استفسار قبل السفر لبريطانيا بعون الله

السلام عليكم
اخوتي ايام قليلة تفصلني عن السفر لبريطانيا للدراسة بعون الله
ولكن عندي بعض الاستفسارات العاجلة التي اتمنى ان اتحصل فيها على اجوبة سريعة وواضحة من اهل الخبرة
نظرا لانني قد لا اتمكن من الحصول على الانترنت لاحقا لاسباب خاصة
****
1- ما هي افضل خطوط الاتصالات البريطانية والاقتصادية للطالب ؟
2- هل يمكن ان اشتريها من المطار مع كروت الشحن الخاصة بها ؟
3- ما هو نوع الشفرات ببريطانيا ( يعني حجم كبير مثل شفرة ليبيانا والمدار والا حجم صغير مثل ما ينطبق على الايفون؟
وكم يبلغ سعر الشفرة؟
4- ما هي افضل خطوط او مودم الانترنت ؟
وهل يمكن ايضا ان اتحصل عليه في المطار ..مع توضيح كيفية الاشتراك ؟
5 ادا لديكم اي نصائح اخرى مهمة نرجو افاتي بها
ولكم مني كل الشكر

معقولة 12 مشاهدة ولا رد واحد

اصبري يا اختي ان شاء الله الشباب عندهم خبرة يردوا عليك قريبا لان الوقت ما زال بكري شوية واليوم عطلة

مع دعواتنا لك بالتوفيق والنجاح

السلام عليكم ورحمة الله وبركاته

اولا بالنسبة الى شفرات الاتصالات فأفضل الشركات مناسبة من حيث الاسعار في الاتصالات الى ليبيا

lycamobile وسعر الدقيقة 29 بنس وادا قمت بتعبأة كرت 20 باوند يصبح رصيدك 30 باوند ومنها اصبحت الدقيقة تكلف 19 بنس فقط

كذلك شركة lebara الا اني لا املك معلومات جيدة عنها ولاكن بعض الطلبة يشكرو فيها

بالنسبة الى الكروت موجودة في معظم المحلات وهي عبارة عن جهاز عند البائع ما عليك سوى طلب كرت بقيمة معينة وتحديد الشركة عند الشراء مثلا 20 باوند شبكة lycamobile


اما بالنسبة الى سعر الشفرة فهو مجاني في اغلب الاحيان المهم انك تاخد مني شفرة هههههههه وتشترك معاي

موضوع حجم الشفرة لا اعلم الا اني قمت بقطع الشفرة عند محل موبيل يعني مثل ما نعملو في ليبيا بمبلغ رمزي والسلام

ثانيا : شركات الانترنيت فهي موجودة مسبقا في جميع المنازل ما عليك الا دفع الاشتراك الشهري فلا اعتقد انك سوف تحتاجين الى الاشتراك ومعظم الاشتراكات شركة VirginMedia وسرعة Download تصل الى 4MB

تحياتي وربي يوفقك في دراستك

هي السلام عليكم

اهلا بيك وتوصل بسلامه الله اولا

معليشي خلي انفهمك بالمصطحلات الليبيه احسن

بالنسبه للشفرات للاتصال بليبيا فهم هلبه وافضل العروض في الوقت الحالي هي فيكنوري اسم الشفره فيكتوري موبايل
سعر الدقيقه 20 بنس يعني عشرين قرش وهي الافضل تعتبر . بالنسبه لشفره لايكا فهمي مازالت اغلي ماننصحكش بيها
هو صح كلام الاخ ممكن تعبي بعشرين ويعطوك عشره زياده ايولوا تلاتين لكن مده الصلاحيه شهر فقط اصرفهم ولا راحوا عليك
طبعا هدا الكلام عن تجربه يعني مجربها فخليك على الفيكتوري لين يسهل الله الحال

اما بالنسيه للشفره اللي ممكن تسعملها للاتصال الداخلي داخل بريطانيا فهي شركه التري عروضها مليحه وارخض شركه
ادير معاهم عقد ب12 الباوند يعطوك 500 او 600 دقيقه وانت والزهر و1 قيقا انترنت مش حاتكملهم اضني وفري تكست مسج
ولما بدير معاهم عقد لازم يكون عندك حساب في البنك ف على بين مافتحت حساب خلبك الفيكتوري لكل اتصالاتك الداخليه والخارجيه


الانترنت اوكي توصل للحوش امتاعك على خير ان شاءالله اسأل صاحب الحوش او الوكاله قوله في نت واصل واي شركه
المهم في ولا مافيش غير انت بتسأله من باب المعلومه انت اللي بديره تنزله للتاون يعني الستي سنتر اللي في المدينه امتعك
وتمشي لشركه الفيرجن الافضل والاسرع في رأيي الشخصي وتعطيه عنوانك تام ويشوف هل في امكانيه لتوصيل النت لحوشك ولا لا
في العاده تمشي الامور وكلها اسبوع ايجيك الفني ويركبلك عن نفسي نحول لاكتر من حوش وانركب بروحي لكن انت اولك مره فخلي الفني ايجي ايركب وقولهم انك محتاج وتبيه بسرعه باش مايقولولكش اكتر من اسبوع

حاولت نشرح بالتفصيل

موفق........

