بخصوص الطلبة الليبين والمكتب الكندي للتعليم الدولي CBIE

السلام عليكم
يعني كيف هل المكتب الكندي هو سبب المشكلة ويكذب علينا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بجد مافهمنا من اللي يكذب ؟؟؟ كيف يصير المكتب يكذب ومن عطاه الصلاحية؟؟؟ انا كنت اعتقد انه ينفذ في اوامر ليبيا والسفارة فقط؟؟؟
وضحوا لي ارجوكم

اخي الصويع انا نعرف انك تشتغل في وزارة التعاليم العالي ونعرفك كويس انت توا قاعد اتوقل مفيش مشكله والناس الي موجودين بره نعرفهم وتوا كنت انكل في صديق في امريكا وقالي لعند توا مخديناش المنحه يبقي انا من انصدق الي في وزارة التعليم والا الي موجود في الساحة وايعاني؟؟؟؟؟؟؟؟؟؟؟؟؟؟؟؟

وبعدين اقري شن المكتوب كم ليه موصلش انا اليوم بنفتح ملف في المكتب الكندي القيتهم اموقفين الخطاء من وزارة التعليم وعلي العموم الحساب في المؤتمر توا وفي الاخيره بعدين

alswai كتب:

السلام عليكم ورحمة الله وبركاتة


اخوتي الاعزاء الطلبة الكرام


بعد التحية ،،،،


كثر الحديث في المدة الماضية حول الطلبة الجدد الذين سوف يدرسون في امريكا وكندا وما قد يحدث لهم في حال الوصوال الي بلد الدراسة بحجة ان المكتب الكندي قد قام بارسال رسائل الي الطلبة الجدد مفادها بانه لن يقبل الطلبة ولن يقوم بدفع المنح الشهرية الخاصة بهم وكانه هو الذين يصرف علي طلبتنا الاعزاء من حر ماله او من جيبه الخاص , فوجب التنبيه


بخصوص الطلبة الذين نفذوا في سنة 2013 فجميع الطلبة قد تم احالة مخصصاتهم المالية الي المكتب الكندي وهذا ماقصد به بان المكتب لا يصرف علي الطلبة الليبين من جيبه الخاص بل من قبل المبالغ المحالة من ليبيا

ايضا يوجد بيان هام لجميع الحوالات التي تمت الي حد الان علي موقع وزارة التعليم العالي قوائم بما تم احالته تشمل الربع الثاني للطلبة الفعلين
والطلبة الجدد تجدونهم بمسيل الجدد


وفي النهاية اخوتي الطلبة عليكم بالاجتهاد في الدراسة وترك الامور التي من شانها ان تواثر علي الطالب علميا ونفسيا

ومن باب الشفافية ارجوا من الطلبة الكرام ان يضعوا صورة من مراسلات المكتب الكندي بخصوص وقف المنح

وفي الختام اسال الله العلي القدير لكم العفو والعافية ودوام الصحة والتوفيق

وهذا للعلم والافادة وشكرا


alswai

وعليكم السلام ورحمة الله وبركاته
خوي الصويعي حياك الله

سامحني بننتقذ كلامك في ان الخطأ اولا وءاخرا من وزارة التعليم العالي لانهم وبصراحة مش حاسين بمعاناة الطلبة اللي من اول ما مسلفرين ماشيين علي اساس انهم موفدين ودولتهم بتتكفل بكل امورهم ومرتبين ارواحهم على هذا الاساس

اما كونه المكتب مايصرفش عالطلبة من حر ماله فهذا كلام لاغبار عليه لانه الطلبة اساسا موفدين على حساب بلادهم واللي هيا ليبيا ومش موفدين على حساب كندا او امريكا

احني في وضع لازم نكونوا فيه صرحاء مع انفسنا ونقولوا للمخطيء انت مخطي في وجهه ومن غير مجاملات

الوزارة ماحستش ولا قدرت كم التعب النفسي والمعاناة اللي سببتها للطلبة اللي مفروض مايكونش في اعتبارهم الا دراستهم وكيف يتحصلوا على افضل المعدلات

كم اتمنى ان يتم متابعة المتسبب في هذه المعضلة ومحاسبته بما يليق بيه مهما كان شخصه ووضعه وصفته

ختما لا املك ما اقول الا
حسبنا الله ونعم الوكيل في كل من يتاجر بمصير طلبتنا سواء في غربتهم او اثناء اكمال اجراءاتهم لغرض الايفاد

وحسبنا الله ونعم الوكيل في كل ظالم وكل من يعينه.

