تعطيل ..تعطيل ...وفجأه نأسف قرارك انتهت مدة صلاحيته !! ..o_0

السلام عليكم ورحمة الله وبركاته
الرساله لجميع اعضاء المنتدى والموفدين يبحث
اهذا ما ننظر !! وماذا لو حدث ...!! أحقا تذهب سنوات من انتظاري سدا بسبب اخطاء غيري

[b]السلام عليكم اختي حتى انا نفس الوضع اذا ما طلعتش في السنة هذي قالو يسقطو القرار ...... بس تفائلي ان مع العسر يسرا...... ان شاء الله ربي ايفرج عالجميع

السلام عليكم اخواتي
والباين في الهوا سوا
نفس المشكله بس صرااااااحة مش شايله حيرتها واااااجد
هو صح هرمناااااا من اجل هذة اللحظه التاريخيه
وتوا فهمتكم ياجماعه البعثات
وراهو فاتكم القطار ياموفدين

تغير جوا بس
المهم احد الاخوات سالت علي الموضوع في بنغازي وقالولهم هو للناس اللي ماقدمتش اي اجراء في الايفاد
فمبدا اطمنوا
وثانيا لو لسمح الله الغي القرار اتمن الا تكون اكبر همكم
لو كتب الله لنا الايفاد حتي باكثر من قرار مثل هذا القرار حتتسخر وتمشوا
اما اذا ربي مش كاتبه لنا فالخيرة فيما كتبه الله لنا

اسئلو الله ان ييسر لكم ما فيه نجاتكم فى الدارين

أنا موفدة في القرار 469 لسنة 2009 وحصلت حتى التفويض لبريطانيا في أيام الاحداث لاني عندي البسبور
الامريكي وطلعت لتونس شهر 6 2011 ولكن تم رفضنا للتأشيرة أنا وزوجي وإبني بسبب ظروف ليبيا
في ذلك الوقت تم تحزت ليبيا وقدمت شهر سبتمبر 2011 وتم الرفض للمرة التانية , روحت لليبيا. وإستنيت
فترة وقدمت شهر يونيو 2012 للتأشيرة البريطانية والمفجأة تم رفضنا للمرة الثالثة بدون سبب مقنع
فاضطررت إني نبدل الساحة الى كندا وقدمت ع التأشيرة يوم13 يناير2013 وإلى الان لم أستلم التأشيرةن و
شوفوا أهو المشكلة اللي صايرة ويجوك يقولولك بتنتهي مدة قرارك نهاية السنة والله عيت ومش عارفة
شن إندير نبدل الساحة مرة تانية ولا نستنى ليا ثلاث سنوات وأني نجري علي هالبعثة , إن
شاء الله ربي يسخرلي الامور

والله ان شاء الله خير ... والخير فيما اختاره الله .... حتى انى معاكم فى الهواء سواء ومن حالة لى حالة فى جرة ها البعثات ومشاكلهم .. الله المستعان ( وما توفيقى الا بالله عليه توكلت واليه انيب)

انا نفس القصة عملت اجراءات التفويض قامت الثوره اوقف الملف مكانه وبعد الثوره قدمت علي التفويض وكان لازم اغير جميع الاوراق وقدمت علي فيزا جديده والسفارة الوحيده الي فاتحه وقتها السفاره الامريكية وفي تونس وبعد سفر وصرف وتعب اخذت الفيزا و بعد تعطيل من الجامعه والبعثات طلع التفويض قدر الله لي امر اخر عطل سفري لامريكه غيرت الساحه الان وبعد فدد من الشخص الذي يشتغل في الساحه تقول باعثني بوه توا بناخذ التاشيره علي خير ونقدم علي تفويض النقل هل سيلغى هذا القرار بعد الفد والكد والمرار ...اذا حدث هذا سوف اقول الله يرحم ابوشفشوفه كان يضربنا ويعطينا ناكلوا اذا ما حنت عليا بلادي واهلي ساعدوني وين امشي ولمن نشكي وعلي صدر من نبكي ..احنا ليبين ذقنا عصارة المراره من المقبور والاهانات والذل من اتباعه الاوغاد ايجوا الاحرار ويكبلونا من جديد؟؟؟؟؟اسف ياسف اذا صار ما قلتم

السلام عليكم
والله فعلا مع العسر يسرا .....بس هذا حقنا ......يعني لو كل واحد بيسكت على حقه هذه قصه .كبيره ....
اقل شئ الواحد ايدير اوراقه وهو مطمن خلاص نفسيتنا والله سادنا ايام الثورة (((
لا اله الا انت سبحانك اني كنت من الظالمين
ان شاء الله موفقين