بارك الله فيكم اخوتي والله كفيتم ووفيتم
واسئل الله ان يجازيكم خير الجزاء

الله يبارك فيكم

يا اختي اولا ان شاء الله توصلي سالمة الى شيفلد ارخص شفرة في المكالمات الدولية هي LEBARA و اني عن نفسي لما وصلت شريتها من بحدا الملحق الثقافي في لندن 10 باوند و فيها رصيد ,,,,لكن في المطار اكيد موجودة لكن اغلى اكيد ..... و بلنسبة لانترنت انت اول ماتوصلي للفندق او guest house ح تلقي الانترنت و جسب علمي ان افضل شركة هيا virgin ...اختي الحياة سهلة هنا و العيب الوحيد ان كل خطوة بفلوس بس توكلي عل الله و ما تحطي في بالك شيء و بالنوفيق

السلام عليكم
ربي صلك باالسلامة
ونتمنولك كل التوفيق
الشباب زي العادة ما قصرو جزاهم الله خير
وبالنسبة للشفرات خدي اثنين وهم مجانيات وحدة ليبارا واخرى لايكا وبدلي بينهم ولو اني نفضل لايكا
بالتوفيق

melgheriani كتب:

يا اختي اولا ان شاء الله توصلي سالمة الى شيفلد ارخص شفرة في المكالمات الدولية هي LEBARA و اني عن نفسي لما وصلت شريتها من بحدا الملحق الثقافي في لندن 10 باوند و فيها رصيد ,,,,لكن في المطار اكيد موجودة لكن اغلى اكيد ..... و بلنسبة لانترنت انت اول ماتوصلي للفندق او guest house ح تلقي الانترنت و جسب علمي ان افضل شركة هيا virgin ...اختي الحياة سهلة هنا و العيب الوحيد ان كل خطوة بفلوس بس توكلي عل الله و ما تحطي في بالك شيء و بالنوفيق

الله يبارك فيك اخي
واسئل الله التوفيق لي ولسائر اخوتي في الغربة

dadaa1982 كتب:

السلام عليكم
ربي صلك باالسلامة
ونتمنولك كل التوفيق
الشباب زي العادة ما قصرو جزاهم الله خير
وبالنسبة للشفرات خدي اثنين وهم مجانيات وحدة ليبارا واخرى لايكا وبدلي بينهم ولو اني نفضل لايكا
بالتوفيق

الله يبارك فيكم
كفيتم ووفيتم والله

melgheriani كتب:

يا اختي اولا ان شاء الله توصلي سالمة الى شيفلد ارخص شفرة في المكالمات الدولية هي LEBARA و اني عن نفسي لما وصلت شريتها من بحدا الملحق الثقافي في لندن 10 باوند و فيها رصيد ,,,,لكن في المطار اكيد موجودة لكن اغلى اكيد

حتى أنا كنت نحسابها في المطار أغلى لكن الشباب اللي شروها من المطار خذوها بنفس السعر وفيها رصيد يعني حق الرصيد والشفرة ببلاش.

Abu Mohamed كتب:

melgheriani كتب:

يا اختي اولا ان شاء الله توصلي سالمة الى شيفلد ارخص شفرة في المكالمات الدولية هي LEBARA و اني عن نفسي لما وصلت شريتها من بحدا الملحق الثقافي في لندن 10 باوند و فيها رصيد ,,,,لكن في المطار اكيد موجودة لكن اغلى اكيد

حتى أنا كنت نحسابها في المطار أغلى لكن الشباب اللي شروها من المطار خذوها بنفس السعر وفيها رصيد يعني حق الرصيد والشفرة ببلاش.

تسلم يا اخي على الرد
وان شاء الله سناخدها من المطار في حال وصلنا بالسلامة بعون الله
صحيتوا والله

توصلي بالسلامه اختي

الاصيله


وترجعي بأذن الله سالمه غانمه

بخصوص سؤالك عن الاتصال
في كرت اسمه 1+1 للاتصالا
هو كرت اتصالات تشريه و تعبيه في شفرتك اللي عندك
يعطيك الكرت بقيمة 10 باوند مايقارب عن ساعتين و نص مكالمات الى ليبيا
يعني لما تعبئ الكرت في شفرتك بقيمة 10 باوند فأنتي تقدري تتصلي بليبيا وتتصلي باهلك لمدة ساعتين ونص
هذه الطريقة تعتبر الارخص في الاتصالات في بريطانيا
لانه اغلب شركات الاتصالات اصبحت غالية و قامت بالغاء عروضها في الدقائق المجانية


بخصوص حجم الشفرة فأنتي تقولي لصاحب المحل هل تبيها عادية او مايكرو يعني صغيرة
ولو شريتيها عادية و تبي تصغريها في المحلات الة تقوم بقص الشفرة يعني مافيش خوف


بخصوص الانترنت احسن شركة وعن تجربة كم شركة هي فيرجن لا يعلى عليها

بالتوفيق