بخصوص الدهاب لوزارة التعليم

السلام عليكم ورحمة الله وبركاته
يجب شحد الهمم والاستمرار في مواصلة مشوارنا من اجل تحقيق مطالبنا والبعد عن الانانية حتي وان كانت بعض المشاكل قد حلت لبعض الطلبة من قبل الوزارة...(ان الله عز وجل في عون المسلم مادام المسلم في عون اخيه المسلم)... فان اقترح في المقابلة الجاية انشالله ان نقوم بالاتي:
1- يجب ان يكون عدد الطلبة كبير.(وان يؤخد الموضوع بنوع من الجدية).
2- ان نقوم بتجهيز مدكرة يدكر فيها المشاكل(علي المدي البعيد والقريب) التي تواجه الطلبة في كندا والدين في طور اكمال اجراءاتهم.
3- عند الانتهاء من مقابلة المسئول واتمني ان تكون النتيجة ايجابية يجب ان يكون الرد بكتاب رسمي (يعني ان لاتكون شفوية لن الكلام ماييدفعوش عليه في ضريبة).

والله ولي التوفيق

وعليكم السلام ورحمة الله وبركاته

نأكد على كل كلامك اخي ابو الحسن واسمحلي انضيف عليه

انه حتى لو انحلت المشكلة وبشكل كامل المفروض نتابعوا وباصرار سبب المشكلة والمتسبب فيها مع اعضاء المؤتمر والناس المسؤلة علي التعليم العالي او مايسمى بلجنة التعليم العالي في المؤتمر
لسبيين مهمين
اولا لمحاسبة المتسبب فيها مهما كانت صفته
وثانيا لمنع حدوث هذه المشكلة مرة اخرى

تقبلوا مروري واقتراحي

بارك الله فيكم ونضم صوتى لصوتكم ... وان شاء الله يصير خير

هناك قوائم جديدة علي موقع الوزارة وهذا نص الخبر...

نستعرض الاجراءات المالية المحالة من قبل وزارة التعليم العالي الي المكتب الكندي للتعليم الدولي C.B.I.E والمتمثلة في المنح الشهرية والرسوم الدراسية والمزيا المالية الاخري.

الربع الثاني 2013
تمديد 4 لسنة 2013
تمديد 5 لسنة 2013
تمديد 7 لسنة 2013
قرار الضم 655
مسيل جدد 2 لسنة 2013
مسيل جدد 4 لسنة 2013

يمكنكم الاطلاع علي نص الخبر من هنا

http://highereducation.gov.ly/?p=10228

امة الرحمن كتب:

وعليكم السلام ورحمة الله وبركاته

نأكد على كل كلامك اخي ابو الحسن واسمحلي انضيف عليه

انه حتى لو انحلت المشكلة وبشكل كامل المفروض نتابعوا وباصرار سبب المشكلة والمتسبب فيها مع اعضاء المؤتمر والناس المسؤلة علي التعليم العالي او مايسمى بلجنة التعليم العالي في المؤتمر
لسبيين مهمين
اولا لمحاسبة المتسبب فيها مهما كانت صفته
وثانيا لمنع حدوث هذه المشكلة مرة اخرى

تقبلوا مروري واقتراحي

كلام سليم 100%
إذا لم تتم معاقبة المتسببين في التأخير هذه المرة فسيتكرر هذا الخطأ مرة بعد مرة طالما أن الخاسر الوحيد هو الموفد وليس تلك الديناصورات البيرقراطية

I am with you in any decision you make; may Allah bless you all

لماذا تفويض رقم واحد ليس في موقع الوزاة وهل الذي لا يجد اسمه ؟شن معنىها

السلام عليكم ورحمة الله ورحمة الله وبركاته
عندي ملاحظة نبي انقولها بدون مجاملات احنا في هده المساحة وغيرها والتي تتعلق بالتنسيق لحلحلة مشكلة المكتب الكندي وايجاد حلول لمشاكلنا فلاسف انلاحظ في بعض السلبية من بعض الاخوة مع احترامي لجميع الطلبة( يعني لو مشكلتي انحلت خلاص معاش ليا علاقة) سؤال يحتاج لاجابة واعتقد ان الاجابة انتم تعرفوها بمروركم علي اغلب المساهمات ؟

ابوالحسن كتب:

