كيف نسجل صغاري في المدارس الكندية؟

نهاركم سعيد خوتي الموفدين وخوتي المقيمين في كندا
كيف نسجل صغاري في المدرسة؟
وشن الاوراق المطلوبة وال لازم نجيبهم معاي من ليبيا؟
انا جاي لفانكوفر إنشالله وبحث عن مواقع لمدارس كندية في فانكوفر ولم افلح الي في فانكوفر أعطوني اسماء مدارس كندية غادي أو موقع

السلام عليكم

الاورق المطلوبة للاطفال

شهادة تطعيم مترجمة والاحسن تمشى الى مكتب التطعيمات الدولية وتاخد رسالة منهم نمودج فية كل التطعيمات ارفع معك بطاقة التطعيم الليبية الى قرجى الدرن طبعا تطبع النمودج بروحك المدير انسان متعلم ومحترم جدا

تانيا شهادة ميلاد من البلديةا ترجمها وتصدق عليها

تعريف طالب وشهادة النجاح للصف مترجمة طبعا

اذن الدراسة للاب والتلميذ الصادر من السفارة الكندية (STUDY PRIMATS)

فى الاخير دعواتكم لنا و لليبيا بالتوفيق

سهلة الامور فى فانكوفر هناك مدارس اسلامية ومدرسة سعودية يوم السبت ابعتلى اميلك وتوا نقوم بالواجب معك

أخي ما تتعبش روحك بالبحث عن المدارس لأنك مش أنت اللي تختار المدرسة ! التعليم في منطقتك حيوجهوك لأقرب مدرسة من عنوان سكنك .
كتيبات التطعيم الجدد في ليبيا مترجمات أساسا ما عدا البيانات الشخصية للطفل ، تترجمهن بخط يدك عادي