وللعلم الا حد اليوم الطلبة الموجودين اساسا في امريكا وكندا واللي قرايتهم بادية من فترة مازال ماتقاضوا المنحة لشهر ابريل فكيف نفهموا ان الامور انحلت

وبالنسبة لينا نحن اللي قرايتنا بتبدا بداية الشهر الجاي لو مشينا ومانحالتش المشكلة قبل بداية الشهر معناها مش حتتفعل ملفاتنا ومضطرين نقعدوا لغاية شهر 9 من غير قراية واكيد هذه المدة حتنحسب علينا من فترة الايفاد واكيد طالما ملفاتنا مش متفعلة ممعناها احني حنتحملوا مصاريفنا برواحنا واكيد معروغف للجميع ان كندا وامريكا من اغلى دول العالم وما اعتقدش ان الطالب بامكانه يصرف مبلغ لايقل عن 3000 دولار شهريا يعني تقريبا 12000 دولار عن مدة 4 اشهر كمصروف بسيط وايجار فقط هذا في حالة انه شخص واحد او معاه مرافق بس
وطبعا لو عنده اطفال فالموضوع يطول شرحه
وقصة التأمين الصحي موضوع بروحه

والسؤال هنا هل الطالب موفد ليتحصل على منحة من الدولة وتكفلها برسوم الدراسة والتأمين الصحي ام انه موفد بالاسم بحيث بيكلف نفسه واهله مصاريف هم في غنى عنها

؟؟؟؟؟؟؟؟؟؟؟؟؟؟؟!!!!!!!!!!!!!!!!

ياريت نكونوا واقعيين ونحسوا ببعض اكثر.

اخوتي كدا خشوا على الرابط هذا
http://highereducation.gov.ly/?p=10228

تمام توا نلقوا اول رابط فيه يخص قوائم للربع الثاني من السنة 2013
تمام لما تضغط جوا الرابط تلقى قوائم فيها اسماء مباشرة مافي عنوان للرسالة لكن لو تقروا عنوان الرابط فوق في address توا نلقوا الربع الاول فهل هذا خطأ ام انها الحقيقة؟؟

http://highereducation.gov.ly/wp-content/uploadsold/2013/04/%D8%A7%D9%84%D8%B1%D8%A8%D8%B9-%D8%A7%D9%84%D8%A7%D9%88%D9%84-2013.pdf

هذا الرابط اللي يطلع مكتوب فيه الربع الاول ما الثاني ؟؟؟؟

ثاني شي واحد فيكم يفهمني شن المقصود بالاجمالي شني الرقم اللي اللي مكتوب فيه . لاني بجد مافهمت كلنا يعطوا فينا المنحة الشهرية باهي شني الاجمالي شني؟؟؟

اعتقد انه العقليه الاولي مزالت موجوده ومدام فيه هدي العقلية يبقي نحن مش في خير واعتقد كونك تشتغل في الوزارة الاحسن انك اتكون صريح ومدافعش عن الخطاء مشكورة اختي امة الرحمن

يأخ الصويعي .. اترك الموفدين وشأنهم
انت تقول ان المنحة وصلت ... نحتاج جبــــــــــال من المنح بش تغطي كل مصاريف الطلبة
وزير التعليم ووكيله يقول : اما ان توقفو القراية واما ان نقتلكم بالشر ؟؟؟؟؟

Om Ahmed كتب:

يأخ الصويعي .. اترك الموفدين وشأنهم
انت تقول ان المنحة وصلت ... نحتاج جبــــــــــال من المنح بش تغطي كل مصاريف الطلبة
وزير التعليم ووكيله يقول : اما ان توقفو القراية واما ان نقتلكم بالشر ؟؟؟؟؟

قصدك اما ان اقتلكم او اخلف لكم مرض نفسي واكتأب حاد لان امين التعليم في عهد الطاغي يحارب في العلم الباين انه الوزارة هدي نفس الشي ونفس السياسه