السلام عليكم ورحمة الله ورحمة الله وبركاته
عندي ملاحظة نبي انقولها بدون مجاملات احنا في هده المساحة وغيرها والتي تتعلق بالتنسيق لحلحلة مشكلة المكتب الكندي وايجاد حلول لمشاكلنا فلاسف انلاحظ في بعض السلبية من بعض الاخوة مع احترامي لجميع الطلبة( يعني لو مشكلتي انحلت خلاص معاش ليا علاقة) سؤال يحتاج لاجابة واعتقد ان الاجابة انتم تعرفوها بمروركم علي اغلب المساهمات ؟

للاسف السلبية ,,,,, اخطى راسي و قص

اليوم مشيت للوازارة و المشكلة قاعدة قايمة

عندك الحق لازم تنحل المشكله من جدورها سواأ لطلبه الجدد أو لقبلهم أو لكيف بقدمو علي الساحة لأن الواحد بدأ خايف يمشي يحصل وخاصة نحن الليبين عندنا صحوة ضمير عالية و نحب نخدم ونخلق المشاكل بسرعة لا قصدي إنحل المشاكل بسرعة

شن قصدهم وزارة المالية في سرعة. التنفيد والتطنيش شن يبونا جماعة الساحة الكندية والأمركية نعتصموا وأنسكروا مصافاة الزاوية زي بعض الناس باش إحسو الناس الراقده بالأزمة لفيها الطالب الليبي إللي بروج بعقده نفسية منهم إقولونا شن الحل وكيف إحبونا أنفهموهم حجم الأزمة حسبي الله و نعم الوكيل

للاسف ان حكومتنا حكومة ردود افعال و ضروري نهتصموا عشان ناخذوا حقنا فياريت ننسقو في يوم و نتجتمعو فيه من طرابلس انا من الجبل الاخضر و مستعد نجي لعند طرابلس و حننسقو مع القنوات عشان يغطو الاعتصام

I agree with you all; we have to show them that the problem is very serious, and we have to work as one team to solve this issue and to prevent this from happening in the future.
may Allah bless our work and efforts.

السلام عليكم

للعلم إن شـاء الله بكره نستنو ادا مفيش جديد معنها استعدو يوم الثلاثاء ويوم الاربعاء حنكون في الوزارة
للعلم المره هدي في مجموعه كبيره ابدة استعدادها انها اتشارك معنا وانا احتمال كحبير بنجيب بطنيتي ةفراشي معاي في السياره ويطلعونا من قدام مكتب الوزير

استعدو ادا بكره مصارش حل نهائي وجدري يبقي خلاص نحنا درنا الي علينا بالطرق العادية ومليهاش الا الطريق الاعتصام وتعطيل العمل وهدا اخر حل ونتمني منوصلولاش

ســــــــــــــــــــــــلام

ربى معاك ونحن سوف ندعى لكم والله لو اننى فى طرابلس لكنت اول شخص ولكن ليس باليد حيلة وانا كل الذى استطعت ان افعلة هو ابلاغ عضو المؤتمر بالمذكرة والاصرار علية على ان يكون الحل سريع وفورى وجذرى ودعائى لكم بالتوفيق وييسر اموركم
امين امين امين

abdo_abadi كتب:

السلام عليكم

للعلم إن شـاء الله بكره نستنو ادا مفيش جديد معنها استعدو يوم الثلاثاء ويوم الاربعاء حنكون في الوزارة
للعلم المره هدي في مجموعه كبيره ابدة استعدادها انها اتشارك معنا وانا احتمال كحبير بنجيب بطنيتي ةفراشي معاي في السياره ويطلعونا من قدام مكتب الوزير

استعدو ادا بكره مصارش حل نهائي وجدري يبقي خلاص نحنا درنا الي علينا بالطرق العادية ومليهاش الا الطريق الاعتصام وتعطيل العمل وهدا اخر حل ونتمني منوصلولاش

ســــــــــــــــــــــــلام

بس الاعتصام قدام وزارة التعليم العالي ما اعتقدش حيؤثر بأي شي على العمل او تعطيله لانها ببساطة جاية في مكان مهجور

اما من ناحية المشي للوزارة فسنكون في الموعد بحول الله وحتى لو ماقدرتش نحضر حينوب عني اخي

ابوالحسن كتب:

السلام عليكم ورحمة الله ورحمة الله وبركاته
عندي ملاحظة نبي انقولها بدون مجاملات احنا في هده المساحة وغيرها والتي تتعلق بالتنسيق لحلحلة مشكلة المكتب الكندي وايجاد حلول لمشاكلنا فلاسف انلاحظ في بعض السلبية من بعض الاخوة مع احترامي لجميع الطلبة( يعني لو مشكلتي انحلت خلاص معاش ليا علاقة) سؤال يحتاج لاجابة واعتقد ان الاجابة انتم تعرفوها بمروركم علي اغلب المساهمات ؟

اتمنى ان تتكاثف الجهود بشكل جدي واني متأكدة لو اصرينا اننا نوصلوا لحل لهذه المشكلة فحنوصلوا بإذن الله طالما مسعانا فيه خير للجميع لـكــــــــــــــــــــــــن
حل هذه المشكلة مفروض مايكونش هو هدفنا.

