السلام عليكم ورحمة الله وبركاته
اليوم كانت نهاية معاناتي من لايفاد
اليوم تريحت و سحبت اورقاتي وقررت نشوف مسار ثاني في حياتي
اليوم تريحت تخلصت من استغلال المكاتب يلي تستغل في الطلبه تحت غطاء انها تساعد فيهم للاسف وهو العكس تماماً (النهش وخلاص)
اليوم تريحت وريحت رأسي من الورق وترجمه وحرق الاعصاب
اليوم تريحت وكيفيت خيري شري وريحت اهلي بيتي من كلمة ديرولي الورقة الفلانية والورقة العلانية باش نلحق
اليوم تريحت من مشاق السفر والبعد والتشحوير والفنادق وتكاااااااسي
اليوم تريحت من اختيار الساحات الدراسية والدعم والبطيخ لمبسمل
اليوم تريحت من التأجيل والتجديد وتغيير الورق في كل مرة
اليوم تريحت وفرحانه لاني معاش بنخش علي اي مكتب له علاقة بالتعليم لا من بعيد ولا من قريب ولا دراسات عليا ولا بطيخ
اليوم تريحت من الموظفين امتاع المكاتب وتريحت من تلقيح الكلام ولوي وتفنيص والاسئلة وفي لاخير يقعد يطلع في الكلام من رأس خشمه تقول قتلته قتيل
اليوم تريحت من التقصقيص و النق والنشدة امتاع الناس علي قولتهم (شن صار فيك ..وقصدك مازال ماتطلعتي )
اليوم تريحت من قصة من ماشي معاك
اليوم تريحت من التخميم وارق وقلة النوم
اليوم تريحت وريحت عيوني من الدموع وبكاء
صح كنت نتمني نكمل مشواري الدراسي زي الناس يلي يمشو ويجو ونزيد علم اكثر واكثر
لكن ربي مش مسخرلي فيه والحمد الله ,,, قداش نكتب واني مبسوطة مش لشئ بس لاني حاولت ودرت يلي نقدر عليه وهاذي كانت اول كلمة قولتها لما طلعلي قرار الايفاد ..أن شاء الله ربي يكون في عون اي حد عنده ايفاد ويعاونه فيه .
الحمد الله علي كل شئ
بسم الله الرحمن الرحيم
(وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)
صدق الله العظيم
[center]
_______________________________
اليوم كانت نهاية معاناتي من لايفاد
اليوم تريحت و سحبت اورقاتي وقررت نشوف مسار ثاني في حياتي
اليوم تريحت تخلصت من استغلال المكاتب يلي تستغل في الطلبه تحت غطاء انها تساعد فيهم للاسف وهو العكس تماماً (النهش وخلاص)
اليوم تريحت وريحت رأسي من الورق وترجمه وحرق الاعصاب
اليوم تريحت وكيفيت خيري شري وريحت اهلي بيتي من كلمة ديرولي الورقة الفلانية والورقة العلانية باش نلحق
اليوم تريحت من مشاق السفر والبعد والتشحوير والفنادق وتكاااااااسي
اليوم تريحت من اختيار الساحات الدراسية والدعم والبطيخ لمبسمل
اليوم تريحت من التأجيل والتجديد وتغيير الورق في كل مرة
اليوم تريحت وفرحانه لاني معاش بنخش علي اي مكتب له علاقة بالتعليم لا من بعيد ولا من قريب ولا دراسات عليا ولا بطيخ
اليوم تريحت من الموظفين امتاع المكاتب وتريحت من تلقيح الكلام ولوي وتفنيص والاسئلة وفي لاخير يقعد يطلع في الكلام من رأس خشمه تقول قتلته قتيل
اليوم تريحت من التقصقيص و النق والنشدة امتاع الناس علي قولتهم (شن صار فيك ..وقصدك مازال ماتطلعتي )
اليوم تريحت من قصة من ماشي معاك
اليوم تريحت من التخميم وارق وقلة النوم
اليوم تريحت وريحت عيوني من الدموع وبكاء
صح كنت نتمني نكمل مشواري الدراسي زي الناس يلي يمشو ويجو ونزيد علم اكثر واكثر
لكن ربي مش مسخرلي فيه والحمد الله ,,, قداش نكتب واني مبسوطة مش لشئ بس لاني حاولت ودرت يلي نقدر عليه وهاذي كانت اول كلمة قولتها لما طلعلي قرار الايفاد ..أن شاء الله ربي يكون في عون اي حد عنده ايفاد ويعاونه فيه .
الحمد الله علي كل شئ
بسم الله الرحمن الرحيم
(وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)
صدق الله العظيم
[center]
كل لحظة وأنتم في أجمل احتمالاتكم 
