عاجل أخر تطورات المكتب الكندي والميزانية

ان شاء الله خير يا خوي احني قاعد ما وصلنا شي بس طالما بعثولك من المكتب اكيد القصة مزبوطة و ربي يهديهم في ليبيا و يحلوا هالمشكلة بسرعة

فساد مالي؟؟؟ في كندا؟؟ قول ما عرفوش كيف يخنبوا لأن المكتب الكندي مسؤول الا من رحم ربي و ان شاء الله ما يلغوا التعاقد مع المكتب على الاقل كل شي منظم و بسرعة و الملحقية عارفينها احني شن بدير

CBIE Message to Libyan Scholarship Students in North America
March 28th, 2013
Dear Libyan Students in North America,
The purpose of this message is to provide an update regarding the funding situation impacting the Monthly Living Allowance (MLA) for April. We are continuing to collaborate with relevant departments at the Ministry of Higher Education and Scientific Research to expedite the release of the funds.

We have learned today through our Liaison in Libya that the Ministry has authorised the release of the MLA for active students for the second quarter (April to June 2013), and that the money will be transferred to CBIE in the coming days. We will notify you and pay the MLA for active students as soon as we receive the funds.
Finally, please note that our office will be closed from Friday March 29th until Monday April 1st for the Easter Holidays. Our operations will resume on Tuesday April 2nd, 2013.
Sincerely,

The Libyan North American Scholarship Program

hanan_canada كتب:

فساد مالي؟؟؟ في كندا؟؟ قول ما عرفوش كيف يخنبوا لأن المكتب الكندي مسؤول الا من رحم ربي و ان شاء الله ما يلغوا التعاقد مع المكتب على الاقل كل شي منظم و بسرعة و الملحقية عارفينها احني شن بدير

صدقت الا حال يضحك ربي يهدينا ويخلي اللي يشتغل صح ما يحاربوش

المهندس 2010 كتب:

على حسب ما سمعت من إدارة البعتات أنهم خلاص بيلغو العقد مع المكتب الكندي بسبب فساد مالي صاير
وأنهم بيديرو ملحقية ثقافية مختصة بشؤون الطلبة
والله أعلم

يبيوا فساد لانهم مع المكتب ما لقوش فساد يبوه , ربي يقفهم عند حدهم ويفكن شرهم

خوي المهندس سامحني بس انت فهمتني خطأ اني ماقصدتك انت بكلامي لا سمح الله و انت اللي سمعته قلته بس اني قصدت اللي يبوا يلغوا التعاقد مع المكتب و كلنا عارفين نيتهم .. تقبل اعتذاري على سوء الفهم

انا اضم ماسمعت الى ما سمعه اخي المهندس تواردت لديا اخبار بوجود اختلاسات وسرقات بهذا المكتب وصديق لي قال راجع تقرير ديوان المحاسبة سوف ترى .... انا على شخصي ممتن جدا لعمل هذا المكتب ... بس اذا فيه سرقات للدولة الحق في الحفاظ على المال العام ... واللي نتمنوه ما ايحبوالناش واحد يسرق وما يخدمش ... لان المكتب يخدم في خدمة ممتازة..... هذا رأي شخصي ليس اكثر ولا يتعداني..
شكر عميق مني للاخوين المهندس والاخت حنان تواصل منقطع النظير.

بعص المسؤلين الليبيين و خاصتا جماعة السفارة فى كندا يحاوون من مدة الغاء العقد مع المكتب الكندى لأسباب يعلمها الله... اما موضوع الفساد المالى فى المكتب الكندى فهذا عارى من الصحة ومستحيل وقوعه. لأن المكتب الكندى هو مكتب دولى و له سمعته و يتبع شرفيا ممثل الملكة وثانيا ليبيا تدفع ميلغ 900 دولار فى السنة عن الطالب و من الصعب التلاعب فى ذلك لأنها عملية حسابية بسيطة. كذلك وحسب مافهمته من افراد السفارة الليبية انه يستحيل الغاء العقد فى الوقت الراهن لأمور قانونية. وصدقونى انا كنت طالب تحت اشراف ما يُسمى المكتب الشعبى و جربت المكب الكندى. الفرق شاسع.... قمة الفساد و الفوضى و الواسطة و الأموال التى سرقت ايام المكتب الشعبى لا يتصورها عقل. فأذا تم الغاء العقد مع المكتب الكندى فستحل الكارثه. مع هذا كله وكما قلت فى مشاركات سايقة ان الموضوع لايتعدى تأخر فى اعتماد الميزانية و هذا موضوع تعودنا عليه و لسنوات... ومش عارف ليش هذا الخوف و الرعب اللى صاير من الطلبة. معقولة الواحد معنداش فلوس امشى بيهم لمدة عشرة ايام

