نتائج اجتماع الطلبة مع وزارة التعليم

ما هي نتائج الاجتماع المقرر عقده بين طلبة ساحة امريكا الشمالية ووزراة التعليم اليوم الاثنين 8 ابريل ؟

اخبار ساره بعون الله .تقريبا انحل الاشكال الوزاره ممثله في مدير ادارة الشؤون الادارية ورئيس قسم التفويظات والمراقب المالي والوكيل الاول د.فتحي المجبري والوكيل الثاني د.بشير والوكيل الثالث د.عادل المشاط اجتمعوا مع الوزير بعد حضور مجموعة من الطلبه والعبدلله لمكتب الوزير فتقرر حل المشكله وهي كتالي:
غدا ستقوم الوزارة بمراسلة وزارة المالية لتسييل الاموال لتفويض 1و2 وهما الي فيهم المشكله والتامين سوف تقوم الوزارة باختيار شركة من ثلاث شركات تقدم بها المكتب الكندي علما ان التامين ينتهي بنهاية شهر 4

not clear

ماذا عن راتب الطلبة الليبيين في أمريكا الشمالية

يا ريت في حد يعطينا ملخص واضح لنتائج الاجتماع يا خوي صالح

السلام عليكم
اخي الفاضل
الكلام غير واضح وما فهمنا شي
يعني هل تم حل المشكلة بشكل نهائي
بمعنى هل سيتم الغاء التعاقد مع المكتب الكندي ام لا
وهل تسييل الاموال سيتم فقط لمن هم في التفويض 1 و 2
وماذا بخصوص الطلبة الذين لم تصدر لهم التأشيرة بعد
ارجوا منكم إخوتنا الكرام ان تشرحوا لنا بشكل واضح

كيف التأمين ينتهي في شهر 4 ؟؟

السلام عليكم أخي saleh srabet ، لكم الشكر على تفاعلكم مع الطلبة ونقل المشكلة لوزير التعليم لإيجاد الحل ، ولكن اللي مش واضح شنو حيصير في الطلبة الجدد اللي أسمهم نازل في التفويض 4 و 5 ، هل سيتم مخاطبة المكتب الكندي من أجل أنهاء أجراءات عند الوصول لأمريكا أو كندا ، لأن مش واضح شنو هو الأجراء اللي حيتم ، خصوصا أن هناك طلبة يبدوا الدراسة في شهر 4 و شهر 5 ولابد من أن تكون أجراءاتهم من المكتب الكندي ، فيا ريت توضح لنا شنو اللي صار في الأجتماع وما هي الحلول المقدمة من الوزير وهل ستأخذ الأجراءات وقت طويل والله ولي التوفيق

ما فهمته من الخبر هو الأتي
هناك ميول لتغيير شركة التأمين الحالية وان العرقلة الحالية هي من وزارة المالية و لسبب لا يعلمة الا الله
والغريب لم نر أي اشارة لعدد 2500 طالب و لطالبة في كل من امريكا و كندا واللذين يدرسون منذ سنوات و منحهم مقطوعة عنهم

بارك الله فيكم اخوتي بس ياريت نبو.توضيح ا
اكتر اللي طلعتله التاشيرة واللي يراجي والليمقدم عالتاشيرة وشن قالو عالمكتب الكندي هل ويستمر التعاون او لا شن سبب الاشكال؟

بارك الله فيكم اخوتي بس ياريت نبو.توضيح ا
اكتر اللي طلعتله التاشيرة واللي يراجي والليمقدم عالتاشيرة وشن قالو عالمكتب الكندي هل ويستمر التعاون او لا شن سبب الاشكال؟

ربي يستر ان شاء الله خير
اكثرو من الاستغفار

السلام عليكم

انا عن نفسي مشيت اني وخوي وروحت من غير مانفهم شي الا انا قعدنا واقفين نستنوا في حد ايكلم في الوزير وبينقل نتيجة الاجتماع بيه وبصراحة حسيت روحي شكلي بايخ لاني البنت الوحيدة والقصة كلها زيادة عدد وبس.

السلام عليكم

اخوتي الموضوع واضح بالنسبه للمشكله اساسها التفويض 1-2 لان تم تحويلهم للمكتب الكندي بدون تسيل وطلب من المكتب الكندي يصرف للطلبه علي اساس انه الحكومه الليبية مزال عندها مبالغ ماليه لدي المكتب الكندي "(طبعا خدمة ليبيين ديما صح والكنديين غلط") المهم هدا بالنسبه للطلبه الجدد والتفويض رقم 4-5 هديم بأدن الله مفيهمش اشكال لانهم بيسلولهم علي طول يعني بيتحولو بسيولتهم

بالنسبه للتفويض 1-2 الحمد لله اليوم بدو في اجراءات التسيل يعني مسألة كم يوم فقط

بالنسبه للتفويض 4_5 امورهم تمام بدليل اليوم اتحول التفويض 4

بالنسبه للطلبه الي مفعلة ملفاهتهم يعني الطلبه القدام حتي هما امورهم حتنحل بمجرد ارسال التسيل للتفويضات الي فيهم اشكاله المهم انا متفائل

