تم تحديد موعد لقابلة وزير التعليم العالي لمناقشة مشكلة الساحة الكندية و الأمريكية

السلام عليكم و رحمة الله وبركاته
اخواني الطلبة الموفديين لساحتيين الكندية و الأمريكية تم تحديد مع الأخ أبوبكر ساسي للمقابلة الوزير غذاً الأثنين الساعة الحادية عشر صباحاً في مكتب وزير التعليم العالي بشأن حل مشكلة المكتب الكندي مع الوزارة.
عليه نأمل من كل الموفديين التواجد بالمكان المحدد للضغط علي الوزارة لإيجاد حل جدري لهذه المشكلة و التي أضرت بأخواننا الذين سافروا بدون منحة و كذلك حل مشكلة الأجراءت الطلبة مع المكتب الكندي و السفارة الكندية والتي تعتبر واقفة من قبل المكتب الكندي.

جزاك الله خيرا ووفقك لما يحبه ويرضاه ... وان شاء الله معاكم بالدعاء ... الله يوفقكم

ربي يوفقكم و يسدد خطاكم و تمنيت نكون معاكم

مقر الوزارة علي طريق صلاح الدين-قصر بن غشير , و أنت ماشي للقصر بن غشير أتجيك علي اليمين بعد وكيل السازوكي و قبل كوبري وادي الربيع

جزاكم ربي خيرا وسدد الله خطاكم واني معاكم بالدعاء إن شاء الله بالله عليكم إكتبوا قائمة بكل الشكاوي والمتطلبات
بمعنى على شكل نقاط لتسهل على القاري فهمكم.ولتشمل هذه النقاط تأخير المنحة , عدم تفعيل ملفات الطلبة الجدد

وقف منح التأشيرات للطلبة حيث أنه حاليا واقفة إجراءات التأشيرة لكل طلبة الساحة الكندية وإذا كان هناك
متطلبات أو شكاوي أخرى لم أذكرها إكتبوها ?بالله عليكم فهذه فرصتنا الاخيرة وشكرا

للاسف انا من خارج طرابلس يارب يوفقكم في مسعاكم وياريت تستفسرو منهم شن ماخدهم عن المكتب الكندي. اللي بجد يساعد في الطلبة ويتفاعل معاهم ومنظم

خطوة كويسة . و اللي من خارج طرابلس يقدروا يديروا نفس الشي مع وكلاء الوزارة في مناطقهم
على الأقل يوضح الوزير وجهة نظر الوزارة و وين الخلل بالتحديد

السلام عليكم
شكرا جزيلا للاخ ابوبكر ساسي ولكل من ساهم في هذا الاجراء واسئل الله ان يكون نتيجته مرضية وفي صالح الطلبة
ياريت تحددوا وين بنتلاقوا بالضبط اخي

المكان عند مكتب الوزير بالوزارة عند الساعة الحادي عشر صباحاً, نأمل من أخواتنا أن يكن من الحاضرين غداً.

السلام عليكم

طبعا انا اليوم كنت احد الموجودين في الوزارة وزي مقال اخي الموضوع فيه قصة كبيره وبصراحه ادا موقفناش مع بعض حتصير كارثه لان الباين مش ناوين علي خير يعني انسان يكدب عليك في وجهك انا منتوقعش منا الخير بكره إن شـاء الله موعدنا وبالنسبه ليا انا كلمت عضو المؤتمر عن مدينتنا وقالي انا مش في لجنة التعليم العالي

بس حنكلمهم علي الموضوع "وحاليا نستني في تلفونه لانه قالي مفيش حد في جنبي توا بعدين انخليك اتكلم واحد منهم وتعطية حيثيات الموضوع"

وقالي بكره بعد اتكلمو الوزير ادا موصلتوش لحل جاهزو مدكرة بالموضوع وتعالو علي طول للمؤتمر وانا حنوصلها للجنه بنفسي بصراحه حتي الوزير مش حنعطوه مهله يوم او يومين هدا ادا تجاوب معنا والا الموضع مستقبلنا مستعد نرقد في مكتبه كان هما بيتخدو قرارت مصريه بالنسبه لينا وهما مش هامه الامر نحن معاش نعرفو نسكتو زي قبل

اختي حنان لو سمحتي بالنسبه للطلبه الي رفض تفعيل ملفاتهم اكيد كان في رد عن طريق ايميل لو امكن اتشوفي واحد منهم يبعتلنا الرد ايكون حجه فيدنيا بيني وبينك يكدبو علينا عيني عنيك