يا خوي حسان الطلبة اللي جايين جديد عندهم الحق يقلقوا لأن تكاليف الاستقرار في كندا مش ساهلة و خصوصا للي مايلقاش شقة بسرعة يعني مش كل الناس عندها..
ربي يجيب اللي فيه الخير

باهى تو الزبدة شنو؟

بعد يبدأ شهر أبريل نقولولك الزبدة شني لأن توا الصورة مازالت مش واضحة.

hanan_canada كتب:

بعد يبدأ شهر أبريل نقولولك الزبدة شني لأن توا الصورة مازالت مش واضحة.

بسيطة شهر 4 بعد بكرا يبدا
ونصبرو هاليومين
شكرا

مجرد اشاعات لا اكثر لتبرير تأخير المنحة ...لو كان الخبر صحيح ..ليش تم التعاقد مع المكتب الكندي لكي يمسك الساحة الاسترالية !!!
و يا ريت كل من يختلس يشتغل مثل المكتب الكندي ...

صدقتي ياأختي الفرج قريب إنشاء الله

مافيش اي اتفاق بين الوزارة و المكتب الكندي باش يمسك ساحة أستراليا و الكلام هذا مش اشاعة من احدى موظفات المكتب الكندي.

في 2006 كنت ادرس الماجستير في كندا و كنا تحت اشراف القسم الثقافي في السفارة الليبية في كندا و كنا اذا اردنا شيئ مستعجل ان نذهب شخصيا الي القسم الثقافي في العاصمة الكندية. كانت الامور و الاجراءات طويلة و لاتنجز بسرعة. اما في المكتب الكندي نلاحظ الاتي:
الاجراءت تتم عن طريق الايميلات/// ثم ان في اي مكتب اجنبي يوجد مكتب محاسبة و مكتب قانوني يعطي ملخصات في ناهية كل فترة زمنية ///// كما ان العديد من الطلبة قي كندا دولهم متعاونة مع المكتب الكندي. لن يضر انفصال الجانب ةاللبيبي المكتب الكندي و المتظرر الوحيد هو الطالب الليبي و الميزانية الليبية لان الانفاق سوف يزيد ....و معلوم لماذا سيزيد. ... الخلاصة: يبدوا ن البعثات ساعية في فصل اجراءات الطلبة الليبيين في كندا عن المكتب الكندي و تنوي اعادتهم الي السفارة كما حصل في 2012 في الساحة الفرنسية تماما.... نسال الله ان لا يوثر اي اجراء علي طلابنا الا بالايجاب ان شاء الله.... اللهم امين

كلام سليم يا خوي ربي يبارك فيك

مستعدين لخلق الصعاب وعرقلة الطلبة وكل من يرغب في السفر الى امريكا الشمالية..... هذا هو الموضوع ببساطة
ما اعتقدش مشكلة المكتب الكندي ولا تحويل المتقدمين للتاشيرة الامريكية من تونس الى المغرب مجرد صدفة