اما بالنسبه للتأمين زي مقال صاحبي العروض موجوده في الوزاره والمشكله في اختيار

عموما بشكل عام نحنا جهزنا المدكرة الي بنقدموها للمؤتمر واعتقد اليوم او بكره حتوصل للاعضاء في المؤتمر الوطني
وزيد عليها نحنا مستمرين معاهم وامتابعين الموضوع ولو اطلب الامر انه نرجعو مره اخري عادي

بشكل عام مفيش حد منا يقدر يعطيكم تأكيد ليش لان انا واحد من الناس معاش نوثق فيهم لانهم كدبو عليا كم مره بس زميلنا طمنا وقال فعلا بدو في اجراءات التسيل المهم نحن بنعطوهم بكره ولو محسناش بالنتأج جهزو رواحكم بناخدو ادن من مدرية الامن طرابلس وبنعتصمو بس إن شـاء الله منوصلوش لهدا الامر


انقول انه الوزير والوكلاء والناس الي متعلمة في الوزاره مع الابقاء علي المكتب الكندي بس السوس والفساد الي موجود في الاداره ايحاربو في المكتب الكندي وإن شـاء الله الغلبة للناس الخيره

انقدم شكري لكل الشباب والاخت الي اليوم كانو في الوزاره وبصراحه السيد مندوب المكتب الكندي كان معنا وماقصرش بارك الله في الجميع يعني مطلعناش الا بعد مروح كل الموضفين من الوزاره



الموضوع طويل ويصعب شرحه بس حاولت انوضح بعض الاشياء الي سألتو عنها

ســـــــــــــــــــــــــــــــلام

لفهم ما جري اليوم في الوزارة يجب أولاُ توضيح المشكلة القائمة بين الوزارة و المكتب الكندي كما ذكرها كل طرف
المشكلة الأولي
مسؤلين الوزارة ذكروا إنه بعد عرض التقرير المالي للسنة( 2011-2012) للمكتب الكندي وجود ملبغ مالي تحت تصرف المكتب الكندي و الوزارة طلبوا منه إن يسيل هذا المبلغ للطلبة الجدد لحين وصول ميزانية الربع الثاني, بينما يري المكتب الكندي إن هذا المبلغ هو عبارة عن ضمان مالي لخطابات الضمان المالي لغرض اصدار التأشيرة, عليه رفض المكتب الكندي تفعيل ملفات الطلبة الجدد لحين تسييل الوزاة المبالع المطلوبة.
عليه بعد أجتماع اليوم بالوزارة بين الوزير و الوكلاء الأول و الثاني و مدير الشؤون الإدارية و المالية بالوزارة أتفقوا علي تسييل المبالع االخاصة بالطلبة الجدد والذين وصلوا كندا في أواخر الربع الأول من هذه السنة.
المشكلة الثانية
قصة التأمين الصحي, ذكر مندوب المكتب الكندي بأنه تم نبليغ الوزارة بأن عقد التأمين الصحي لطلبة ينتهي بنهاية شهر أبريل, و قد قدم المكتب الكندي مقاسة للشركات التأمين الكندية المتقدمة بعروض لتقديم هذه الخدمة, و الان الكرة بملعب الوزارة لترسية عقد التأمين علي أحدي الشركات المتقدمة.
المشكلة الثالثة
هناك لوبي في الوزاره يسعي لفسخ أو عدم تمديد عقد المكتب الكندي و هذه كارثة بما تعني الكلمة علي وضع الطالب الليبي بالساحتيين

السلام عليكم أخي Saleh srabet
جزاكم الله كل خير عن ما تقدمونه لمصلحة الطلبة ووفقكم الله لما فيه خير الجميع
فقط لدي استفسار أنا من الطلبة الذين قدمت في التأشيرة وأجريت الكشف الطبي ولي الان اكثر من شهرين
اي بمعنى ان تأشيرتي متوقفة على هذه المشكلة
من واقع مارأيت واستمعت اليه اليوم خلال الاجتماع مالذي سيكون بخصوصنا
هل ستقوم السفارة بمنحنا التأشيرة اما ماذا
الوقت يمر وليس في صالح احد
دمتم بود

saleh srabet كتب:

لفهم ما جري اليوم في الوزارة يجب أولاُ توضيح المشكلة القائمة بين الوزارة و المكتب الكندي كما ذكرها كل طرف
المشكلة الأولي
مسؤلين الوزارة ذكروا إنه بعد عرض التقرير المالي للسنة( 2011-2012) للمكتب الكندي وجود ملبغ مالي تحت تصرف المكتب الكندي و الوزارة طلبوا منه إن يسيل هذا المبلغ للطلبة الجدد لحين وصول ميزانية الربع الثاني, بينما يري المكتب الكندي إن هذا المبلغ هو عبارة عن ضمان مالي لخطابات الضمان المالي لغرض اصدار التأشيرة, عليه رفض المكتب الكندي تفعيل ملفات الطلبة الجدد لحين تسييل الوزاة المبالع المطلوبة.
عليه بعد أجتماع اليوم بالوزارة بين الوزير و الوكلاء الأول و الثاني و مدير الشؤون الإدارية و المالية بالوزارة أتفقوا علي تسييل المبالع االخاصة بالطلبة الجدد والذين وصلوا كندا في أواخر الربع الأول من هذه السنة.
المشكلة الثانية
قصة التأمين الصحي, ذكر مندوب المكتب الكندي بأنه تم نبليغ الوزارة بأن عقد التأمين الصحي لطلبة ينتهي بنهاية شهر أبريل, و قد قدم المكتب الكندي مقاسة للشركات التأمين الكندية المتقدمة بعروض لتقديم هذه الخدمة, و الان الكرة بملعب الوزارة لترسية عقد التأمين علي أحدي الشركات المتقدمة.
المشكلة الثالثة
هناك لوبي في الوزاره يسعي لفسخ أو عدم تمديد عقد المكتب الكندي و هذه كارثة بما تعني الكلمة علي وضع الطالب الليبي بالساحتيين

