فليكون يوم الاثنين الموافق 22 ابريل يوم لحل مشكلة المكتب الكندي

فليكون يوم الاثنين الموافق 22 ابريل يوم غضب واعتصام واحتجاج علي سوء الادارة ولحل مشكلة المكتب الكندي

شباب اجمعو كل شخص ايمسة الامر او يمس شخص من اهله نحن جربنا كل الحلول السلمية بس للاسف مفيش مفر من هدا الاجراء موعدنا يوم الاثنين وانا حنحاول مجمع اكبر عدد يهتم اخواني يوم الاثنين اخر فرصة


الله اكبر الله اكبر الله اكبر ولله الحمد


عاشت ليبيا حره ابيه

ســـــــــــــــــــــــــــــلام

الاعتصام هو الحل بس حيكون وين امام الوزارة والساعة قداش

نعم هذا هو الحل الصحيح

السلام عليكم
انا مع فكرة الاعتصام يوم الاثنين لان الدولة لا تفهم الا بقفل الشوارع والمباني ياريت يكون الساعة 11 امام الوزارة

ضروري يسكر مبني الوزارة عشان يحسو بينا و نكلمو القنوات الفضائية عشان يغطن الخبر

ونحكولهم علي الاهمال اللي صاير في ليبيا الحره اللي اسبب في ايقاف حالنا و ايقاف المنحه علي

الموفدين في الخارج يا راجل بدال ما يديروا الحاجة اللي تريح الطالب ما يديروا الا اللي اخليه يخمم

وما يركز علي دراسنه الله المستعان فيهم

انا معكم بأذن الله في الاعتصام امام الوزارة
نحن لا نطالب بشئ غريب او ليس من حقنا نريد حل للمشكلة

لا وقالك وقع قرار ايفاد 13000 ويبو يزيدو 30000 اخرين
يحسابو الموضوع غير وقع قرار تم ما يبو فلوس ولة شيء
غير بدوا علي دزيتوهم و بعدين وقع قرارات للصبح

يا ريت تدخلو علي موقع المنار علي الفيس بوك لان موضوع توقف المنحة معروض ولكن الردود علي الموضوع مش تمام
البعض مش فاهم وغير يتهم في الطلبة بكلام سيء
نامل التجاوب مع الموضوع ومشاركته لاكبر عدد من الصفحات والتعليق علي الموضوع بما هو صاير معانا

ربي يوفق جميع الاعضاء الساعين ... وان شاء الله ربي يقدر الخير

اخواني سكان طرابلس الخطوة التاليه هي التوجه الي مدرية الامن طرابلس واخد الادن للاعتصام ارجو الاسراع بهده الخطوة لكي يكون كل الحق معنا وكل الاجراءات قانونيه


بخصوص المكان الراي مشترك انتفق وانحدد الموعد والمكان وانا جاهز وحاولو اتكلمو كل شخص ايمسة هدا الموضوع او يمس قريب ليه

السلام عليكم
اخواني قبل اشويا كلمت اليسد طه وهو يشتغل في قناة العاصمة وقالي ابعتلي شرح للمشكله وانا خديت ايميله بيش نبعتله المدكره يعني إن شـاء الله حتي الاعلام حيكون معنا في الضغط اكثر واكثر

abdo_abadi كتب:

فليكون يوم الاثنين الموافق 22 ابريل يوم غضب واعتصام واحتجاج علي سوء الادارة ولحل مشكلة المكتب الكندي

شباب اجمعو كل شخص ايمسة الامر او يمس شخص من اهله نحن جربنا كل الحلول السلمية بس للاسف مفيش مفر من هدا الاجراء موعدنا يوم الاثنين وانا حنحاول مجمع اكبر عدد يهتم اخواني يوم الاثنين اخر فرصة


الله اكبر الله اكبر الله اكبر ولله الحمد


عاشت ليبيا حره ابيه

ســـــــــــــــــــــــــــــلام

الله اكبر الله اكبر الله اكبر ولله الحمد

الله أكبر الله اكبر الله اكبر ولله الحمد. أنا من ناحيتي سوف ارسل اثنين من اهلي في هذا الاعتصام. وربي يكون معانا.