كانو ايأكدو انهم حولو الفلوس وانه الامور تمام يحسابونا منعرفوش حد لين وجهتا بالحقائق اتغير الكلام وزدتا قتلا حتي الطلبه الي ليهم فتره مخدوش منحتهم لعند البارح انا اتصلت بصديق

"سبحان الله انا اكتشفت انه في ادغال وفيه وحوش وفي سحره ومخادعين وحتي اشباح والادهي من هدا وامر كداب مناطح هدا كله في وزارة التعليم"



ســــــــــــــــــــــــــــــــــــــلام

عدل سابقا من قبل abdo_abadi في الأحد 07 أبريل 2013, 7:53 pm عدل 2 مرات

بخصوص الموعد غدا الاتنين كم العدد المطلوب للحضور الى الوزارة للمقابلة الوزير لاننا يجب تحديد الاشخاص لان من الصعب دخول الجميع لهذا اقترح اللى دهبوا اليوم للوزارة طبعا انا لست منهم حتى لا يشك احد فى الموضوع..يقوموا بالمقايلة الوزير لكن يجب عليكم طرح المشاكل التى يواجها الطلبة في الساحة الكندية عن طريق الطلبة الذين يدرسون الان ومشاكل الطلبة الجدد مجرد اقتراح فقط .....لاننا لا نريد الذهاب والوقوف فقط يجب تحديد المشاكل وطرح الحلول اذا امكن.... والله يوفق الجميع

بارك الله في جهودكم جميعا وان شاء الله ربي يسخر الامور وتأكيدا علي كلام الاخ عبدو فعلا الوزير لو مادارش حل مفروض على طول نمشوا للخطوة اللي بعدها لان هذه مسئلة مصير وعندنا طلبة في الغربة ومن غير لامنحة ولا قراية ولا حتى تأمين

وياريت نحددوا المشاكل المترتبة على مشكلة تأخير السيولة عن المكتب الكندي

ومدى تأثيرها على الطلبة سواء الجدد او الطلبة الموجودين في كندا وامريكا اصلا

وتكون في شكل نقاط تصاغ بشكل معبر ومتقن ((مجرد اقتراح ))

]اوكى اخي عبدو لكن اعتقد ان المشكلة تتراوح في عدة نقاط اهما طبعا:
1_ السيولة للطلبة المتواجدين الان في كندا من حيت المنحة الشهرية والتأمين الصحى ومصاريف الدراسة يجب توفير لهم المنح في اقرب فرصة هذه النقطة مهمه
2_ مادور الوزارة التعليم في المرحلة القادمة من ناحية المكتب الكندي هل يريدون الاستمرار معهم او انهاء العقد معهم لا يجب ان يكون هناك ضباب في القرار يجب اخد القرار بسرعة لان الطلبة هم من سوف يعانون من التاخير في اخد القرار المناسب مع انى مع بقاء المكتب الكندي في الوقت الراهن لانهم يقومون بواجبهم على اكمل وجه....يجب وضع الملامح الفترة القادمة
3_ الطلبة الجدد يجب مخاطبة البعتات من ناحية لائحة 43 يجب ان يكون استتناء للطلبة لان هناك تاخير من المكتب الكندى في اعطاء الدعم المالي مما يترتب عليه تاخير مواعيد التاشيرة مع العلم من حق المكتب وقف الاجراءات الى حيت تسوية كل المشاكل
4_وقف ابراق الى حين تسوية الوضع السيوله مع المكتب او السفارة في كندا لان لا يعقل الطالب يذهب على حسابه ولا يعرف المدة التى سوف تستمر بها المشكلة
اي نقاط اخرى يمكن الاضافة
طبعا كل النقاط مجرد اقتراح يمكن ان نوافق عليها وممكن لا نوافق

السلام عليكم

شباب قبل اشويا كنت نحكي مع السيد عضو المؤتمر عن دائرتنا وزاد اكدلي انه ادا مصارش حل بكره مع السيد الوزير انه ايتابع الموضع شخصيا مع اللجنه المختصة وبصراحه الراجل ابدا انزعاجه وخاصة لما قتله علي الطلبه الي بره ليبيا ومنزلهمش المنح وقال نحن نصرف مزينيه وفي الاخير يقعد الطالب الييبي متشحور المهم ادا السيد الوزير بكره متجاوبش معنا حنتوجة مباشره للسيد عضو المؤتمر بالمدكره