حلو التعبير صح لسانك

tobeidi كتب:

اخوتي كدا خشوا على الرابط هذا
http://highereducation.gov.ly/?p=10228

تمام توا نلقوا اول رابط فيه يخص قوائم للربع الثاني من السنة 2013
تمام لما تضغط جوا الرابط تلقى قوائم فيها اسماء مباشرة مافي عنوان للرسالة لكن لو تقروا عنوان الرابط فوق في address توا نلقوا الربع الاول فهل هذا خطأ ام انها الحقيقة؟؟

http://highereducation.gov.ly/wp-content/uploadsold/2013/04/%D8%A7%D9%84%D8%B1%D8%A8%D8%B9-%D8%A7%D9%84%D8%A7%D9%88%D9%84-2013.pdf

هذا الرابط اللي يطلع مكتوب فيه الربع الاول ما الثاني ؟؟؟؟

ثاني شي واحد فيكم يفهمني شن المقصود بالاجمالي شني الرقم اللي اللي مكتوب فيه . لاني بجد مافهمت كلنا يعطوا فينا المنحة الشهرية باهي شني الاجمالي شني؟؟؟

الاجمالي يقصدوا بيه المبلغ المتحول عن الربع الاول لسنة 2013 كمنحة للطلبة
يعني شهر 1 و2 و3

المهندس 2010 كتب:

الخلاصة أن لا وزارة التعليم ولا البعتات ولا وزارة المالية حاسين بالطلبة ف الخارج ومعاناتهم
الطالب بدل ما يرجع بأحسن الشهادات يرجع راكبه السكر والضغط ومريض نفسي
حسبي الله ونعم الوكيل

تعقيبا على كلامك اخي المهندس ان الادهى والامر انه حتى الطلبة المتضررين
من هذا الوضع ماهمش حاسين بحجم المشكلة ولا مقدرين بعضهم ولا حتى انفسهم
سواء اللي هما غادي زي حالاتكم او اللي هني وتفويضهم وتذاكرهم وكل امورهم
تمام ومش موقفهم عالسفر والدراسة الا هذه المشكلة زي حالاتي او الطلبة اللي
مابعتولهمش كشفهم الطبي او مافتحولهمش ملف في المكتب الكندي او حتى اللي
تأشيرتهم واتية وما استلموهاش لنفس السبب
الكل مطنش ومداير روحه الكلام
مش عليه الا من رحم ربي وما اقلهم واكبر دليل على كلامي عدد الحضور يوم
اللي حددناه للاجتماع في الوزارة
ف
بالله عليكم كيف نبوا يديرولنا
اعتبار او حلول واحني مش مدورين ولا مهتمين بالموضوع الا من خلال كلامنا
ونقاشنا في هذا المنتدى اللي ما اعتقدش ايخشله الا الناس اللي يهمها بس


لو ماتحركناش برواحنا مش حيحس بينا حد ولا حيدرنا حد
ارجو ان
تتقبلوا كلامي وان كان قاسيا

بخصوص شهر أبريل للطلبة المفعلين فلم يصرف ولم يصل إلى كندا إلى حد الآن
والأخبار المتداولة هي أنه لا يزال في المصرف المركزي والمحافظ لم يوقع على تحويل الأموال بعد (طبعا لأن كل واحد لازم يبين للناس إنه مهم فيعطل الإجراء شوية ... هذه ثقافة معروفة)
أما الطلبة غير المفعلين فمخصصاتهم المالية لم تصل إلى المصرف المركزي بعد .. أي أنها ما زالت في بداية الطريق
المهم ليس فقط قيام الوزارة بتحويل المخصصات المالية، بل أيضا هل تم ذلك في الموعد الصحيح أم لا؟

يعني كيف يصير نكلموا الناتو يضرب وزارة التعليم بمن فيها ولة نكلمو المنظمات الانسانية تشوف الاستهتار يلي عند المسئولين ولة شن الراي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

moh_te كتب:

يعني كيف يصير نكلموا الناتو يضرب وزارة التعليم بمن فيها ولة نكلمو المنظمات الانسانية تشوف الاستهتار يلي عند المسئولين ولة شن الراي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