يا اخواتى الكرام
اين مشكلة هل مشكلة عندنا فى ليبيا عدم احالة اموال من الوزاة تعليم عالى الى مكتب الكندى ام مشكلة فى مكتب الكندى لان سمعت بعض اناس يقولوا ان مكتب سرق اموال طلبة والله معاش فهمن شى الوزارة تطعن فى مكتب
وهل صحيح الحكومة الليبية تريد تلغى عقد اتفاقية بين الوزارة تعليم عالى ومكتب الكندى يا ريت فهمنا
وشكرا للك

نعم الظروف جدا تعبانة نرجو ايحاد حل سريع

السلام عليكم . موعد الاعتصام يوم الاثنين بس اين سيكون مكان الاعتصام والساعه كم .ياريت الاخوه القائمين على الموضوع ايوضحوا اكثر .
والله اكبر
وعاشت ليبيا حره ابيه.

ياريت الاعتصام مايكونش قدام الوزارة لانه ما اعتقدش ليها اي تأثير تي هيا الوزارة جاية في مكان بعييييييييييد والاعتصام او تسكير الطريق ماليشي اي تأثير

وفي الاخير نتمنوا تحديد والاتفاق على مكان وساعة الاعتصام من توا ونتمنوا اي حد يهمه الموضوع وجاي للاعتصام او بيبعث حد من طرفه يجيب معاه 2 ولا 3 من اصحابه او اكثر
لزيادة العدد وبحيث يكون التأثير اكبر ان شاء الله

شوفوا الصفحه هذي علي الفيس بوك شنو كاتبه ( ملتقى وزارة التعليم العالي)

abubaker.sasi كتب:

شوفوا الصفحه هذي علي الفيس بوك شنو كاتبه ( ملتقى وزارة التعليم العالي)

لايوجد فيها شئ مهم يخص موضوعنا

Om Ahmed كتب:

abubaker.sasi كتب:

شوفوا الصفحه هذي علي الفيس بوك شنو كاتبه ( ملتقى وزارة التعليم العالي)

لايوجد فيها شئ مهم يخص موضوعنا

هذا المكتوب
(رزق الهبل على المجانين!!

الحكومة الليبية تدفع سنويا أكثر من مليون دولار سنويا الى المكتب الكندي فقط في مقابل ان يستلم هذا المكتب الاموال من ليبيا تم يقوم بتحويلها لهؤلاء الطلبة، والمفاجأة ان عدد هؤلاء الطلبة لا يتجاوز 900 طالب، يعني لو كل شهر الحكومة تبعت واحد بالفلوس ويوزعها على هؤلاء الطلبة لكانت العملية ارخص..

هذا ما هو معلوم، اما ما هو غير معلوم وتحت السطح فأن التقديرات تقول ان الملايين تضيع كل سنة بطرق غامضة وملتوية بالمكتب الكندي حيث انه لا رقيب ولا حسيب ولا أحد في وزارة التعليم العالي يعلم بالذي يجري، والفلوس والصلاحيات بالكامل تحت سيطرة المكتب الكندي، علما بأن المكتب الكندي يقوم بإدارته مجموعة من الحاذقين والفالحين الفلسطينيين واللبنانيين ربما بالتنسيق مع بعض الفالحين الليبيين..

البديل متوفر وسهل جدا، والتقنية المتاحة بأمكانها ان تحل كل هذه المشاكل بكل بساطة ويسر، الشئ الوحيد المفقود هو الأدارة الوطنية المؤهلة والنزيهة والتي تمتلك الإرادة والشجاعة لتطبيق الحلول الصحيحة والفعلية.)

والله يا شباب معاد افهمت حاجه انا خلاااااااااااااااااااااص الموضوع هدا معاش اعرفت نمسكة زي الهواء ادمغي وجعني

الموضوع اصبح يثار في الفيس لكن للاسف بشكل ضد المكتب الكندي وضد مصلحة الطلبة
هذه النتائج المتوقعة طالما السلبية مستحودة علينا

https://www.facebook.com/permalink.php?story_fbid=361957867247348&id=304231176353351&comment_id=1966439&offset=0&total_comments=14&ref=notif¬if_t=feed_comment_reply

ملتقى وزارة التعليم العالي شكلهل صفحة على الفيس بوط لها اغراض معينة من تشويه المكتب والطلبة الموفدين , ويبدو ان اللي ديرها مريض نسال الله ان يغفرنا

صحيح، أدمن تلك الصفحة على الفيس بوك شخص كاذب ومراوغ ويريد تلميع وزارة التعليم وإلقاء اللوم على المكتب الكندي لا بل وعلى الطلبة أيضا! عليكم به يا شباب، لا رحمة مع العبيد المرتزقة