استفسار وارجو الرد

السلام عليكم، الحمد لله بعتولي السفارة وقالولي تعالي خودي التاشيرة عندي سوال هم بعتو باسمي انا بس لايميلي وايميل زوجي ومابعتوش باسم زوجي وابني انه التاشيرة وصلت هل هم يبعتو للطالب فقط والمرافقين لا بمعنى ان بماان الطالب تاشيرته واتية فانه المرافق حتى هو واتية او ضروري مايبعتو للمرافقين باسمائهم
تاني شي انا برة من طرابلس هل ضروري حضوري للسفارة او سكفي زوجي يستلم التاشيرة
شكرا بارك الله فيكم مقدما

الف مبروك طالما بعتثولك خلاص اليومين يبعتوا لباقي افراد الاسرة انشالله

الف مبررررروك عقبال باقي الاجراءات

الف مبروك يا اختي و غالبا السفارة يبعثوا على ايميل الموفد ان التأشيرة جاهزة و يقدر زوجك يمشي يستلمها عنك عادي اني نذكر تأشيرتي الاخيرة لكندا زوجي هو اللي مشي استلمها و اني ما مشيتش معاه
ربي يسخرللكم الخير و يوفقكم

بالله يا اختي في اي شهر درتي الكشف الطبي

الف مبروك وان شاء الله ربي يسهل عليكم باقى الاجراءات

الف مبروك ياختي لحصولك على التاشيرة وان شاء ربي يسهلك باقي الاجراءت والدراسة
وعلى فكرة انا وانت درنا الكشف في نفس المركز في نفس اليوم 23-2 ووصلت الكشوفات باريس يوم 27-2
وانا قاعد نستنى في الرد وان شاء الله يوصل هاليومين
بس عندي سؤال نبي نعرف موعد قبولك في الدراسة وفي اي معهد لغة اخترت ,لان نعرف ان فصل الربيع يبدا في بداية 5ومزال اجراءات التفويض والخزانة والتذاكر

الف مبروك حصولك على التأشيرة . هذه المرحلة من اصعب المراحل للموفد
وان شاء الله ربي يسهل عليكم باقى الاجراءات وبالتوفيق. ياريت تقولينا على كل جديد يصير معاك

الف مبرووك ان شاء الله
ونتمنى لك كل التوفيق

السلام عليكم
الف الف مبروك وان شاء الله ربي يوفقك ويسهلك باقي الاجراءات
اما عن استفسارك
الامر عادي اختي الكريمة حتى اني بعتولي ايميل علي ايميلي اني بس ومابعتوش لخوي
ولما مشيى خوي لقي التأشيرتين واتيات

اما عن من يستلم التأشيرة فبامكان زوجك يستلمها.
بالتوفيق لنا جميعا.

الله يبارك فيكم وشكرا عالاجابة انا دراستي تبدا في مايو بس بنحاول ناجلها شهر او اكتر لان مش حنلحق وانا في معهد سانت ماري في هاليفاكس وربي يوفقكم اجمعين وانا درت الكشف يوم 23ر2 ومقدمةعالتاشيرة 6 1

الف مبروك ..
انا و بنتي مرافقين لزوجي و بعثوا ايميل لزوجي ان التاشيرة جاهزة و ما بعثوا على ايميلي لان زوجي هو اللي مقدّم على التأشيرة و نحن مرافقين ليه ....

بالله عليك بعد كم يوم من اجراء الكشف بعتوا التاشيرة بالتحديد

اهلين ابو الحسن انا درت الكشف 23 2 وبعتوليي يوم 21 3 يعني بعد 26 يوم من الكشف الطبي

الف مبروك اختي بسمةومشكورة علي الرد والاجابة واسال الله ان يوفقك في دراستك وان يجعل لنا في سفرنا هدا البر والتقوي امين...
توضيح بحيث لايفهم اني اكرر الاسئلة انا طبعا قريت اجابتك التي سبقت هده الاجابة حيث كان سؤالي موجه لاخت هناء لمعرفة كم الفترة التي تم فيها اصدار التاشيرة لاني والله قعدت في حيرة من موضوعي معاش لقيت مبرر للتاخير ونبعث في رسائل للسفارة في تونس ومافيش رد والسفارة في ليبيا يقولوا ماعندناش ماانديرولك

مش مشكله تفضل في اي وقت وان شاء الله مسالة ايام وتطلع التاشيرة

انشالله وليكم البشارة انشالله