ألي كل من يهمه حل مشكلة المكتب الكندي ارجو التعاون

بارك الله فيك خوي عبدو وان شاء الله تمشي الامور

عن نفسي بنشوف حل تاني لان العملية طولت الحق

سبحان الله بدل من ان الامور تتحسن في ليبيا للأسف تزداد سوء ومش عارف ليش ، تي والله لو الواحد يعتصم قدام وحدة من السفارات الخليجية يضموه معاهم طول


لا حول ولا قوة الا بالله

مع احترامي لمندوب المكتب الكندي
هذه ليست ردود شخص مسئول يعني على حساب من هذا التأخير ولماذا التأخير في الاجراءات
كيف نريد مخرجات جيدة للدولة من قطاع التعليم ولازال هناك من يعرقل في العملية التعليمية

أنا في وجهة نظري أن يكون هناك اعتصام واحتجاج امام السفارات في كل الدول الموفد اليها الطلبة الليبيين

بالكش يتحشموا على أرواحهم شويا مع أسفي لهذه العبارة لأن الواحد معادش القاء ما يكتب

والله ولي التوفيق
وإن شاء الله ربي يحفظ ليبيا
ويوفقنا جميعا لما فيه خير البلاد والعباد

السلام عليكم ورحمة الله وبركاته

اخي محمد القماطي

الحل هو انك تتصل بالمكتب الكندي وتفمه ان الخطأ مش منك وان عندك حالة طارئة توا وتخطرهم بانك تعرف ان عندك الحق في انك تدخل زوجتك للمستشفى وتحول لهم الفواتير وهما يردوها لك ( نقصد المكتب الكندي فور استلامهم للتأمين الصحي من ليبيا ).. فاهمني ياخوي من حقك " المهم يكون معاك حاليا مصاريف المستشفى " وهذي امشي من اليوم اسأل على الاسعار بيش تعرف امكانياتك.

ارجع وانقولك المكتب الكندي ملزم بسداد الفواتير اللي بتصرفهم لاي علاج لعند حل المشكلة ( تاخذ وقت سداد الفواتير لحين نزول المنح والتأمين الصحي) ولكن على الاقل ادبر روحك لانقاذ الموقف توا وبعدين يردوهم انشالله .

خوي اي مساعدة مافي مشكلة احنا خوت. ولو تكتب من اي ولاية ربما تكون قريب ونقدر نساعدك.

تمنياتي لك بالتوفيق ولكل الليبين.

ترددت واجد عبارة ( اضغطوا على اعضاء المؤتمر ) ، إذا تم الضغط عليهم فعلا معناها حيستقيلوا ... نعم هذا هو الواقع للأسف .

الان في الشريط الاخباري لقناة ليبيا الاحرار

الطلبه اليبيين في امريكا يعانون من تاخر المنحة ويناشدون وزير التعليم العالي حل الاشكال هههههههههه كأن المشكله جت من عدم مش هو الوزير الي امسببها انا انقوللكم المره هدي ابشرو انها حتنحل المشكله بعد وصلت للاعلام

اخواني توا كيف ارسلت المدكره للسيد طه الي يشتغل في قناة العاصمة نتوقع بكرة او بعده يثار الامر في قناة العاصمة

حسبنا الله ونعم الوكيل ولاحول ولاقوة الابالله العلى العظيم

اللهم لاحول ولا قوة الا بك

بصراحة وضع مأســــــــــاوي

ربي ينتقم من كل من كان له يد او قول او عمل ادّى الى هذه المشكلة

وعليكم السلام اختي حنان
حياك الله
واعانك وسدد خطاك

اما عن المعضلة القائمة وطريقة حلها

انا من وجهة نظري ان حكومتنا هذه حكومة ردود افعال
فاعتقد انهم مش ح يهتموا ولا يعبروا ولا يحسوا بالمشكلة الا بالاعتصامات انتم امام السفارات الليبية في كندا وامريكا
ونحن هنا امام رئاسة الوزراء ومقر المؤتمر الوطني

وعدم الاكتفاء بحل المشكلة وانما معاقبة من تسبب فيها
واولهم واهمهم وزير التعليم العالي واللوبي التابع ليه.

امة الرحمن كتب:

وعليكم السلام اختي حنان
حياك الله
واعانك وسدد خطاك

اما عن المعضلة القائمة وطريقة حلها

انا من وجهة نظري ان حكومتنا هذه حكومة ردود افعال
فاعتقد انهم مش ح يهتموا ولا يعبروا ولا يحسوا بالمشكلة الا بالاعتصامات انتم امام السفارات الليبية في كندا وامريكا
ونحن هنا امام رئاسة الوزراء ومقر المؤتمر الوطني

وعدم الاكتفاء بحل المشكلة وانما معاقبة من تسبب فيها
واولهم واهمهم وزير التعليم العالي واللوبي التابع ليه.

