسكاس و مغرف و الباقي يقدر يتحور

I don't have Arabic keyboard right now; once I have it, I will try to make a list In shaa Allah.

hanan_canada كتب:

I don't have Arabic keyboard right now; once I have it, I will try to make a list In shaa Allah.

اهم شى الطنجرة والكسكاس الباقى كل عادى ربى يوفق

اهم شيئ الطنجرة و الكسكاس ...و الملابس الاسلامية عبايات و بالطوات و حجاب "وشاح" رغم ان الحجاب متوفر و لكن اسعارهم و جودتهم مقارنة بالموجود في ليبيا لا شيئ لذلك انصحك باحضار الحجاب من ليبيا .
و البهارات الليبية جودتها غير الموجودة في كندا ..طبعا لا تنسي المصلية و المصحف و رداء الصلاة ...

من الاشياء المهمة :
مصحف و صلاية ما يستحقوش نذكروك بيهم اكيد جايبهم بدون قول..
الملابس الصوفية ما ننصحش بيها هلبه لأنكم بمجرد ما توصلوا بتشروا جاكيت خاص يتحمل درجة حرارة منخفضة و هذا كافي مع بعض الملابس الصوفيه البسيطة.
الحجاب متوفر الحقيقة وجودته عالية بس في فرق في السعر عن ليبيا و الافضل ملابس الصيف الطويلة لزوجتك تكون من ليبيا هني كل شي قصير.
ادوات المطبخ اهم شي الطنجرة و الكسكاس و المغرف لو تحبوا البازين و تقدر تجيب شوية زيت زيتون و قهوة عربية لأن مافيش زي قهوة ليبيا و ايضا ممكن بهارات بس الحق حتى هني بهاراتهم معقولة و على حسب المكان اللي بتشري منه.
الاوراق طبعا اكيد شهاداتكم و رسائل التزكية و لازم ادير نسخة على جهازك او ع الايميل او لة عندك دروب بوكس على ايميلك لأن في هلبه جامعات التقديم فيها يكون اونلاين..
ماتنساش بطاقة التطعيم لو عندك صغار و عقد الزواج في حالة استحقيته هو و كتيب العائلة..
خلوا معاكم شنطة صغيرة فيها الحاجات الرئيسية في الطيارة احسن و اريح من فتح الشناطي كلهم و اللخبطة.
اذا كان تلفونك نوكيا جيب معاك شحن او اثنين لأن هني قليل ما تلقى جهاز نوكيا.
ربي يوفقك

غير مسموح بنقل السوائل في الحقائب مثل زيت الزيتون ...
و زيت الزيتون متوفر في كندا اسباني ايطالي و حتى تونسي و تركي و جودته عااالية ...لذلك لا داعي لاحضاره من ليبيا .

كلما نلقى بوست عن الحاجات اللي المسافر المفروض ايجيبها ، نلقى تضارب في الآراء ، طبعا هذا طبيعي لأن كل واحد يحكي على تجربته الخاصة . أما عن رأيي الشخصي :
"جيبي معاك اللي تقدري عليه ". الملابس هنا كلها تمشي حتى الكبابيط ! و الاحذية .
أي نعم فيه كبابيط ثقيلة و أحذية للثلج و بدل ثلج للصغار ، حتشروهن من هنا . لكن على الأقل ما تقعدوش تشروا في كل حاجة !!!
و الثلج فترة و تمشي في حالها
لأن القادم الجديد يبي يشري الاثاث و المواعين و يدفع للشقة و المواصلات والأكل ... إلخ
و يسيب ملابسه و حاجاته في ليبيا و هنا حيشري نفس البضاعة و بأغلى سعر . أما بالنسبة لملابس النساء ، فالبضاعة في ليبيا أفضل
راهو نفس الملابس اللي تلبسوا فيهن في ليبيا ماشيات هنا
بالنسبة لطفلتك جيبيلها معاك كتب عربية .
ما تدوخيش رأسك بقصة الوزن راهو شناطيك مش حتشوفيهن إلا عند وصولك لكندا .