السلام عليكم
آسف علي تأخر الرد، اخي المقابلة في القنصلية بالطار البيضاء وليس السفارة التي بالرباط، بالنسبة لسعر التذكرة كان 450 دينار ذهاب واياب من مصراتة الي الدار البضاء واذا كنت من طرابلس احجز علي الخطوط الملكية المغربية حيث سعر التذكرة 318 دولار من طرابلس الي كازابلانكا، الرحلة اربع ساعات، اول ما توصل حول افلوسك، سعر الصرف 1 دولار يساوي 8.4 درهم واركب القطار سعر التذكرة اعتقد 35 درهم للدرجة الثانية و 60 درهم للدرجة الاولي، القطار رحلة كل ساعة الي محطة المسافرين بالدار البيضاء، تقدر تاخذ تاكسي بسعر250 درهم.
بالنسبة للاقامة انصحك بفندق قريب من القنصلية الامريكية, يعني بجوار ساحة محمد الخامس وسط المدينة, انا شخصيا سكنت في فندق المعمورة, هذا موقع الفندق علي النت www.hotelmaamoura.com سعر اليلة كان 600 درهم بالفطور الفندق قريب من القنصلية حيث توصل في 10 دقايق سير وقريب من محطة الميناء واللي تقدر تمشي منها لاي مكان في المغرب وتوجد مطاعم كثيرة بالجوار، بشكل عام اسعار اليلة لغرفة مزدجة تتراوح من 400 الي 1500 درهم ، المهم في فنادق واجدة وحتي لو سكنت في فندق بعيد التاكسي الاحمر (طاكسي بالمغربي) بالعداد متوفر ورخيص.
بالنسبة للقنصلية الامريكية, فهي تقع بشارع مولاي يوسف بالقرب من حديقة الجامعة العربية والقنصلية الاسبانية، اي تاكسي ايوصلك ليها او تقدر تلقاها علي قوقل ماب, المهم كان موعدك الاثنين خوذ بالك لازم اتجي اربع ايام قبل الموعد باش تدفع رسوم الموعد بمصرف BMCI، لان يوم السبت و الاحد عطلة, المهم كان موعدك الثلاث او الاربعاء و الخميس تقدر تدغع يوم الثنين، لازم اتجيب الجوزات ليك والمرافقين او صورة منهن, عند الدفع.
يوم المقابلة امشي بدري قبل الوقت بساعتين علي الاقل , وافطر او مليك امصحصح, في قهوه سمحة قدام القنصلية اسماها امريكانا فيها افكور ممتاز. المهم قبل الموعد بساعة ايبطو بالتفتيش وتكوين طابور، بعد ما ايتاكدو من الورق يسالوك تبي المقابلة بالفرسي واللي العربي واللي بالانجليزي اتخش للانتضار لين ايناد اسماك، ياخذو بصماتك, بعتالي يسالوك ليش بتعدي لامريكا بتقوللهم بندرس لغة وماستر واللي دكتوراه حسب حالتك, ابيسالك كم بتقعد بتقوله, بعتالي بيقولك منه ابيدفع تكاليف الدراسة بتقولة عنديايفاد من وزارة التعليم العالي ليبيا، بيقولك جيب الدليل، تعطيه رسالة دعم التاشيرة، ايقولك تعال بعد يومين الساعة 3 مساءا، انا كانت مقابلتي الثلاثاء قالي تعال الخميس, المهم الامريكان متفهمين وايسبقو في اليبيين وايساعدو فيهم, وكل اللي قدم امعايا حصل التاشيرة، الامريكان واحد زايد واحد ايساوي اثنين.
المهم اتعبي نماذجك صح واتجيب الصور وتطفع السيفس وموعد المقابلة واتوقع i20 ليك وللمرافقين ورسالة طعم التاشيرة،
نصيحة اللي امعاه عائلة، في اليل ما تخرجش، او بالنسبة للدار البيضاء امشي لماروكو مول وادهو في اكبر يوق في افريقيا، وامشي لمسجد الحسن الثاني, او خلاص، كان بتدهور امشي للرباط ومراكش والجديدة,,,,,
بالتوفيق
المقابلة في السفارة الأمريكية بالمغرب