الحمد لله الي شفنا هدا اليوم الي تلقي من ايحاسب السئول علي اخطائه

الله اكبر الله اكبر الله اكبر ولله الحمد

عاشت ليبيا حره ابيه

ســـــــــــــــــــــــــــــــلام

بارك الله فيكم على جهودكم وان شاءالله المسئولين تكون لهم اذان صاغية. ماتبعاتش الموضوع لإصابتي بنزلة برد وانا واغلب الاسرة. ولكن مازال في وقت انلحق معاكم .
اعتقد ان شوية مندوبين عن الطلبة كافي لانه مش اعتصام. ممكن لما زحمة شوية مايخلوش حد ايخش للوزير انى اقترح اختيار 4 الي 5 اشخاص فقط كمندوبين عن الطلبة.
المهم اتكون المطالب واضحة وبالحجة ويجب التركيز ان لولا المكتب الكندي ولانه مكتب موثوق الطلبة الليبين مش حايحصلو على التأشيرة لان الحصول عليها يتتطلب رسالة دعم المكتب وان اغلب السفارات الاوربية ماتعطي في التأشيرة وهذا سبب تعطل سفر اغلب الموفدين الي عندهم رغبة يقروا ويتعلمو في الدول المتقدمة دون التفكير في التوفير والامور التانية. ولو يبونا نمشو للدول النامية يقولونا؟؟؟
الكل متظرر من هذا الاجراء:
الان وقفوا التأشيرات للطلبة اللي في ليبيا و وقفوا رسوم الدراسة للطلبة اللي وصلو غادي وكذلك وقفوا المنح للطلبة اللي ليهم فترة في كندا.
الحل؟؟؟؟

اختي ام احمد شكرا ليك وإن شـاء الله لاباس عليك

بالنسبه لكثرت العدد مش كلهم بيخشو وبيحكو مع الوزير بس وجودهم ايدل علي انه الامر جدي وانه الامر يمكن يتطور لاعتصام في حالة عدم الاستجابه لمطالبنا

واكيد حنختار 3 او 4 اشخاص ايكونو فاهمين كل شي وايخشو يحكو مع الوزير

ســــــــــــــــــــــــــــلام

حسبنا الله و نعم الوكيل

حكومتنا حكومة ردود افعال خلينا نديروا اعتصام علي طول لانه النقاش ما يجيب نتجية معاهم

وكان النقاش يجيب فيهم راهم خافو من ربهم

تأكيد علي راي الاخ عبدو

يا اخوتنا واخواتنا اللي بعاد عن طرابلس ياريت كلكم تحاولوا تتواصلوا مع اعضاء الموتمر عن مناطقكم ووكلاء الوزارة عندكم.

وحتى خوتنا واخواتنا اللي مسافرين لكندا وامريكا سواء ممن تأخرت عليهم المنح وتأمينهم الطبي اصبح قاب قوسين او ادنى او اللي سافروا ومازالت ماتفعلت ملفاتهم ولا منحة ولا تأمين ولا ولا ولا !!!!!
نتمنوا انكم تكلفوا حد من عائلاتكم يتكفل بالتواصل مع عضو المؤتمر كلا عن منطقته وبوكلاء الوزارة عن طريق مكاتب التعليم في مناطقكم.

ومانسكتوش ولا نرتاحوا لين تنحل المشكلة وبشكل جدري ويتراجع لوبي الوزارة عن فكرة الغاء التعاقد مع المكتب الكندي والتلاعب بمصير الطلبة .

الموضوع مش ساهل والتهاون مش من صالحنا.
وماحك جلدك مثل ظفرك لو ماتحركناش بسرعة الله اعلم شن بيكون النتائج!!!

نسئل الله التوفيق والسداد وان يذلل لنا الصعاب.

السلام عليكم

الحمد لله اليوم اقدرنا انحركو الموضوع صح منحلش بشكل كامل بس حركنا الموضع اشويا اخي saleh srabet يحكي لكم الي صار


نقدر انقول في اخبار طيبه إن شـاء الله
ســـــــــــــــــــــــــــــــــــــــلام

ان شاء الله في اخبار طيبه
وياريت اطمنونا
وجزاكم الله خيرااا

شكرا لكم وجزاكم الله كل الخير على مجهوداتكم بس نبو نعرفو نقدرو نمشو لكندا ونحنا مطمنيين

شكرا لمجهودكم ونرجى في الاخبار

السلام عليكم ورحمة الله وبركاته

بارك الله في جميع علي هذه المجهودات

وان شاء الله لن تذهب سدي

بشرونا كيف صار معاكم اليوم في مقابلة الوزير؟؟؟