السلام عليكم اختي حنان ادا احتجنا ممكن ناخد رقمك لان قلت لسيد طه اني مستعد انمده باي معلومات بهدا الخصوص بالله خليك علي تواصل انتي يمكن اكثر الناس الي فاهمه المشكله وعندك حقائق

السلام عليكم ، اليوم تم أرسال التفويض رقم 5 إلى الخزانة وبالتالي سيكون على الجميع أنهاء الأجراءات المالية والواحد مش عارف شنو يصير في مشكلة المكتب الكندي لأن لعند توا مفيش أي معلومة أكيدة عن حل المشكلة والواحد مش عارف يسافر ولا يراجي خصوصا أن الدراسة تبدأ 13-5-2013 والواحد لازم يكون قبلها بمدة بيش يرتب أجراءاته والله الوزارة تخلق المشكلة والطالب يدفع الثمن ،، والله يوفق الجميع

[quote="محمد القماطي"]السلام عليكم انا ينطبق عليا البند رقم واحد وليا اسبوع فى كندا وحتى الان لا دراسة ولا تامين والمشكلة انى اتصلت بى cbie وقالو مافيش تسجيل للملفات الجدد ولا فيه خبر موكد عليهم والمشكلة عندي فى التأمين لان زوجتى ستنجب قريبا ومش عارف كيف الحل[[/color]. السلام عليكم حبيت انوه على التأمين بالنسبة لزوجنك نحنا هنا في امريكا المرأه الحامل يكون ليها تأمين من الدوله مش للإنجاب فقط بل في كل شيء اسنان ،عيون ...عموما شوف اسأل بلكي عندكم في كندا نفس الشيء وربي يفرجها علينا جميعا

أخ محمد القماطي تقدر تسجل فى التأمين الصحي الكندي وهم يتكفلو بكل شي هذا التأمين خاص بالطلبة ومرافيقهم مثلأً لوأنت فى أدمنتون عندك الألبرت هيلد كير بطاقة يصدرو فيها للطلبة وعلى ضوها تقدر تعالج فى اي مستشفى أو عيادة خارجية بس أسئل على مكان health care

   ﺍﻟﺴﻼ‌ﻡ ﻋﻠﻴﻜﻢ ﻧﺒﻲ ﻧﺴﺄﻝ ﻫﻞ ﺗﺄﻛﺪ ﻣﻮﻋﺪ ﺍﻷ‌ﻋﺘﺼﺎﻡ ﻳﻮﻡ ﺍﻷ‌ﺛﻨﻴﻦ ﺍﻟﻘﺎﺩﻡ ﻭﺫﻟﻚ ﻷ‌ﻥ ﺃﺧﻮﺗﻨﺎ ﻓﻲ ﺃﻣﺮﻳﻜﺎ ﻃﺎﻟﻌﻴﻦ ﻳﻮﻡ ﺍﻻ‌ﺣﺪ ﻓﻲ ﺃﻛﺜﺮ ﻣﻦ ﻭﻻ‌ﻳﺔ ﻭﻟﻘﺪ ﺃﺗﺼﻞ ﺑﻲ ﺃﺣﺪ ﺍﻻ‌ﺧﻮﺓ ﻣﻦ ﺃﻣﺮﻳﻜﺎ ﻭﻳﻄﻠﺐ ﻣﻨﺎ ﻣﺴﺎﻋﺪﺗﻬﻢ ﻣﻦ ﺧﻼ‌ﻝ ﺃﻳﺼﺎﻝ ﺻﻮﺗﻬﻢ ، ﻓﺄﺭﺟﻮ ﺃﻥ ﻧﻜﻮﻥ ﺧﻴﺮ ﻣﻌﻴﻦ ﻷ‌ﺧﻮﺗﻨﺎ ﻓﻲ ﺃﻣﺮﻳﻜﺎ ﻭﻛﻨﺪﺍ ﺑﻌﺪ ﺍﻟﻠﻪ ﺳﺒﺤﺎﻧﻪ ﻭﺗﻌﺎﻟﻰ ،،، ﻭﺍﻟﻠﻪ ﻭﻟﻲ ﺍﻟﺘﻮﻓﻴﻖ
ﻻ‌ ﺗﻨﺴﻮﺍ ﺃﻥ ﺃﺧﻮﺗﻜﻢ ﻳﻄﻠﺒﻮﺍ ﻣﻨﻜﻢ ﺍﻟﻤﺴﺎﻧﺪﺓ ﻭﻣﺤﺎﻭﻟﺔ ﺃﻇﻬﺎﺭ ﻣﺎ ﻳﻌﺎﻧﻮﻩ 

محمد القماطي كتب:

السلام عليكم انا ينطبق عليا البند رقم واحد وليا اسبوع فى كندا وحتى الان لا دراسة ولا تامين والمشكلة انى اتصلت بى cbie وقالو مافيش تسجيل للملفات الجدد ولا فيه خبر موكد عليهم والمشكلة عندي فى التأمين لان زوجتى ستنجب قريبا ومش عارف كيف الحل

نسال الله يفرج كربك ويسهل امرك خوي والله المستعان

السلام عليكم اخوتي واخواتي ..........بارك الله فيك اخي عبدو انا من ضمن الطلاب الذين تنطبق عليهم الحالة رقم (1) لكن كيف طريقة ارسال الاسم على الخاص او فيه طريقة اخرى ...........مع العلم ان لي شهر في امريكا ودرستي بدت ودفعت جميع الرسوم على حسابي الخاص وهي رسوم كبيرة جدا ولا منحة دراسية ولاتامين صحي ..والله ان شاء الله الاخوة في الوزارة ايكون هدفهم بس الاصلاح لكن انا انشك في ذلك لانهم حاسدين المكتب الكندي على المبالغ التي تحول اليه وهم يبوا يسرقوا ويتلاعبوا في هذه المبالغ التي لا يسيل لها الا لعاب الجبناء والخونة والانذال الذين لا تهمهم الامصالحهم الخاصة الضيقة

اخي احمد ربي ايكون في عونك اليوم حاول تتواصل مع قناة العاصمة

اما بالنسبه للمدكره خلاص سلمنها من فترة