والله ننصحك لو كان عندك جهد ماتغيبش خوووووووووووووووي

امة الرحمن كتب:

المهندس 2010 كتب:

الخلاصة أن لا وزارة التعليم ولا البعتات ولا وزارة المالية حاسين بالطلبة ف الخارج ومعاناتهم
الطالب بدل ما يرجع بأحسن الشهادات يرجع راكبه السكر والضغط ومريض نفسي
حسبي الله ونعم الوكيل

تعقيبا على كلامك اخي المهندس ان الادهى والامر انه حتى الطلبة المتضررين
من هذا الوضع ماهمش حاسين بحجم المشكلة ولا مقدرين بعضهم ولا حتى انفسهم
سواء اللي هما غادي زي حالاتكم او اللي هني وتفويضهم وتذاكرهم وكل امورهم
تمام ومش موقفهم عالسفر والدراسة الا هذه المشكلة زي حالاتي او الطلبة اللي
مابعتولهمش كشفهم الطبي او مافتحولهمش ملف في المكتب الكندي او حتى اللي
تأشيرتهم واتية وما استلموهاش لنفس السبب
الكل مطنش ومداير روحه الكلام
مش عليه الا من رحم ربي وما اقلهم واكبر دليل على كلامي عدد الحضور يوم
اللي حددناه للاجتماع في الوزارة
ف
بالله عليكم كيف نبوا يديرولنا
اعتبار او حلول واحني مش مدورين ولا مهتمين بالموضوع الا من خلال كلامنا
ونقاشنا في هذا المنتدى اللي ما اعتقدش ايخشله الا الناس اللي يهمها بس


لو ماتحركناش برواحنا مش حيحس بينا حد ولا حيدرنا حد
ارجو ان
تتقبلوا كلامي وان كان قاسيا

رغم اني صارتلي ظروف منعتني من السفر لكندا خلال هذه المدة لكن
انا معاكم شباب ومستعدين لاي شي من شانه يحل هذه المشكلة ويخليها ماتتكررش مرة ثانية

المشكلة
ان حتى وزارة التعليم العالي جاية في مكان ماليشي لاتأثير ولا حيوية وكان
هذا نقوللكم نديروا اعتصام قدامها وما نردوش لحياشنا لين تنزل منحة طلبتنا
اللي برا

لكن الاعتصام قدام ريكسوس هو الحل
شن رايكم معاي في الراي ولا لا؟

مشكور اخ صويعي....بس والله الوضع مقلق....أنا الأن في كندا من شهرين و المراسلة الأخيرة فيها عدد كبير من الطلبة غير مدرجين ما هي الأسباب وكيف يتم التدارك.

هادو تعودو على تسكير الطرق والشوارع ,, احسن شى اعتصام امام الوزارة ,, لانهم بجد غير حاسين بالطلبة وممكن بالعكس فرحانين ان نعانو ومقطوعة المنحة ,, يقولك مستريحين وعايشين فى كندا وامريكا وحنا قعدنا غير نحولولهم فى الفلوس بس ,, هذه هيا عقليتهم يا سادة

osama44 كتب:

هادو تعودو على تسكير الطرق والشوارع ,, احسن شى اعتصام امام الوزارة ,, لانهم بجد غير حاسين بالطلبة وممكن بالعكس فرحانين ان نعانو ومقطوعة المنحة ,, يقولك مستريحين وعايشين فى كندا وامريكا وحنا قعدنا غير نحولولهم فى الفلوس بس ,, هذه هيا عقليتهم يا سادة

كلام واقعي
100%

امة الرحمن كتب:

osama44 كتب:

هادو تعودو على تسكير الطرق والشوارع ,, احسن شى اعتصام امام الوزارة ,, لانهم بجد غير حاسين بالطلبة وممكن بالعكس فرحانين ان نعانو ومقطوعة المنحة ,, يقولك مستريحين وعايشين فى كندا وامريكا وحنا قعدنا غير نحولولهم فى الفلوس بس ,, هذه هيا عقليتهم يا سادة

كلام واقعي
100%

[td]
مشاكككككككككككككككككككككككككل