الاخوة اللي تواجدوا اليوم في الوزارة

بارك الله فيكم علي جهودكم واسئل الله ان يييسر لنا ولكم كل خير

سؤالي اليكم بما انكم كنتوا حاضرين وتحاورتوا مع بعض المسئولين على هذا الموضوع في الوزارة

هل تتوقعوا انه مشروع اللوبي المستهدف الغاء التعاقد مع المكتب الكندي ربما ينجح او ان المتوقع هو استمرار المكتب ؟؟!!


واحني اللي في التفويض رقم 4 ودراستنا تبدا بداية مايو هل نقدروا نسافروا ومافيش علينا اي ضرر او خوف سواء لعدم تفعيل ملفاتنا او صرف المنحة وغيره

او انه توا مش واضح شي والايام الجاية هي اللي بتوضح ؟

تحيـــــــاتـــــــــــــــــي

الاخوة اللي تواجدوا اليوم في الوزارة

بارك الله فيكم علي جهودكم واسئل الله ان يييسر لنا ولكم كل خير

سؤالي اليكم بما انكم كنتوا حاضرين وتحاورتوا مع بعض المسئولين على هذا الموضوع في الوزارة

هل تتوقعوا انه مشروع اللوبي المستهدف الغاء التعاقد مع المكتب الكندي ربما ينجح او ان المتوقع هو استمرار المكتب ؟؟!!


واحني اللي في التفويض رقم 4 ودراستنا تبدا بداية مايو هل نقدروا نسافروا ومافيش علينا اي ضرر او خوف سواء لعدم تفعيل ملفاتنا او صرف المنحة وغيره

او انه توا مش واضح شي والايام الجاية هي اللي بتوضح ؟

تحيـــــــاتـــــــــــــــــي[/quote]

يسر الله امرك
شوفي الخاص

السلام عليكم

اختي امة الرحمن انا نفس الحال الدراسة تبداء في شهر مايو وإن شـاء الله المشكله في طريقها الي الحل وبالنسبه للوبي اتوقع انه لن ينجح في تحقيق هدفه لان الموضع بسبب مشاكل ولان الوزير و الوكلاء مؤيدين للمكتب الكندي

ســــــــــــــــــــــــــلام

abdo_abadi كتب:

السلام عليكم

اختي امة الرحمن انا نفس الحال الدراسة تبداء في شهر مايو وإن شـاء الله المشكله في طريقها الي الحل وبالنسبه للوبي اتوقع انه لن ينجح في تحقيق هدفه لان الموضع بسبب مشاكل ولان الوزير و الوكلاء مؤيدين للمكتب الكندي

ســــــــــــــــــــــــــلام

ربي ييسر لنا كل خير وفعلا مشكورين جدا علي جهودكم اخي عبدو انت والشباب اللي معاك.
ويارب اي حد يبي يتاجر في مصير الطلبة مايتوفقش في غاياته.

من وجهة نظري, فسخ عقد المكتب الكندي هي مسألة قانونية بالدرجة الأولي وبالتالي يتوقف علي بنود العقد الأساسي, علي العموم المجموعة التي تعمل علي تشويه سمعة المكتب الكندي ليس لديه الحجج القانونية لذلك, بل يتكلمون عن وقائع غير منطقية لأن يقع فيها مكتب في خبرة المكتب الكندي, وقد لاحظت ذلك من ردود مندوب المكتب الكندي علي بعض الأتهامات من قبل مدير إدارة الشؤون الإدارية والمالية بالوزارة بخصوص بعض الأجراءات والتي يروا أنها غير قانونية.

الف شكر على هالمجهودات واوضح كلام هو ما تقدم به الاخ سالم القصة اكبر من انها اتكون مجرد محافظة على الطلبة ... ربي يستر اللهم اجرنا من عوافب مل قد يفعله هؤلاء يارب العالمين ... ادعو معايا يا اخوتي راهو ليبيين ونعرفو بعضنا

وفقكم الله ونشكر كل الأخوه لكانو اليوم في الوزاره وإنشاء الله كل من لديه نية سوء أو مطامع خاصة إنشاء الله ربي يجعل كيدهم في نحورهم ومشكورين كل الأخوة علي الفزعة وأجعلها في ميزان حسناتكم