ياريت يكون هدفنا هو علاج المشكلة من جدورها ومعرفة مسبباتها والسعي لمحاسبة مسببيها.
وعقابهم بما يقتضيه القانون ...

ف كونه وزير او احد نواب البرلمان او حتى رئيسه هذا لايعفيه من المسآلة والمحاسبة

غير هكي انا في اعتقادي ان السلبية مازالت موجودة فينا وان قلت نسبتها.



ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

اللهم ولي امورنا خيارنا ولاتسلط علينا من لايخافك ولا يرحمنا.

نستنو بكره وإن شـاء الله خير المهم خليكم مستعدين وخلي كل الناس علي علم وانا حنحاول نتصل بقناة العاصمة

السلام عليكم::::
أنا نحب ندلي بدلوي في الحراك اللي تبي تقوموا بيه... فيه ثلاث جهات مسؤولة عن التأخير
١- البعثات وانا مسؤول عن كلامي من ناحية القوائم والاسماء المفقودة وتأخير تحويلهم للوزارة.
٢- الوزارة نفسها بسبب تسيبهم واهمالهم للطلبة.
٣- مصرف ليبيا المركزي وتأخيره للتحويلات المالية.
اكثر واحد برئ هو المصرف ولكن نرى لو فيه اعتصام يمشي للمصرف لأنه النقطة الاضعف عند الحكومة،،،،،،
الحاجة الثانية بالنسبة للطلبة اللي متحولوش اسمائهم فهذي جريمة والله.... ولو تعرفوا سبب اسقاط اسمائهم تنصدموا وتقولوا ما نطلعوا من ليبيا لين تسقط ادارة البعثات اولا والوازارة ثانيا.

اخواني الي كل من اخد نسخة وحيسلمها لاعضاء المؤتمر انا كنت في اتصال مع السيد عضو المؤتمر وقالي إن شـاء الله بكره حتجتمع اللجان المختصة وحتناقش هده المدكره يعني الي يبي ايكلم عضو المؤتمر عن دائرة يستغل الفرصة وايكلمة اليوم او بكره في الصبح بيش يضغط بكره في الاجتماع

شكراً ليكم اخواني وربي ايجيب الي فيه الخير

kazekage.sama.5 كتب:

السلام عليكم::::
أنا نحب ندلي بدلوي في الحراك اللي تبي تقوموا بيه... فيه ثلاث جهات مسؤولة عن التأخير
١- البعثات وانا مسؤول عن كلامي من ناحية القوائم والاسماء المفقودة وتأخير تحويلهم للوزارة.
٢- الوزارة نفسها بسبب تسيبهم واهمالهم للطلبة.
٣- مصرف ليبيا المركزي وتأخيره للتحويلات المالية.
اكثر واحد برئ هو المصرف ولكن نرى لو فيه اعتصام يمشي للمصرف لأنه النقطة الاضعف عند الحكومة،،،،،،
الحاجة الثانية بالنسبة للطلبة اللي متحولوش اسمائهم فهذي جريمة والله.... ولو تعرفوا سبب اسقاط اسمائهم تنصدموا وتقولوا ما نطلعوا من ليبيا لين تسقط ادارة البعثات اولا والوازارة ثانيا.

شكرا اخي كلامك فيه جانب كبير من الصوب ان لم يكون كله صواب وحنشوف وين واقف الاجراء وحنحاول نضغط اكثر وبعدين انشوف الاخطاء من وين بداة وانحاسبوهم واحد واحد

والله الا وضع مأساوي معقولة حتى المصرف واخد فينا حصة وهو دوره مايتعداش الحوالات المالية ؟؟؟!!!


لكن مرات العصابة اللي في الوزارة حتى لما نشروا في موقعهم انهم حولوا الميزانية للمصرف حيطلع مجرد موضوع للنشر ليس الاَ.

اليوم الاثنين الساعة 3.00 صباحا يعني نص الليل موقع المكتب الكندي منحي كل الاخبار الي علي المنحة و تاخيرها اما المشكلة انحلت او زادت تعقدت مع العلم الاخبار كانت موجودة يوم الأحد و يستر الله