اليوم درت مقابلة في الجزائر

السلام عليكم ورحمة الله وبركاته
اليوم درت مقابلة في السفارة الأمريكية بالجزائر إنتظرت لحد جي دوري خدو مني الـ
I-20
SEVIS
وصورة وطبعا الــ 160دولار ... فقط وكشف الحساب والشهادة وباقي الأوراق ماخدوهمش ولا شافوهم

وسألوني :

س : قالي انت ليبي علاش جاي تقدم عالتأشيرة في الجزائر ؟
ج : لأن السفارة في ليبيا ماتشتغلش
س : قاللي الأوضاع في ليبيا حاليا ؟
ج : إستغربت من سؤاله , قلتله تمام وفي تضخيم إعلامي للحاجات البسيطة الصايرة
س : وين ماشي في أمريكا أي مدينة وفي أي ولاية ؟
ج : قلتله العنوان تمام
س : شن إسم الجامعة أو المعهد اللي بتدرس فيه ؟
ج : قلتله إسمها
س : كم ناوي تقعد في أمريكا ؟
ج: قلتله سنة
س : شن بتدرس غادي ؟
ESLج : قلتله
س : علاش ناوي تتعلم الإنجليزية ؟
ج : جاوبته نبي نقوي اللغة متعي أكتر
س : علاش تبي تتعلم في أمريكا وانت تقدر تتعلم في بريطانيا او مالطا او دولة مجاورة ؟
ج : قلتله أمريكا أنسب وأفضل من ناحية اللهجة والمعاملة والنظام
س : قداش ليك تقرى في الجامعة وأي تخصص ؟
قلتله المدة تقريبا

بعد الحوار هدا قالي أسف مانقدرش نعطيك التأشيرة وسألته عالسبب قال :

you're english is very good you don't have to improve it more than that and i can't give the VISA for that you have to had good reason to get the VISA .

وعطاني ورقة خضرة على اساس مكتوب فيها تأسف منهم ونبذة عالرفض ...إلخ

ملاحظة : أني كنت مقدم على حسابي الشخصي

أي إستفسار أني حاضر

الخير في ما إختاره الله

ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

اليوم درت مقابلة في الجزائر