شكرا لإدارة المنتدى لمنحها وسام الاداراة للأخ المهندس والاخت حنان لأنهم فعلاً يستحقان ذلك.
بالنسبة لمشكلة المكتب الكندي فأنا اعتقد انها لاتستحق كل هذا الخوف لأعتبار الميزانية اللى كنا نعرف انها تأخرت.
انا في نظرى ان البعثاث ليست بهذا الغباء ان تلغي التعاقد مع المكتب الكندي وتوقف كل شئ فجأة وبدون مقدمات.هذه ملفات طلبة والتزمات مالية مع الجامعات ومدارس اللغة وتأمينات صحية ومنحة العائلات كل هذا شن يصير فيه
علما بإنى من السنة الماضية وقبل مانفكر في كندا وفى نفس الوقت هذا في وفد من البعثاث اعتقد مشرفة الساحة الكندية مشت لكندا وقالت ان في بعض الملاحظات على المكتب وبعض التجاوزات لكن بصراحة ماركزتش في الموضوع لانه ماكانش يهمنى.
انا ذهبت للبعثاث وطبعاً ماتلقي غادى من تسأل الا من رحم ربي لكن حسب مافهمت ان بيوقفو شوية كندا وامريكا واستراليا لين تنحل المشكلة( مافهمتش هل بيوقفو التفويض او رسائل دعم التأشيرة) علما ان السفارة قاعدة تقبل في طلبات التأشيرة وتنتظر في الرد من المكتب الكندي بعد اجتماعه في البعثاث الاسبوع الماضي بش تسلم التاشيرات الجاهزة واعتقد ان الاسبوع القادم يبان كل شئ.

وبالنسبة ليا بنزيد اسبوع ونشوف.لأني ممكن نمشي للهند لو ماتطلبش في تأشيرة

[quote="Om Ahmed"]شكرا لإدارة المنتدى لمنحها وسام الاداراة للأخ المهندس والاخت حنان لأنهم فعلاً يستحقان ذلك.
بالنسبة لمشكلة المكتب الكندي فأنا اعتقد انها لاتستحق كل هذا الخوف لأعتبار الميزانية اللى كنا نعرف انها تأخرت.
انا في نظرى ان البعثاث ليست بهذا الغباء ان تلغي التعاقد مع المكتب الكندي وتوقف كل شئ فجأة وبدون مقدمات.هذه ملفات طلبة والتزمات مالية مع الجامعات ومدارس اللغة وتأمينات صحية ومنحة العائلات كل هذا شن يصير فيه
علما بإنى من السنة الماضية وقبل مانفكر في كندا وفى نفس الوقت هذا في وفد من البعثاث اعتقد مشرفة الساحة الكندية مشت لكندا وقالت ان في بعض الملاحظات على المكتب وبعض التجاوزات لكن بصراحة ماركزتش في الموضوع لانه ماكانش يهمنى.
انا ذهبت للبعثاث وطبعاً ماتلقي غادى من تسأل الا من رحم ربي لكن حسب مافهمت ان بيوقفو شوية كندا وامريكا واستراليا لين تنحل المشكلة( مافهمتش هل بيوقفو التفويض او رسائل دعم التأشيرة) علما ان السفارة قاعدة تقبل في طلبات التأشيرة وتنتظر في الرد من المكتب الكندي بعد اجتماعه في البعثاث الاسبوع الماضي بش تسلم التاشيرات الجاهزة واعتقد ان الاسبوع القادم يبان كل شئ.

وبالنسبة ليا بنزيد اسبوع ونشوف.لأني ممكن نمشي للهند لو ماتطلبش في تأشيرة


شنو انقول اني بس شكلي والله نتحمل وصابر ليا اكثر من شهرين ونصف مداير الكشف الطبي ومافيشششششش رد

شنو انقول اني بس شكلي والله نتحمل وصابر ليا اكثر من شهرين ونصف مداير الكشف الطبي ومافيشششششش رد

ابوالحسن كتب:

شنو انقول اني بس شكلي والله نتحمل وصابر ليا اكثر من شهرين ونصف مداير الكشف الطبي ومافيشششششش رد

ربي يعينك يأخ ابوالحسن. والله الحمدلله تعلمنا الصبر ولكن احياناً يجيك احباط من تعقد الاجراءات لين تقول ممكن ماعنديش نصيب في السفر والدراسة وخلينى ننساهم. ولكن ترجع مرة اخرى وتحاول وتسأل وتجرى وتشوف ووووو.... حتى يقضي الله أمرا كان مفعولا.